زوجي اتعبني

[خايفه منه]

رد الفاوس رد منطقي جدا ..

عندي نصيحه بسيطه لج .. ( كوني له امه .. يكون لكِ عبدا ) ..
و اذا اهله ناس طيبين .. عيشي معاهم و استانسي بحياتج .. الشيطان دايم يزين لج الشي الي مو بيدج ..
طولي بالج و صدقيني الله بيجازيج ع صبرج ..
خليه يشتاقلج و يتلهف عليج و يحتويج و كل هذا يبيله قوه و صبر منج و بتعاملج له ..
صدقيني فديتج .. عيشي يومج و حياتج بسعاده لا تخلين شي يعكر حياتج ..

[أغ ـــانيج]

ما شاء الله تبارك الله

خذي كل النقاط اللي قبلي

كل رد فيه فايده

ان كبرتيها بتكبر وان صغرتيها بتصغر

اذا اهل زوجك ناس طيبين تعايشي مع وضعك واقربي من زوجك اكثر الهيه انتي وخليه يتمناك بدال هالعزوبيه

عاد انتي وشطارتك دلعيه اغريه اضحكي معاه ابعدي عن سالفة البيت فتره

خليه يتمنى يتوحد بك

وكوني دايما على سنقة عشره

عشان يتحمس لبيت يلمك انتي وياه

وترى الظروف صارت صعبه الحين

والله انك لو تطولين بالاجار تكرهين حياتك

اسألي مجربه

كرهته ومشتهيه بيت كبير يلعبون فيه عيالي براحه

وبحريه بعيد عن الخوف من صاحب البيت

ساعديه يلم نفسه بسرعه

ومسألة العزاب اللي معاهم ممكن قطه بينهم او عشان تدخين وما يبيه قدام اهله

اغلب هالشقق صارت لهالغرض

الله يصلح حالك وحال كل مهموم

[اتعبتني]

من جد اسعدني تواجدكم وردودكم
وربي يسعدكم دوم
بس انا للحين ساكته وماقلت له شي
بس المشكله انه بمنطقه ثانيه يعني مايجينا الا بالشهر مره ويمكن بس يومين

يعني ما الحق اجلس معاه ولا اطلع ولا حتى اشتري الاغراض اللي بخاطري
والمشكله مو انه للحين ما بنا لنا بيت
المشكله احسه مضيع فلوسه
مع الشباب لانه مايرسل لنا فلوس الا شوي
ودايم اتمنى يكلمني ويجلس معاي حتى لو بالتلفون بس دايم اخوياه كاخذين كل وقته او دوامه
كم مره تمنيت انه يسفرنا معاه من جد طفشت

[فراشه حائره]

ماقصروا الاخوات فالرد الله يفرجها عليك

[الفاوس]

اسمعيني اختي

بقول لك شي والله العظيم ان الناس بالصرف سوا مهما كان اللي راتبه 20 الف ولا اللي راتبه 2000
لان اللي راتبه 20000 يملى عربيه السوبرماركت وهو اصلا ما يبي الا شي واحد منها بس واللي راتبه 2000 ياخذ الشي اللي يحتاجه بس
التدبير نصف المعيشه والله العظيم التدبير نصف المعيشه
انا بقول لك يمكن اللي تتكلمين عنه اكبر او ابعد مما نتصوره بس انتي بقربك من الشكله خذي من النصائح الموجوده ولا تشدي بالكلام او بالمشاكل مهما حصل هذا يوم بالشهر لازم يكون يوم وناسه خليه يوم عمره ما ينساه وصدقيني رح تكثر الايام بالشهر
والغايب حجته معاه مهما صرف ومهما عمل وصدقيني ان كل تفكيره معكم وانكم في باله
لا تطلبي المستحيل لانه مرح يجي ولا رح تنالينه لانه مستحيل
واذا ارت ان تطاع اطلب المستطاع ؟
وبعدين بنصحك نصيحه واتمنى تسوينها لانها رح تفيدك كثير حتى لو اصلا انتي عارفتها بس تكون في بالك
ماعليك من عيشه او وضع او حياه احد نهائيا حتى لو اقرب قريب لك
عيشي حياتك بما بين يدينك وانشالله تفرج بأمر الله كل الضروف والهموم
بخصوص المكالمات ........ اللي اعرفه عن الشباب اكره شي عندهم لما تدق حرمه وهو جالس بين شباب يسولف
شوفي وقت مناسب فكري خليك معاه حتى لو رسايل وكل شي يصير تعود
وبعدها اتصال وبعدين اتصالين ورح تشوفين كل شي تغير بالتدريج بالتدريج لا ن اكل العنب حبه حبه
وحن الحين نوصيك تاكلين زوجك لانه عنب حياتك
لا تاكلينه كله مره وحده
اتمنى لك التوفيق من كل قلبي تحياتي للجميع