مجلس تجمع زوجات المعددين وازواجهن انا جيجي مخيم ايواء

[أغ ـــانيج]

اختي العزيزه جيجي

اشكرك على تجاوبك معانا بالاسئله

ياليت كل زوجه ثانيه وثالثه

تراقب الله في افعالها

وتفهم زيك ان الدنيا دواره

ما تتخيلين ان فيه كم نقطه ذكرتيها

كتمت انفاسي بمعنى الكلمه

مو عارفه اوصف الاحساس اللي حسيته وانا اقرا كلامك

هل لأني عشت بعض المواقف

ممكن

واقدر اقولك الموقف دخوله عليك بابنائه

خلاص ما قدر اكتب اكثر اعذريني

[gegege]

الله يسلمك أختي حبك هادي

انا بخير دامكم بخير

وتسلمي عالدعوه الحلوه الله يسعدك ويوفقك

[gegege]

أختي أغانيج

بما انك ابنة معدد ... ايش الشي اللي تشعرين فيه اتجاه زوجة ابيك ؟؟؟

يعني هل زوجة ابيك الثانيه تزوجته وانتي صغيره .؟؟ كم كان عمرك أنذك؟؟

وأيش كنتي تحسين ناحيتها ؟؟ يعني كره أو حب ؟؟ او موقف الضد لأنها تنافس والدتك؟؟

وكيف تحبي انها تعاملك ؟؟؟ أيش أكثر شي تحبيه منها؟؟

تحبي تشوفيها كثير أو لا؟؟؟ تفضلي بعدها عنك؟؟؟

هل تحسي بغيره من وجودها مع ابوك؟؟ واثناء حديثها معه؟؟؟ ام لايعني الأمر لك شيئاً؟؟

هل تفرحي بوجود ابناء من مرت ابوك؟؟ وهل تعتبريهم اخوان فعلاً ام انك تفضلي عدم الإحتكاك بهم؟؟

[gegege]

أختي أغانيج

أعتذر ان كنت ذكرتك بمواقف تقلب عليك المواجع ... وتذكرك بذكريات اليمه

لكني والله احكي من واقعي اللذي عشته... لكني احسست من اجابتك انك تعرضتي لمثل هذا الموقف وفي عمر تستطيعين فيه التمييز ... أقصد انك احسستي بفقد أمك حقاً

أطفال زوجي صغار .. وما حسسوني انهم فقدوا امهم ابد كان همهم اللعب والمزح والشقاوه البريئه ...

هل في حال تعرضتي لهذا الموقف ... يجعلك الموقف تشعرين بالكره وتكنين العداء لزوجة ابيك حتى وان لم يكن لها ذنب فيما حدث بين ابيك وامك؟؟؟ حتى وان كانت حسنة التعامل معكم كأبناء زوجها .. وان كانت تدللكم وتدلعكم وتهتم بشؤونكم وتسهر على راحتكم؟؟؟ ....

في هذا الموقف ايش اللي تمنيتيه من زوجة أبيك؟؟؟ ايش اللي كان يحببك فيها اكثر؟؟

هل عدم تدخلها في الإصلاح بين ابيك وامك ... هو شيء مقبول لديكي ؟؟ والا كنتي تتمني انها تصلح بينهم ؟؟؟ حتى وان كانت امك ماتحبها او ماتحب التعامل معها بقصد الغيره طبعاً؟؟؟

[أغ ـــانيج]

اختي جيجي

اسئلتك رائعه بس اجوبتها عندي تختلف باتلاف مراحلي العمريه

راح اجاوبك بتدرج المرحله العمريه

تزوج وانا تقريبا في عمر 12 سنه كنت مصدومه جدا في ابوي

كنت اشوفه اعظم رجل في الدنيا كنت احسه لنا وبس رغم كصر مشاكله هو وامي

بس ما كنت اظن انه بيتركنا

انا اعترف انو كثر مشاكلهم اكبر سبب في اللي حصل

بس مو عشان ميلي للوالده اقول انه هو سبب المشاكل لا

انا كنت اشوف ظلمه لها وما اقدر امنعه انا صغيره وتحملت بصغر سني اشياء ممكن بسني هذا ما اتحملها

