لكل بنات حواء سؤال في الصميم الجريئه تجاوب

[جاز]

الاخت اغانيج
مساك الله بالخير



كلللللللللللللللللللللللللللللللللللللللللللل للللللللللللللللللللللللللللللللللللللللللللل لللللللللللللللللللللللللللللللللل البنات
جوابهم ياخذها بالحلال لاكن بشرط ان لا اكون معه في حياته ولافي بيت ثاني
صحيح ان من حق الزوجة الاولى الاختيار في استمرارها معه او لا

استحلفكم بالله وكل وحدة تراعي ربها في الجواب هل تحبون ازواجكم بهذا الجنون الذي لو اخذ الثانية بتقوم القيامة عند كل بنت وانه هو الخائن ؟ ليش انت كنتي اتحبينه موت ومازلتي كيف تتمنين هذا الشر ليش تدعين كل هذا الحب له هل هذا الحب يموت ؟ لا لا لا . والله لو الوحدة راحت لبيت اهلها بعد زواج زوجها زعلانه معناتها شئ واحد فقط هي تركت حبيبها لوحة ثانية تستفرد به وهي داست على حبها وعلى حبيبها وشوف هو شبيسير فية بيتقطع قلبه على حبيبته وأم عياله لأنها فضلت تركة والتخلي عنه لكن بهذا الاختيار هي دمرت كيان اسرة وغير تشتيت العيال .
والله الي اتحب شخص ماتتمناله الى الخير سواء كان زوجها ولا شخص اخر
هل اذا تزوج الثانية يعني كره الاولى وراح يعاملها غير عن قبل . لالالا
المرة ماتملك الزوج مثل مايملك الواحد اي شئ سيارة او بيت او ارض علشان يتصرف فية مثل مايبغي لا الوحدة يوم عقد عليها الزوج ماشرطة ان مايتزوج بثانية علشان هي تخرب بيته لما يتزوج بالثانية
طيب خلنا انجي بطريقة ثانية ليش الوحدة لما يملكون عليها ماتشترط في العقد ان على الزوج عدم الزواج مرة ثانية؟
لكن عندي سؤال ثاني هل الوسائل الاعلامية لها تأثير على هذا الجيل من البنات في نظرتهم للزوجه الثانية سلبياَ؟



وهنيه خواتي والله ان ما اتمنى ان ازواجكم يتزوجون ثانية لكن هذا حق شرعي
وعلى فكره والله عندي زوجة وحدة بالدنيا كلها ولا أفكر بغيرها ولاحتى اتخيل اني أفكر بغيرها الله يخليها لي ويخليني لها
وكل هذا للنقاش فقط :sa7l. (166):

[أغ ـــانيج]

اخوب جااااااااااااااااز

جوابك مقنع وحلو بس مو لنا معشر النساااااااااء:crying:

هو الكلام مو رغبه للتملك بقدر ما هو رغبه في حب الانفراد والاحساس بالحريه:angel:

عني لو قرأت جوابي ممكن اعظم من اجوبتهم كلهم وكان وانا متأكده ما راح يعجبك بالمره:sa7l. (176):

وعشان كذا انا سئلت هالسؤال ابشوف احد مثلي او لا

لأني احبه بجنون كان هذا جوابي

وجوابنا يدل على الحب العظيم

عني ما عندي وسط وربما يعتبر عيب فيني

بس عندي قانون في مسألة الحب يا ابيض يأسود ما اعرف اللون الرمادي:angel:

بمعنى يا أحب بجنون يا أكره للغايه

وما احب العب على نفسي

يعني لو سواها الله لا يقوله راح يصير ابغض شخص على وجه الارض

ولو ظليت معه راح يكون عشان الاطفال وهو غصب عنه راح ينساني واذا تمسك راح اخليه يكرهني

لأن انتم معشر الرجال ما ترضون بأن الحرمه يكون عندها شخص مهم غيرك حتى لو هو طفلك :sa7l. (176):

اجل كيف ارضى بحب ثاني بحياته ويعطيها وقت ومشاعر وحب زي ما يعطيني

لا عليها بالعافيه كله جسده وعقله وقلبه ما عاد يهمني لو سواها :046r:

جايز ابكي شهر شهرين

احسن من حرقة قلبي كل لحظه :cursing:

هذا رأيي بالتفصيل الممل

اشكرك اخوي على اهتمامك وسعة صدرك

وارجو تتقبل رأيي وتفهمنا احنا كذا ليييييييييييييه ؟؟؟؟؟:sa7l. (163):

[عسل جده غير]

