يابحر فيني من الحزن كثر مافيك

[بنك الحب]

يابحـر .. فينـي مـن الحـزن .. كثـر مافيـك ..
من حزن .. وأوجاع .. وغياب .. وغرايب !!

لاتلومـنـي إلـيـا شفـتـنـي .. دايـــم أجـيــك ..
ولاشفتنـي دايـم .. عـلـى الـشـط .. ذايــب !!

حزني كبير .. أكبـر مـن حـدود .. شاطيـك ..
وأقسـى مـن جــروح الـزمـان .. العطـايـب !!

وإن كـان تنشـدنـي فـأنـا .. مـقـدر أخفـيـك ..
دايـم اظــن .. ويطـلـع .. الـظـن .. خـايـب !!

فـي هالزمـن .. أقـرب حبايـبـك .. يشقـيـك ..
إلـيــن تـدفــع فـــي غــــلاه .. الـضـرايــب !!

من بعـد هـذا .. يبتعـد .. عنـك .. ويجفيـك ..
ماكنه .. بجنبك .. قضـى الوقـت .. طايـب !!

وإلا .. الـخـوي الـلـي تـوقـعـت .. يـفـديـك ..
يفـديـك عـمـره .. لاغــدت بــك .. نشـايـب !!

صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!

لاتقـول لـي .. بـدري .. وتـوك .. ويمديـك ..
وتعـال .. وأسمـع باقـي الهـرج .. صـايـب !!

خلـك بحالـك .. وأطـلـب الــرب .. يهـديـك ..
ولاتنشد اللي غاب .. ويـن أنـت .. غايـب ؟؟

وإن شفتني غايب .. عن حدود .. شاطيـك ..
أعرف تراني .. تحت .. ذيـك .. النصايـب !!

وأعرف تراني .. دايم إن ضقـت .. بآجيـك ..
لأني .. أنا .. والموج .. صرنـا .. حبايـب

[ميمي التميمي]

رووووعه تسلم الأنامل .
مشكورر أخوي على طرحك الرااائع .

[فيصل الروقي]

للبحر في قلوبنا .. . ذكريات تتحرك معها الاشجان

البحر مدرسه يكاد الجميع .. جلس على شواطئه ليتعلم
فعندما ننظر الى افقه البعيد نتعلم بعُد النظر في حياتنا وسعة الافق في التفكير..
وعندما ننظر الى هدوء امواجه حيناََ وهيجانها حينا اخر .. نتعلم
برمجة الذات مع متغيرات الحياه بحلوها ومرها..
وعندما ننظر ونغوص في اعماقه .. نتعلم اكتشاف دواخلنا وبذل العطاء بلاحدود مع من حولنا ..

فمااجملك يابحر تناجينا ونناجيك ..!!
كالصديق الوفي دوما نجدك اينما بحثنا عنك.. كم الهمتنا بصفاءك
وانعكاس لون السماء على مياهك..
كم اخبرتنا بانه لازال بك متسع لغسل كل القلوب من همومها..
وعلمتنا كيف نطفو بارواحنا ولانغرق بها الى اعماق الاحزان..

شكرا لك يابحر


شكرا لك يابنك الحب