وحده قليلة حياء تتصل بزوجي

[ضحكة من قلب]

ياحياتي انتي ..
الله يصرفها عنك وعن زوجك ..
خذي جوال زوجك .. وارسلي لها كلمتين بصيغه محترمه رجوليه ...
وبعدها قولي لزوجك انك سويتي كذا .. لانها يمكن تقل ادبها وترسل له كاعتذار .. وهو مايكون عارف بالسالفه ...

أو خلاص وكلي امرك لله .. وطلعيها من راسك ..اذا تقدري تتحملي ..

[أنوثتي غير]

الله يجزاك خير انا كم مره اطلعها من راسي لكن هي تطلع لي مدري من وين
بالنسبة للرساله هو قال لها لاتتصلين بلسانه قال ماابغى مشاكل زوجتي تحبني وتغار علي لكن مازالت مستمرة

[أنوثتي غير]

تكفون اللي عنده حل لايبخل علي نفسيتي دماااااار ابغى اطلعها من حياتي

[زيف احساس]

يابنت الحلال لاتخربين بيتك بيدك ومادام زوجك ماهو معبرها لاتهتمين لها زياده وتنبهينه على شي ماهو منتبه له

هدي نفسك وبالنهايه هي مع التطنيش راح تفهم وتبعد واذا لزم الامر خلي زوجك يغير رقمه ولو فتره بصيطه وابعد

عن الشر وغني له

[أنوثتي غير]

اليوم يقول لي لاتعبين نفسك على ولاشيء انتي مشغله تفكيرك على شيء مو صح قلت له ريحي وسولي اللي ابي قال لا انتي تبين كل شيء على مزاجك قلت له ليه ماتبي تقولها لاتتصلين وسكت وانا جالسه ابكي واتكلم وهو ساكت واخر شيء قام وطلع
حسبي الله عليها مثل ماسلبتني راحتي