كتبت اخر قصيده من دمي في صدر الحرمان

[إنسانه مسلمه]

خسارة كل شئ اقفى ومات الـورد والريحـان
وصار الجرح الاول فـالحيـاة يشبـه الثانـي

خسارة كـل غيمـة فـالسما تـروي العطشـان
خسارة يالغيوم الصفر وش جبتي علـى شانـي

انا من يوم ميلادي انا عـارف انـا الخسـران
ولكن حكمة الله في الحياة ارضـى بمـا جانـي

انا الي جيت للدنيـا كـذا مـا جيتهـا ولهـان
لقيت اني على جمر السنيـن الحمـر وحدانـي

انا والهم والوحدة على طول السنيـن اخـوان
على الحلوه على المره على صوتي على الحاني

انا جرحي حفظته في دروج السـر والكتمـان
وفجر داخلـي عالـم يحـاول يقطـع لسانـي

انا اللي كان صدري للخيـول الجامحـة ميـدان
انا اللي طيبتي كانت شعور للهمـس وجدانـي

انا اللي كنت غافل لين جتني طعنـة الشريـان
نزفت العمر كله ليـن ضاعـت قـوة ايمانـي

ترى طعنة قريبك لـو وصلـت ياشينها بركـان
وانا اللي طاح صدري في يدي وانهزت اغصاني

تغير كـل شـئ سرمـدي وانعدمـت الالـوان
وصار اللون الاسود من هنا اسمـي وعنوانـي

انا المجرم وانا اللي ما قتلـت داخلـي انسـان
قتلت الحب والطيبه بعد مـا شفـت النقصانـي

اناالحاكم واناالظالم وانا عالـم مـن الحرمـان
ومن يدخل محيط الحزن يشيـر بـي ويلقانـي

انا اللي خافقي مسجون واحساسي هو السجان
وضاع العمر مني وما قدرت اقبض على الجاني

انا عالم غريب وعالمي مـا يسكـن النسيـان
عجزت انسى جروحي والزمن يسعى لنسيانـي

كفايه ما كتبته من وهم عمري علـى الجـدران
كتبت اخر قصيدة من دمي في صـدر حرمانـي

[سلماس]

رووووووووعـه
وراقت لي
وانتظر جديدك بشوق

[إنسانه مسلمه]

غاليي سلماس

[عبق وشذا المدينة]

رووووووعه رااقت لي كثيرر

[إنسانه مسلمه]

عبق وشذا المدينة