لكل زوج وزوجة ناجحين

[اخت الكل]

بسم الله الرحمن الرحيم ابدا قصتي بدون مقدمات لقد تزوجت وعمري 18 سنه من زوج كريم وثري ومصلي ولكن اعيش مع اهله ورغم الزوج الكامل الا اني اعيش مع وحوش بشرية حساد السعادة الزوجية لمادا يحبها ليش مرتاح ليش عايشين بحب وستراتهموني بكل شي ورغم كل الحب و عيشته باحلى عيشة الا انة يوقف بوجهي مقابل يرضي اهله وابجي واقوله انهم غلط مايصدقني وادا انتهت المشكلة تاسف ومرت 9 سنين على هالحاله لدرجة كل مانوينا السفر وقفو بوجيهنا وقام يتعدر ويواعدني ويخلف وكل مرة اسامح وانسى وبطبعي ماحب المشاكل واتنازل وكل يوم قالت اختي عنج وقال اخوي وقالت مرت اخوي وازعل وارضى نفس الشي كله انا غلطانة وهو صح واخر مرةجا زعلان و يهاوش انتي سبب مشاكل هالبيت وتفرقتهم المهم سكت قلت بتحرى الخبر طلع مرة اخوه قايله لخواته اني ادق عليهم وخرب علاقتهم ببعض وهو يسمع ويصدقهم رغم ان يعرفهم لازم انزل اطبخ لهم وخدامتهم ترتاح وحريمهم كل وحده تقول مريضة وماقدر الا انا عمرها ماسارت وهو صاد اهم شي رضاهم اناعمري ماهجرته او طنشته بصراحه ارضاه فوق كل شي بحياتي ولاعمره راضاني انا اراضيه دايماو اكسر الشر لكن لهدا الحد وبس بهجره وبشتري كرامتي تكففووووووون ابي حل اوقف هالمهزله مابي اسكت شسوي عطوني حل سالتكم بالله ابيه يراضيني لو مره بس بحياتي وبزعل صج شلون دلللللوني عسا ربي يحرمكم عن النار ويسعدكم دنيا واخرة

[اميره بكلمتي]

هلابك اختي
هذي والله مشكلة العيشه مع الكل في بيت واحد
الافضل ان تعيشي ببيت مستقل ...
وتدخلي ضيفه وتطلعي ضيفه
واذا كان ولا بد من العيشه معهم حاولي ان تسمعي كلام زوجك واللي يرضيه
وقولي على امرك
وهو راح يشوف بالاخير وين الصح ووين الغلط ..
وقولي حسبي الله ونعم الوكيل

ما انصحك بهجره مثلما قلتي ..
ولكن قولي دام انك تشوفني سبب المشاكل انا بسمع كلامك
واذا اتفقنا على شئ ياليت تكون عند كلمتك
وبس
والله يوفقك

[اخت الكل]

اميرة بكلمتي اشكر وقفتج معاي وعسى ربي ينور بصيرتج والشكوى لله الظاهر لازم يكسرني عند اهله ويرضيهم مقابل شقائي وعلى قولج حسبي الله ونعم الوكيل

[أم تيمو]

أوووووووووففففف من الأهل والعيشة اللي زي كذا.. انتي حاولي تقنعينه ان تطلعوا لبيت مستقل
واجلسو جلسة مناقشة وقولي له كل اللي بخاطرك ولازم يكون وقتها مرتاح نفسيا علشان يتقبل..
والله حاسة فيك لأني مررت بشئ مشابه واتجهت للباب الذي لايغلق ولم يخيبني ربي عندما توجهت اليه والحمد لله رب العالمين
الله يفرج همك وييسر لك