ياقســــــوة الأيـــام

[سأبكي بلا دموع]

هي غلطتي والا الزمن دوم غلطان
منك العتب ؟ والا العتب من زماني

أحيان أحس الحزن .. لـ أجلي وأحيان
أقول هذا الحزن ماهو عشاني

ياليتها غربه وادوّر لي أوطان
ياليتها دمعه وتنسى زماني

ياليتها كلمه وادوّر لي إنسان
ياليتها ساعه واعدّ الثواني

كل العمر وأنا مع الهم خويان
لاضاق صدره زارني وابتلاني

أكذب عليك إن قلت عايش وفرحان
واكذب عليك ان قلت موتي كفاني

من ياخذ همومي ويعطيني إنسان
ماجاه مثل اللي من الحزن جاني

المشكله ماهي بغلطه وندمان
المشكله ليه الوفاء دوم فاني

صوره وملّتها من الشيل جدران
ورده وذبلت ومن قطفني رماني

كل آدمي يفرح وتنساه الأحزان
الا .. انا .. عمر الحزن مانساني

ماعاد باقي بالعمر كثر ماكان
والصمت يقتل فرحتي والأماني

هات الحزن مادامها احزان بـ أحزان
هات الحزن دام الفرح مالقاني

ياليل وين الصبح كل يوم سهران
أسهر وحزني يحتوي كل مكاني

يابلاد عمري مابقا فيك سكان
ويادمع عيني من بقا مابكاني

وياقسوة الأيام حنّي على انسان
لو راح ماتلقين ثاني ..

[ج ـــلــنار]

الله يبعد عنك الهم والاحزان يااارب


يعاااافيك ربي ويسلم ايديك على روووووووعة نقلك


دمتي بحفظ الرحمن

[Booov4live]

سلمتي ...
مشاركة تنبض باحساس صادق ..
الله يبارك فيك اخيتي
حقيقى مميزة كل جهودك
رزقك الله الرضا والسرور في كل حياتك اختي الكريمة
لكى من اخيك كل التقدير والإحترام ...