كلام اعجبني عن الخيانه والفراق

[الأميررر]

اقول حقي وماجاني قصيده حزينه عن الفراق
________________________________________
أنا ما أخطيت في حقك
ولو زدت زعل وعناد
تراني حافظ نفسي
وأداري جرح خلاني
صحيح أني أبيك بس
هذا وش نفع أو فاد
تماديت بتجريحي
( وغدرك ) حيل أشقاني
تحملتك وصار القلب
لأفعالك وطن وبلاد
وقلت فيوم تتعدل
أحاسيسك وتهواني
وأشوف أنه مع الأيام
( كذبك والغدر ) يزداد
تغيرت وقلبك صار
يقسى ويتحداني
وهبتك كل ما أملك
صبرت وقلت أنا يمكن
يجي لهذا الأمل ميلاد
وصرت والأمل كذبه
رسمتوا لوحة أحزاني
تحاصرني مشاريهي
تقود القلب ولا ينقاد
أبرحل اليوم عن حب
على ( الخيانه ) ناويبي
وأنا إنسان إذا أقفيت
ما يعلم بي النشاد
عن دروبي إذا صديت
أسلم كل وجداني
رخيت الحبل من شانك
وزدتني دلع وعناد
وأنا الغلطان وأعلنها
أقول حقي وماجاني


((خارج حدود المدينه))

تغيَّر شي .. لكن .. صار فاضي هالمكـان
يعني إنتَ شفت قلبي طحت مِنْ عيني وعينـه

كان لك قلبي مدينه ولاحظ إني قلت : ((كان))
يعني إنتَ الحين واحد ((خارج حـدود المدينه))

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه

( عزِّتـي ).. ما هي جديده آنا شامخ من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه

الفشل .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟؟
الله يرحمها المشاعر اللي كانت لـك رهينـه

قلت لك قلبي ( مدينـه )فيها لك حشمه وشان
لكن إنتَ الحين أغرب شخص في هذي المدينه

تحياااتي لكم ....الاميرررررر ...........يقول منقول

[الهاوِي]

عدت يالغالي والعود كان أحمدا كملات راقية من شخصية راقية تشكرات يابعدي على روعة طرحك .

[طيب الفال]

اختيارات جميلة مقطوعتين رائعة

اشكرك الاميرررر على طرحك

ولك تقديري واحترامي

[قلبي عن غيره تسكر]