واخيرا انفجر زوجي

[أغ ـــانيج]

جودي الغاليه

قريت مشكلتك واللي تبين لي انك حساسه وهو عنيد وعصبي

وهالشغله هي اللي تكبر ما بينكم

الزواج وانا اختك اصعب شركه في الحياه لأن مدرائها اثنين

فلابد لابد من التضحيات واللي اتضح لي من تصرفاتكم المفروض انتي تبدين فيها

اول تضحيه تطنيش للي تسمعينه خذيها كلمه مني

الشخص العصبي عمره ما يقصد اللي يقوله وهو معصب

هو يتكلم عشان يغيضك

عشان كذا السكوت اول حل والتناسي ثانيه

وبعد ما يهدى حاولي ما تجيبين طاري الكلام اللي قاله بطريقة الزعل جيبيه وكأنك تبين تتأكدين اذا هو قاصده فعلا تنوين تتغيرين

لأنك باقيه عليه وعلى عشرته ومحبته ولا لك نيه في الانسحاب من حياته

ترى الرجال دينه ودين الحرمه اللي تبيعه حتى لو ضايقها بالحكي وهو معصب

وانتي غيري بطريقة حياتك واللي ممكن يكون فيها بعض اللخبطه بسبب الاطفال ودوامك

حاولي قد ما تقدرين توفقين بين الشغلات ادري انها صعبه بس الله يعينك عشان ترجع حياتك لوضعها الصحيح واحتسبي الاجر ترى كل شي باجره

خلي المرح والسعاده رفيق دائم لك وله حتى لو عصب عليك ابتكري حركه تضحكه وهو معصب

مثلا مدة بوز بدلع وانتي تناظرينه باستهبال خليه يحسك ممتعه وان حتى الزعل له طعم معاك

عيالك خصصي لهم وقت بجلوسهم معاه وبعدين يروحون لغرفتهم وهيئي له جو مريح تكييف و التلفزيون موطى صوته وانتي زي الورده قدامه نظافه وريحه وشوفي وش يحب وقدميه له

طبعا خصصي هالوقت حسب وضعه العملي

مصروف دائما تتكلمي قبل يطلع ابي كذا او كذا عشان ما يحسك تنوين تنكيد عليه بخروجه

في علاقتكم متعيه ولا تحسبين ان لك فضل عليه ابدا حسسيه انك من قلبك تعطينه رغبته وزي ما يبي

حسسيه ان مستمتعه زيك زيه

طبعا هالاشياء كلها مع الاستغفار المستمر ودعائي اللي حفظوه اغلب زوار هالقسم من كثر ما نصحتهم به وانا احلف اني ما قلت لكم الا بعد تجربه على نفسي

وهو

حسبي الله لا إله الا هو عليه توكلت وهو رب العرش العظيم كل صباح سبع مرات وكل مساء سبع مرات

يكفيك الله ما اهمك من امر الدنيا وامر الاخره

بس قوليها بيقين

[جودي الغلا]

ربي يسعدكم كللكم ولكم الدعوات في ظهر الغيب

بنات بقللكم شغله المشكله ان زوجي بدوني يضببببببببببع يغرف في شبر مويه انا مدبره الوضع كلله لكن بنضره انا اسوء وحده بالعالم

مدري ليه احساسه كذا لاتقولين اهتمي فيه ودلعيه انا كنت مجنونته بيوم من الايام دموعي ماتوقف لو طلع اعطيته حب مااعطيته امي وابوي كان كل شي في حياتي وللاسف والله انهمايستاهل يعني مو ذاك الجمال اللي يسحرني ولا ذيك الاخلاق اللي تذوبني ولا الشخصيه الساحره يعني حظه من السماء انه لقي وحده تتجن عليه طبعا تعليمه متوسط يعني مافي حتى ثقافه انا متفوقه عليه لكل شي ممكن هالشي مسبب له ازمه بس عمره ماصرح

