زوجي متعبني وشالسواة

[احلى ماسة]

اختي العزيزة والنعم فيك وانتي بنت رجال بس اقولك زوجك انسان وخلق الانسان من عدة انواع من الطين الصعب والسهل وهذا طبعه اكيد مو حلو لكن اذا مابادر او انه من النوع الي مايبادر وانتي بقيتي على حالك من الجفوةواحد شار عليه بشور شين اش بيكون حالك شوري لك اكتبي رساله معبرة عن حالك مع عبارات حبك وغرامك فيه بدون متجرحينه لان الرجال اهم شي متستحقره زوجته انا صار معي كذا وسويت ها الطريقة قبل مانام حطيت الورقة عند فراشه وقراها ودخلت فاحتضني وانا بكيت من حرارة جوفي وانتهى الامر على خير
والله يهدي بالك وييسر امرك

[الرايس]

أختي الفاضلة:
إتضح من قرآة الموضوع أن زوجك من النوع العصبي الذي يفقد الصيطرة على نفسه
أثناء الغضب وبنفس الوقت طيب قلبه والدليل أنه يعتذرلك إلى ذهب عنه الغضب
أختي الفاضلة أوصيك بالصبر ويكفيك أنك عرفتي طبعه ولاتجادلينه أثناء الغضب
وأكثري من الأستغفار والتقرب ‘لى الله والصلاة في اخر الليل والدعاء والله قريب
مجيب الدعاء أسأل الله لك السعادة في الدنيا والاخرة أنه سميعٌ مجيب

[قلب المعنى]

السلام عليكم

ياقلبي اسمحيلي اقولتس شغله مع احترامي لاغلب العضوات مايحبون يحطون ان الغلط على الزوج كثير اقراء القى الوحده تشتكي ويقولون اصبري اوكي وصبرت وبعدين
انا ماني عايشه معه سنة وسنتين وخلاص
انا باعيش العمر كله معه
يعني لالالالالالازم يكون فيه نقطه توقف كل شي
انا مثلك زوجي عسر وقالوا لي خواته الله يعينتس عليه
ولله الحمد عشة صحيح توني في بداية حياتي لاكن قدرة اغير
اول شي كنت اسويه اذا عصب اسكت اصير نفس الجدار وبعدها اكون رسميه الى ابعد حد الى ان يهداء الوضع وفي اليوم الثاني اجيه واقوله انا في خاطري كذا وكذا وكذا
الى درجه مره من قوة التعصيب سب ابوي
مافيه وحده بتسمح لزوجها يسب ابوها وتسكت
لكن ثاني يوم جيت وقلتله كل شي ولا انك تجيب ابوي على لسانك اهلي لاتجيب طاريهم ابدا الى هنا وحدك مااسمح لك ابد على قولتهم طلعت مخالب الانثى او اللبوة
انتي خليك حليمه وبعدها تعالي عاتبيه وقولي له سالفة انك تجحد بليز ستوب ولا تخليني اقعد اسجل عليك نقاط اذا انت بتقعد تبهتني وهو من نفسه بيمشي معتس عالصراط

الله يكون بعونك يارب ويربط على قلبك ويسخر لك قلب زوجك ياحي ياقيوم