مسجات مرسله بالغلط هههههههـــ

[أغ ـــانيج]

هذي مسجااات يحكونها اصحااابها منرسلة بالغلط ...


بنات كانوا في الجامعه شله وكانت وحده منهم عازمتهم وجت وحده من البنات كتبت
لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء !! .....
(2)

مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخوف داومت
(3)

وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...
(4)
مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها
(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي :{ .....

(5)

أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ...وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..
والا هو جااي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي ,,:
(6)

قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان .... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة:
(7)

كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة ...:
(8)

مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..

تتتتخيلوا ...... الرساله راحت لزوجي وزعل وارسل تهديد

وانا انطميت وسكت والله موقف لن انساه
(9)

مره اختي مسافره برا وهي مديرة مدرسه .....

المهم جا وقت عودة المدرسات وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)قامت اختي من السنع ارسلت نفس الرساله لجميع المدرساااات ....يعني نفس النص ما غيرته وتعالوا شوفو الضحك والفشيله
(10)

انا مره اتصلت على وحده ماردت بعد شوي جاني منها مسج كاتبه

((يافلانه ترا فلانة (إللي هي أنا) ازعجتني بالاتصالات ومارديت عليها))

والمشكله اني مادقيت الا مره وحده ..

عاد تحسبوني سكت ارسلت لها مسج قلت:

(( ربي باغي يفضحك ))
(11)

جتني رساله من رقم ما أعرفه بس تقول :

((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))

على طول رديت قلت :

((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))

(12)
انا مره واحد ارسل لي رسالة بالغلط :
(فلان انت صاحي ولا نايم)ارسلت له : تراك غلطان رد :

( بلا استهبال جب معك فطور)

(13)
امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها
وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..
ما درت انه هو الشديد ..
ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه تو ..
قامت تضحك وقالت : اصلا امزح ماني رايحة لاحد ترقع

فله ذي العجوز ههههههههههههههههههههه...

يلا ياهووووه نبغى مسجات جتك بالغلط او ارسلته لاحد غلطان بليييييييييز نبغى تفاعل..

ترى من زماااااااان عنكم لا تفشلوووني


منقووووول للفللللللله

[قلبي اليوم ينبض بحبك]

السلام عليكم ورحمة الله وبركاته


😂ھًٰٓـۂھًٰٓـۂھًٰٓـۂھًℓøoøℓھًٰٓـۂھًٰٓـۂھًٰٓـۂھ ًٰٓـۂ 😂

سلمت ايدينكـ علي الوضوع الحلوو


انا مره جتني هالرسالة بالغلط

جيب اشقر رمادي فاتح من غارنيه اللي 16 ريال جيب 6علب

=)) هًُہهہهہـًُLÕ̸̳͡Õ̸̳͡☺Õ̸̳͡Õ̸̳͡Lـًُہهہهہهًُ رحت رديت عليها قلت غلطانهـه بـ الرقم

[ميمي التميمي]

ههههههههههههههه

روووعه ياغنوووو

بس العجوز ياقلبي عليها رحمتها .

الحمد لله ما جتني ولا رساله بالغلط .

بس انا اللي ارسلت كنت كاتبه طلبات لزوجي يجيبها وانا متعوده اكتب كلااااام قبل الطلبات

وارسلتها لصديقتي بالغلط بصدق موقف محرج .

[حكمتي بسكاتــي]

لبى صااحبته هالمووضوه ياحبي لهاا يانااس اي كذا نبغى حماس بس

الله يعطييك العافيه يارب

مرره متخانقه مع زوجي طبعاا شي طبيعي عاادي ملح الحياه هههههههه المهم

كنت مدهره بالرساله من العلوم الزيينه ههههه المهم ارسلتها لامي ياساتر استر انوااع الفشله وبعدها قفلت جوالي ههههههههههههههههه خفت من امي والله تعطيني مووحش من الكلام زعلت علي بعدها مع ان الرساله مافيه شي عتب بسيسسيط موقف صعب مرره
يوم علمت زوجي بعدين ضحك وعلق علي

[أغ ـــانيج]

قلبي ينبض بحبك

هههههههههههههههههههههههههــ

لا لا بصراحه قعده اتخيل موقفك يوم جاك الرد :msn-66d0b4dd79:

من جد احرااااااج :309:
اسعدني تواجد يالغلا

نورتي