كان يسهر كثير للعب البلوت

كان يسافر برا كثير

كان يناظر لغيرها كثير

كان يستهين فيها كثير

كان بوادي وهي بالثاني

هي تحملته مو عشانه تحملته عشاني انا واخواني

تزوجته صغيره وللأسف كان يقدر يمتلك قلبها وعقلها وكل ما فيها

تزوجها وعمرها 12 سنه طفله يقدر يربيها زي ما يبي

وكانت بجمال يفوق الوصف حتى بلسانه هو انه يوم شافها ما همه عمرها كثر ما همه يمتلكها وفعلا صار ما يبي

ادري طلعت من الموضوع بس عشان تشوفين مو كل من تزوج صادق

تزوج عليها وعمرها 27 سنه بعز شبابها وانوثتها

زوجته الثانيه ابدا مو زي امي في شي

هي نفسها تقول انصدمت لما شافتها لانه خطب وهو يقول مريضه

ما راح اقول انها شريره لا والله بس انا كنت اراقب تعامل امي اللي استقبلتها بكل ضعف وجاملتها وجاملت ابوي

كانت تطبخ لهم اكلهم طوال اليوم وهم عرسان وتستقبل الضيوف وبآخر الليل كنت اشوفها تحت فراشها وهي تنتفض من كثر البكا بصمت

ولا وهي ساجده وتدعي ان الله يصبر قلبها ويمحيه من عقلها الى الابد

وش تتخيلين ردة فعلي بكل هالشتات

كرهته وكرهت زوجته رغم ان مالها يد الا اني شفت قهر امي على زوجها وحياتها

طبعا هالكلام كله بعد ما تركتنا امي بسبب اللي حواليها وما احد فكر فينا بس بعد محاولات رجعت لنا

تخيلي اني طلعت في فجر احد الايام عشان اترجاها ترجع للبيت

كان برمضان والناس بالمسجد وانا بالشارع

يوم شافتني انهارت وش مطلعني هالحزه ورايحه لبيت خوالي مشي وهو بعيد شوي

رجعت بعد هالموقف

زوجة ابوي طيبه معانا ما اقدر اظلمها بس مجرد مقارنة ابوي بين بيته عند امي اللي فيه اطفال وبيت زوجته الموظفه اللي حتى ولدها امي اللي ربته بحكم عمل زوجته الثانيه يخليني احقد عليهم

طيب ليه هي تطبخ غداكم وتربي عيالكم وفوق هذا نكران كرهت طيبة امي وكرهت كل الرجال مع كرهي لتصرف ابوي

وما اكذب مرت علي فتره كرهته لأنه ظالم وكان يضرب امي ويضربنا عشان زوجته الثانيه

وربي مره منعت امي من ضربها من ابوي بالعقال ومنعتها بوجهي صار العقال ضربته بوجهي اسبوع وانا اشيل بشعر العقال من وجهي وبعد كذا تبيني اقدر اقول اقتنع

ما اقدر

هي تعاملني الحين طيب مثل اول تسأل عني ترحب فيني تشتاق لي وربي كأنها اخت امي

حتى الحين الثنتين زي الاخوات واكثر بس ابوي مزواج هي الثانيه اللي طيبه الباقيين يعني على حسب

الثالثه ميت عليها وهذي على قولته بكفه وكل الناس بكفه

رغم انه وربي مجننته بقوتها وبمشاكلها وطولة لسانها

بس سبحان الله الدنيا حظوظ

الغيره ابدا معدومه من زوجات ابوي لأنها انعدمت عند امي من زمان

اخواني من ابوي في البدايه ما كنت احبهم لأنه كان يفرق بيننا وبينهم في كل شي

اذكر قبل زواجي بأسبوع ضربني ابوي كف على وجهي علشان ولده الكبير منها وكان كذاب خاف من ابوي عشان ما اكل

قال فلانه كبته وربي انه كذب انتهت ذيك الايام وجات الحين ايام اقسم بالله انه كان يجينا ظلم انا وامي واخوي الكبير

بس وش اقول غير

الله يسامحه وبس

طولت عليك اعذريني

بس وربي اكتب ودموعي تصب صب

وانا فيني عاده ما احب اذا طلع شي بقلبي ما احب ارده

انا ما اصدق انه يطلع

لأن اغلب ذكرياتي بقلبي ما طلعت لاحد