ممكن مساعدتكم

[طيف الدلع]

السلام عليكم ورحمته الله وبركاته
اخواتي في الله ابي منكم تساعدوني في سفره عشا خاااااص
وابي الكل يعطيني فكره ايش احط على السفره ابي اسوى مكرونه لازانيا وايش اسوى كمان ابي كذا صنف
وجزاكم الله خير
انتظر الرودود

[ج ـــلــنار]

عليكم السلام ورحمة الله وبركاته

هلا وغلا فيك أختي ...

مع اني مو فاهمه عشاء خاص لكن أي سفره تبغيها تكون كامله وفخمه لازم يكون عليها اكثر من نوع

وأفضل طريقه انك تختارين الأشياء اللي انتي بتسويها وتكتبيها في ورقه عشان ماتحتاسين ولا تنسين

يعني مثلآ السلطات : تبوله - سلطة زبادي - سلطه خضراء- فتوش - سلطه حاره

وانتي اختاري اللي ينعجبك

ممكن تضيفين محاشي : محشي ورق عنب وبامكانك تجيبي محشي جاهز وانتي بس تطبخيه أفضل من

اللي في العلب - محشي كوسه - محشي كرنب

المعجنات : سمبوسه - سبرنغ رول محشي خضار أو دجاج - فطاير -بيتزا صغيره - فطائر جيب التاجر

الحلى : عاد هذا صعب احدد لك لأنو يرجع لأختيارك

الصواني : فيه انواع كثيره وهذي بعض اللي موجود هنا بالقسم



http://0o1o0.com/vb/showthread.php?t=49413

http://0o1o0.com/vb/showthread.php?t=38970

http://0o1o0.com/vb/showthread.php?t=42527

http://0o1o0.com/vb/showthread.php?t=48939

بصراحه الاختيارات والأفكار كثيره بس ما ابغى اكثر عليك فتحتاسين

لكن ان شاء الله أكون أفدتك يالغلا ولو ببعض الشيء

والبنات ماراح يقصرون ان شاء الكل راح يعطيك فكره

الله ييسر أمورك ويعينك يآآآرب

[مون فايس]

الحقيقة انتي خليتي المجال مفتوح واصبحت الخيارات كبيرة كثير

انا باتكلم عن نفسي

لاني امكانياتي على قدي وراح اقيس على هذا الاساس

لو انا بعمل عزيمة راح احط فيها سلطة خضراء متبلة بالليمون والخل وزيت الزيتون وشوي سماق وازيد عليها خبز مقطع مربعات صغيرة ومحمصة

واعمل صينية دجاج بالفرن ،،، تغسلي الدجاج وتتبليه بالملح والبهار المشكل والفلفل الاسود وتتركيه يتشرب اللي فيه

وتقطعي الخضار المتوفرة عندك واهمها بطاطس وكوسة وباذنجان وجزر والباقي كل واحد وذوقه

وقطعي باسفل الصينية بصل شرايح وطماطم شرايح فلفل بارد شرايح واذا تحبي يكون حار فلفل اخضر

وحطي عليها الخضار اللي قطعتيها ،، ورصي عليها الدجاج المتبل

وجيبي صحن عميق وحطي فيه علبة صلصة صغيرة وملح وفلفل اسود وثوم مفروم وزيت زيتون

ولبسي فيها الدجاجة والباقي حولها على الخضار

جيبي كاس موية مغلي وذوبي فيها مكعبات ماجي الى ان يصير مرقة وصبيه باطراف الصينية

احكمي قفلها بالقصدير ولكي حرية الاختيار

ياما تحطيها بالفرن وتولعي عليها من تحت وتتركيها تاخذ وقتها الى ان تنضج

او تحطيها على عين البوتجاز وتخليها تستوي وتنتبهي لا تخلص مويتها وتنشف من تحت وهي لسة ما نضجت

ولما تحسيها صارت مرقتها مسبكة وخضارها مستوية والدجاج ناضج

نزليها الفرن وفكي القصدير وحمريها من فوق

وبالهناء والشفاء

[مون فايس]

ممكن تعملي كبسة لحم واذا نضجت لحمتك وقبل ماتضيفي الرز شيلي اللحمة وملحيها وتبليها

ودخليها الفرن ملفوفة بقصدير وخليها تتحمر

على جنب جيبي الطاوة وقطعي فيها بصل شرايح طويلة كثير وحمريها على زيت ولا تحركيها واجد عشان تتكرمل

واذا اتحمرت اضيفي عليها بهارات مشكلة وليمون اسود مطحون واي نوع بهارات تحبين

وانا واخواتي نحب نضيف عليها عصرة من الليمون وممكن تضيفي عليها زبيب محمر وكاجو وصنوبر محمرين


وبرضه لك الاختيار اذا تبغي ترشيها كذا او تعملي زينا وتاخذي ملعقة كبيرة من الرز الناضج من كبستك
وتخلطيها مع الخلطة

خصوصا لو كان فيها كركم او زعفران يعطي الرز لون مميز اصفر حلو

ولما تقدمي

صبي رزك في التبسي حق التقديم ورشي عليه خلطة البصل والمكسرات وحطي اللحم المحمر بالنص

وزيني حواليها بحلقات بيض مسلوق وحلقات ليمون

بيطلع شكلها يهبل وطعمها جنان

وان شاء الله يعجبك

[مون فايس]

ممكن تعملي مكرونة بالباشاميل محشية بصوص التونة مو لحمة مفرومة

اذا عجبتك وتبغي مقاديرها قولي لي واعلمك

طعمها كثيييير حلو وشكلها حلو توني صلحتها لاخواني يوم جوني الجمعة اللي راحت

وبالتوفيق ان شاء الله

واي مساعدة انا حاضرة