طالبة منكم يابنات المساعدة والنصيحة ... أرجوكم

[ماذا أفعل ؟!!]

السلام عليكم ورحمة الله وبركاته

أخواتي أنا متزوجة من 11 سنة وأنا امقصرة في الاهتمام بنفسي من حيث الزينة والشعر

أنا أدري إني امقصرة في حق زوجي من هالناحية بس مو عارفة أغير نفسي


مثلا أشتهي أستشور شعري على طول وأحط مكياج ولو خفيف بس ما أسوي
ودي أتغير إلى الأفضل وأهتم بنفسي أكثر علشان زوجي

شسوي
يمكن لأني مو متعودة على مظاهر الزينة من لما كنت صغيرة وبنت كانت أمي دائما تقول لي عيب لاتسوين ولا تحطين ولا ولا ... مع إني أشوف بنات خالاتي يهتمون بأنفسهم وأقول لأمي ليش أنا لا تقول عيب ماعليش منهم

ساعدوني
نصحوني
اشلون أبدأ أغير في نفسي وأهتم أكثر وأكثر
ماعندي شيء شاغلني من قبل
علما إني مارزقت بأطفال إلا هاذي السنة الحمد لله رزقت ببنوتة قمر الله يحفظها ويحفظكم ويحفظ أبناؤكم


وترا زوجي مايقول لي شيء ومايتكلم ومايطلب مني بس أنا أخجل منه بتصرفاتي وبعدم اهتمامي





وجهوني ونصحوني أبي اغير من شكلي الروتيني >>>> ترا أحيانا قليلة أسوي شعري بالاستشوار وأحط مكياج خفيف
بس أبي أصير على طول
حتى ولو مرتين في الأسبوع راضيه




وألف شكر للجميع ولمن يوجهني

[اميره بكلمتي]

اختي العزيزه
انا اشوف انها خطوه رائعه انك تفكري بالشكل هذى ...
وانتي فاهمه نفسك ...كل اللي عليك التغيير ..وخلاص
شوية اهتمام ...ونشاط ...يتبدل الحال
وصدقيني زوجك اكيد كاتم في نفسه ولا يبغى يزعلك
بس انتي انتبهي شوي ...وتغيري قبل يقوولك هوه ..
روحي مشغل ...يقص شعرك قصه مريحه للسشوار او التجعيد ....
مع لبس مرتب في البيت ...وشويه رتوش كحل او روج مو شرط ميكياج سهره
والريحه الحلوه ....وعودي نفسك
وان شاء الله تستمري
مبرووووووووووك البنوته الله يخليها لك

[وحشتني الذكريات]

حياك اختي

اولا ماشاءلله تبارك الله يعني انتي بديتي من نفسك ...<< وهذا شي حلووو ..

حسيتي انك تسوين غلط ... وحماسك واهتمامك هذا اول شي طيب ..


<< فيه غيرك من الناس .. تقووول بالطقاق عسى ماشافني متزينه ولا مستشوره ...


بعدين ماني عارفه وش اقولك ...<< مثلا حطي مكياج ولا سشوري شعرك .. ولا البسي جنز ولا شي ..

يعني هذا الشي خلاص من نفسك ... انتي اليوم بعد ماتتحممي .. اجهزي مما جميعه .. << خلي كل شي خفيف وناعم ..<<لان الرجال مايحبون المكيااااج الثقيل ...

<< فرصه اليوم جمعه ... يعني بيكون شكلك حلووو ..


غريبه يا اختي انتي انثى .. والانثى بطبعهااا وفطره فيهااا تحب تتزين ..

ممكن صحيح كلام امك اثر عليك ...
بس خلاص هذا زمان يوم كنتي بنوته الحين انتي زوجه ..... ولابد وضروري الاهتمام بنفسك لجل عيون زوجك <<< لاتخلين زوجك يطالع غيرك ولا يقارنهم فيك ...


الله يهديك ويصلح حالك ويزينك بعيون زوجك قولي امين
تحيآآآآآآآآآآآآآآآآآتي

ام نواف

[ماذا أفعل ؟!!]

ألف شكر خواتي أميرة وورد على تشجيعكم

أنا لبسي امرتب بس عادي يبي لي نشاط مثل ماقلتو وحماس للتغيير من الشكل الروتيني
أبي تشجيع

والله أحيانا أقابل المرايه وأطالع نفسي وأبكي وأكلم نفسي وأسألها ليش ماتهتمين مثل غيرك من البنات

ما ألقى جواب


إن شاء الله اليوم راح أستشور شعري وأحط ولو روج خفيف




ألف شكر عيوني على تجاوبكم

[♡ sαяσиα]

الله يهديك..
ما يبيلها حرب هي ولا استعداد خذي الامور ببساطه..
بعدين الله يهديك ليه تحطين مكياج بالبيت
كمان اذا تعود شكلك بالمكياج بيصير ما يرضيه شكلك العادي؟؟

شوفي ياحلوه
اكيد كل يوم ويومين تتحممين..
اول ما تطلعين..
جعدي شعرك ارفعيه بطريقه حلوه
سشوري من قدام بس..لو كل مره تسشورين شعرك كامل بينعدم..؟؟
حطي اولاي..<< انا اسوي كذا وكثرة المكياج مو زينه بس اذا عزمك برى حطي..
مسكر..وشوية غلووس
وريحتك حللللللوه علطول
وانتهيناا

لا تلتفتين لغيرك
من راقب الناس مات هم
مثل ما عملتي بنفسك؟؟

انتي سوي اللي يريحك..

يمكن اللي تشوفينهم مجرد مظهر برى البيت
ويمكن داخله بشعااات..؟؟
لااااااا يغرك..
وزوجك متأكده راضي بشكلك..لو فيك شي والله بينقد..او على الاقل يرمي كلمه
مستحيل يظل ساكت لو منتي عاجبته
بس سبحان الله الحريم داايم يدورون لنفسهم الهم..صح

المهم

ارجعي بعدين قولي لنا اذا زوجك بيلاحظ التغيير او لا

بالتوفيق ياااااااااارب