(( الجمــــــوح ))

[القلم الجنوبي]

قصيدة (( الجمــــــوح ))

للشاعر المبدع (( ســالم السيـــار ))



لعلمك والزمان اللي رماني لك يعلمني
أعز النفس وبصبر الشموخ بدمي ارويها

حسبتك من جروح الوقت والأيام ترفعني
وتحط روحي على كيفك في عز وتداريها

حسبتك راس اكيد الراس للأمجاد ياخذني
ولافكرت مثلك للوطى عيونه يمشيها

تبي ذلي تهبى لا انت ولا هالوقت يذللني
عيونك للوطى وعيني على القمرا اضريها

صحيح الشوق لأوراق الرصيف المر يدفعني
وتفاصيل الحنين هناك في بالي اناديها

ولكن توصل لنشوة غرورك ماتقدرني
تحسب اني ارد باشواق عمري لك واهديها

غريبة كنت احسب انك مع الأيام تعرفني
مع انك تدري اني لابغيت اعميها اعميها

صحيح احساسي ضيعني وطيبي حيل بهذلني
ومعك ماينفع الأحساس والطيبة ومعانيها

واذا في يوم أشواقي تبي عندك توصلني
ومن كفوف الوله تاخذ يديني لك توديها

يمين الله ولالك غير يمين الله تحلفني
اذا نفسي توصلني لمثلك والله لـ فنيها


تحيــــــــاتي لكـــم

[مرايم الشرقيه]

شـكــ وبارك الله فيك ـــرا لك ... لك مني أجمل تحية .