كيف تخلي زوجكـ مايتزوج عليكـ ابد ابد (طريقه مضمونه)

[رائد محادين]

هذا هو الكلام الصحيح ولكن هيهات للذي يتعظ من هذا الكلام القوي

[الفارس الفاخر]

هذي وصية عجوز للبنات المقبلات على الزواج والمتزوجات


إسمعي كلامي ... وافهميه
زوجك بحقوقه ... راعيه
قبل ما يطلب ... تعطيه
وقبل لايمشي ... فطريه
و بعد الظهر ... أتغديه
وخليه يقيل ... ويرتاح
لايسمع ... لعيالك صياح
راهوا واقف من الصباح
وفي العصرية ...
ماتنسي الشاهي والقهوة .ومعاهن ديماالبشكوط
وقولي له كلام طيب بيش يقعد ديما مبسوط
والكلام الزايد ... فوتييه
وبكلام الحب ... خصيه
وبالابتسامه ... ودعيه
راهواا كان اصبح سعيد ... حبه دايما لك ايزيد
ويخلي ايامك ... عيد
ويفزعلك ... وقت التهديد
وين ماطعتي النصيحه
راهوا جايبلك ... نطيحه
راهوا اذا افاتك الفوت
ماينفعك طول الصوت
مايفيدك ... هل الدمعات
خلاص راح ... وخلاك
وقلبه من حبه ... جفاك
كله من فعل ... يمناك...........

[ahmedalshebane]

فهمو الغفر احنا موش متزوجين نساء احنا عندنا اولاد عمومتنا عايشين معانا بس الله يستر

[ahmedalshebane]

ياعزوز انقولك لاهن بحقوقنا مراعيات . وماناخدو حتى بعد مية طلب . ونمشو للعمل بلا فطور . والغداء الساعة اربعة بعد الظهر . وقايله مافيه . والعويل واك واك طول اليوم . واقف من الفجر واقف من الليل مشكلتك . الشاهى والقهوه والبشكوط للجارات بس . والكلام الزايد اتعشش بيه والحب والابتسامه مهناش الا فى الاحلام . الوداع نبو صفايح نبو داج محمر نبو ندهورو نبو نمشو حوش افلان امراته جايبه حوش افلان بنت اخته ميته حوش افلان دارو سراميك للمطبخ افلانه دارت شاشة ابلازمه حوش افلان شرت عقد بالفين جنه . من الاخير ياعزوز نصيحتك موش لليبيات اليبيات خلقهن ربى بعد كمل خلق المصريات . هههههههههههه

[مجنونه بهواه]

والله الكلام معقول بس مهو كل الرجال تنفع معهم

البعض مايرضيه شي والزواج بقلبة سااااكن

الله يحفضنا .. الوحده تهتم بنفسها وترضي ربها بزوجها وتوكل أمرها عليه سبحانه وبس