فطاير رووووووعه تذوب في الفم

[ورده فواحه]

المقادير :
3 اكواب طحين ابيض
م ك خميرة فورية
3 م سكر
رشة ملح
بيالة زيت
كاس وربع ماء دافئ

الحشوة :
اللي تحبين
زعتر بالخضار ( زيتون وطماط )
جبن تشيدر وكرافت مخلوطين مع بعض
بيتزا ( صوص البيتزا + زيتون + جبن )

الطريقة :
1- نخلط المقادير الجافة مع بعض بعد كذا تصبين عليها المواد السايلة وتعجنينها بالعجانة لحد ماتتجانس العجينة مع بعض .
2- نغطي العجينة لمدة ربع ساعة او لحد ماتتخمر .

3- نكور العجينة لكور ونبدا نرق كل وحده ونحطهم في صينية ونخليهم يتخمرون مره ثانية عشر دقايق .

4- نجهز الصاج ونحط العجينة عليه ونحط فوقها الحشوة ولما تستوي وتتحمر نصفطها ونشيلها .

( اذا تحبين الفطاير محمرة من داخل وبرا اول شي حطي العجينة وخليها تتحمر شوي بعدين قلبيها وحطي بوسطها الحشوة على الجهة اللي تحمرت واذا استوت الجهة الثانية صفطيها وشيليها ) .
5- ضروري تغطين الفطاير بعد ماتشيلينها من الصاج عشان تحتفظ بالحرارة وماتصير يابسة لوقت التقديم .

وهذا الشكل النهائي بعد ماقطعتها

وهذي من قريب بكل الحشوات

اذا عجبتكم لاتبخلون علي بردودكم الحلوة ياحلوين
بالعافية ان شاء الله