قصيدة { حب } مجنونك تعـال إفهـم معانيهـا
تعال ولاحظ الروعه برسمي روعة فنونـك
تعال{ لعاشقٍ }عانـى وهـو ينظـم قوافيهـا
كتب قصّه وسماها قصيدة { حـب مجنونـك}
أبي اعلن حبّك العذري على{ الدنيا }وما فيهـا
أبي من لا يعرفونك { هنـا }فينـي يعرفونـك
أبي ارسم { صورتك } لكن ابي اقصر عند تاليها
أبي من دون لا توضح تقاسيمك { يشوفونـك }
تبسّـم بالشفـاه اللّـي تنادينـي واناديـهـا
تعال{ وضمّني }خـل الخلايـق لا يهموّنـك
وإذا عاجز تسوّيها لـك الله غيـر أسوّيهـا
وأبي العن خامس أسلاف العواذل لو{ يعذلونك }
وأبيك تناظر بعينك علـى عيـنٍ تراعيهـا
أبي من لا مني لأجلك يشوف الموت { بعيونك }
عيونٍ جيت أكحلّها ولكـن خايـف أعميهـا
أخاف أزيد في مدحك{ يغـارون }ويذمّونـك
معي روحٍ إذا شفتك شكت قسـوة محانيهـا
مثل طفلٍ فقد { غالي } لقـاه بضحكـة سنونـك
تبي تطلع , تبي توصل , تبي تزعل وأهديّها
أخاف{ الروح }لو تطلع بعد موتـي يعزّونـك
ما دامي معلنٍ { حبّك } أجل لا غـرت وشفيهـا
أغار ونص { يا عمري }.. أجل وشلون مفتونك
تبي غيري يجي يمّك وأنـا داري { وأعديّهـا }
عجزت أتخيّل العالم بعد { موتـي } يواسونـك
أخاف تتعب لحالك مـن الدنيـا وبلاويهـا
وأخافك تضعف وتقوى عظام اللّي يعادونـك
{ حبيبي } .. يا بعد راسي هنـا لا بـدْ ننهيهـا
أبي لامن قروا فكرة حبيبـك { مـا } يملوّنـك
تبي بالمسـك نختمهـا .. تبسمّلـي بتاليهـا
تبسّم دامها تمّـت { قصيـدة حـب مجنونـك }
09-02-2009, 09:59 AM
حب مجنونك قصيدة اكثر من رائعة
المواضيع المتشابهه
العرض العادي