اكيد اختي تكون له بحلال افضل من الحرااااام مشكورة على السؤال

[جاز]

شوفي اختي بارك الله فيك
جوابك غير مقنع
لكن انتوا كذا يالحريم وبس
هذا قصدك ؟
لكن اقول لكل الحريم لاتخرب بيتها بيدها لانها راح تتسائل عن هذا الفعل يوم القيامة لا وشوف المشاكل الي بتجرها لبيتها وعيالها ومحاكم وحياة نفسية تعيسة لعيالها ولها ولزوجها .
والله اني اعرف شاب تزوج بنت عمه وجاب منها اربعة اعيال وهي تطرح كثير وتتعب في الحمل قالت لزوجها انا مرخصتك تزوج وهو رجال مقتدر لكن بشرط اني انا الي اختارها لك ووافق وخطبت له وحدة من قبيلة معروفة وهي تعرفها من قبل وتزوج الرجال وزعلوا عليها اهلها ليش اتسوين بحياتك كذا ماعندك عقل في وحدة اتزوج زوجها ماسارت ووقفتهم عند حدهم قالت لهم هذي حياتي ومحد له شغل ( هم طبعا خايفين على عمرهم لرجاجيلهم يسون نفس الفعل ) انا ماتدخلت بحياتكم عشان تتدخلون في حياتي زعلو اشوي بعدين ارضخوا للامر الواقع خصوصا بعد مامر ت السنوات ومحد من ارجالهم جاته الشجاعة وفعل فعلت عديلهم
المهم الحين الزوجة الثانية عندها عيال مشاء الله وساكنين في بيت واحد وكل الحقوق محفوظة للزوجتين من مصاريف وسفر وطلعات والعيال كلهم كأن عيال كل وحده منهم ولافي فرق بينهم ولاحد من العيال ايقول هذا اخوي وهذا مب اخوي وبالاخص الامهات مايفرقون بين العيال .
والله هذي الحريم الي اتحب وماتكره
مش ابيض اواسود
اختي لا قدر الله وتزوج زوجك باخرى ( الله لا يقدر ) بتزعلين وبتروحين بيت اهلك وبتتعذبين سنه سنتين طيب هذا الحب الي في قلبك بيموت ؟؟؟
اتحدااااااااااااااااااك والله لو ايمر زوله عليك في يوم من الايام لراح قلبك يرقع يرقع يرقعععععععععععععععععععععععععععععععععععععععععع عععععععععععععععععععععععع من الي فيه
ذيك الساعة بتصارحين نفسك وبتقولين اني غلطانه اني تركته ( لكن بعد فوات الاوان )
صحيح ان المرأة تغير وتحب ان زوجها يكون لها وحدها لكن لاتدمر بيتها بيدها .
ودمتي سالمه غانة بأذن الله
مع خالص تحياتي
اخوك
جاز

[أغ ـــانيج]

يا اخوي جاااااااااز

قلبي وانا اعرفه

والله ما يرقع لاحد رقع قلبه لغيري

وبعدين انا ما قلت بطلع من بيتي

راح اظل في بيتي وراح يصرف علي وعلى عياله

لكن ما راح يمس شعره مني وما راح يشوف ابتساااااااااامه

وجلوسي بالبيت راح يكون عشان الاطفال اللي ما قدرهم

طبعا هذا لاني مو مقصره لو قصرت استاهل وعادي بس كذا لا والله ما يحلم

دامني مكمله اللي يبيه والدعوه هوى

يتحمل اللي سواه

خل ينبسط شوي بس يكفي حرقة قلبه على اللي سواه فيني

انه حرمني حياتي وحرم نفسه يقدر يتلذذ انه يسعدني انا وعيالي

قلت لك لانك رجل ما تقدر تحس بس خل زوجتك تهتم بغيرك ولا تناظر بممثل او مطرب شوي

وش احساسك بسألك بالله حتى وانت عارف قدرك عندها

بس مجرد تحسها تدقق باحد ثاني شوي فما بالك باللي راح يكون مع وحده ثانيه حتى لو حلال

بس مجرد تخيل يكون جالس يسولف ولا يضحك ولا يمسكها

يع وبعد كذا عادي يلمسني لا والله خلاص انا او هي

اعوذ بالله الله يكفيني الشر ولا يعاقبني على اللي احس به لانه خارج عن ارادتي

احسك قاعد تضحك علي :cursing:

جاز وربي ما تقدر تقنعني حتى لو كلامك صحيح

بس هذا احساسي وما راح العب على نفسي واعيشها دور غصب عنها

اشكرك على تفاعلك