سجل دخوولك لقسم الشعر باروع مانبضت به القلوب ..؟

[طيب الفال]

لا ياصبا نجد العذيه ماتمثيت الفريق
يا بارد النسناس هيف لي على طاروقها

لولا القوافي كان من همي على همي وافيق
مع الهموم اللي تداحم فالضلوع حروقها

تكبر همومي واكبر اكثر والبحر جمه عميق
والله يدرجها على حسن النوى سوقها

لا ياصديقي لا تضايق وأبك تكفى لاتضيق
ماضاق كون الله على كنز العلوم وذوقها

خابرك لك صدر كما البيدا ولك صبر وثيق
يوم الليالي تنقض الهين وتفتل عوقها

[ميمي التميمي]

الله يازينك بعزّ انفعالك
مثل البخور ليا احترق فاح ريحه
كنّك تقول بهاالعتب كيف حالك
ونفسي من معاتبك ماهي جريحه
لمعاتبك مرتاح قل مابدالك
خل يختلط ريحان صوتك وشيحه
عاتب ترى ماعندي الاّ حلالك
قل ماتريده وبعباره صريحه
غصن القصيد ليا زعلت انثنالك
كن الزعل بك يستفز القريحه
كنك تلبي مطلب اللي شكالك
وتكسر حواجز صمت نفسك بصيحه
وكنك تقول اللي يدور بخيالك
وانا استمع واخذ مع البال سيحه
وحين اتسمّع فالجواب وسؤالك
اشوف منزلتي بقلبك صحيحه
في وقتها اشعر بارتياح لوصالك
وعن همي اخرج في حياة فسيحه
تعجبني ليا ثار فيك انفعالك
مثل البخور ليا احترق فاح ريحه

[انثى حالمة]

[align=center][table1="width:70%;background-color:burlywood;"][cell="filter:;"][align=center]
*
الا يا وقت وين اللي على بالي يجي ويروح
هذاك اللي ملك قلبي وتفكيري ووجداني ..

*
[/align][/cell][/table1][/align]

[انثى حالمة]

[align=center][table1="width:70%;background-color:burlywood;"][cell="filter:;"][align=center]

*

كثر إشتياقي لك (عيوني تمناك)
ودي أضمك في عيوني وأداريك

أنت الوحيد إن غبت ماغاب طاريك
وأنت الوحيد اللي حياتي تناديك

وأنت الوحيد إن جيتني عقب فرقاك
أطفا بشوفك أحترق يوم ألاقيك

*

[/align][/cell][/table1][/align]

[طيب الفال]

ودي اعانق هاجس الشوق وياك
واترجم احساس الغلا يوم االاقيك

اسرح مع اطيافك وشوقك ورجواك
واموت احبك واصدق البوح ينبيك

ارسم حنيني شوق واكتبك واقراك
واهديك من بوح القصايد معانيك

لا غبت عني يسكن البال ذكراك

من اولك بالحب لاخر امانيك

ياكل مالي صرت انا كل دنياك
والشوق يستوطن ضلوعي بطاريك