لما ازن عليه ويسوي شغله وينجزها اقول احمد ربك اني وراك ورا كل رجل عظيم امراه يقول والله انك اكبر غلط بحياتي استغرب رده اقول لو غيرك شالني على كفوف الراحه والله حتى اولادي لما احد يسمع كلامهم او يشوف ذكاءهم حتى اهله يقولون طالعين لامهم؟

المشكله لما خلاص تتقفل بوجهي واقرر انهي هالحياه بكل احداثها والم عفشي بطلع بيت اهلي ويحس اني صادقه فعلا ينهااااااااااااااااااااااااااار ينجنن من البكا يبوس رجولي والله خلاص انتي انسانه عظيمه وماتستاهليني انا ماااكرمتك انا بسوي اللي تبين واتغير وابدأ صفحه جديده والله ماااوافق الين يصير يشاهق من كثر البكا

طيب وبعدين والله ماتكمل 24 ساعه وهو اخس؟؟

جيته بكل الطرق بالحب بالدلع اخيرا حسيت ا ن اللي بيينا عين لان الكل عارف كيف كنت مبسوطه وفجأه كل شي تغير او ان عنده علاقات وطبيغي يكره بيته على الرغم من العلاقات اللي اكتشفتها وحده عجور وانا والله مو مدخ فيني كل من شافني قال بخت زوجك فيك طيب يعني خيانته مو نقص فيني كل شي يجي ببالكم اسويه بس هو كذا زي اللي تجنن

قررت وقلت له بعطيك المقلط حط فيه دشك ونام وانا بغرفتي ولاتزعجنا قال خلاص وبحط اوربي قلت الله يزيدك من هالحال انت ماعاد تعني لي شي اللي بنتسويه بتلقاه بقبرك

ولللا اقول تزوج والله اني اقولها صادقه تزوج جرب غيري ولاتخاف مابروح بيت اهلي بجلس بس ابي الفكه منك ؟

اليوم الصباخ بقول بطلع قرض واسددك واتزوج قلت الحمدلله جا الفرج

طبعا مستحيل يتزوج مستحيييييييييييييييل مايقدر

[فراشة برونزية]

أقول أختي العزيزة بعد ماسمعت كلامك هذا


ماعندي شي أقولة لك غير راجعي نفسك بتصرفاتك مع زوجك وكل اللي فيك

مفتاحة بيدك

والله يهديك ويهدي زوجك وييسر أموركم


الله المستعاااااان

[أغ ـــانيج]

اختي جودي

باقول لك شغله اظن انها توضحت لي من كلامك

اختي زوجك حاس بعقدة النقص وبغرورك رغم حبك له

اعذريني ممكن انتي طيبه معاه بس محسسته انك مو محتاجته بحياتك

وانك المتفضله عليه بكل شي

غلطاااااانه غلطااااااانه

مهما كان عندك من جمال او علم او نسب او مااال

دائما حسسيه انه اهم من كل هالامور

وانك حابه شغله هو مو شايفها وانتي الوحيده اللي حاسه فيها

دائما اي شخص رجل كان او امرأه

يحبون ان الحبيب يكون متعلق فيه ومحتاجه

مو كيفك وفكه

تقولين ما يقدر

اقولك هو رجال والبنات مالين البيوت وودهم برجال وهم يدفعون كل شي عنه

وجهة نظري واعذريني عليها

ما فيكم عين اللي فيكم اسلوبك وكبريائك

اختي تنازلي شوي

وش بتخسرين هو جنتك ونارك

وفي كل الاحوال انتي مالك نيه بعيشه مع غيره صح

خلاص ان ضبطتي وضعك معاه بيضبط وبيسعدك

ترى زعلتيني لما قلتي يبوس رجليك

في ذمتك فيه حرمه عاقله ترضى على نفسها تخلي زوجها يبوس رجليها

لييييييييييييه

ترضينها من اخوك لزوجته

مهما حبك الا انه يظل رجااال ولازم تحترمينه وتكرمينه

وتراك محاسبه على هالغلطه

وقد روي في الحديث لعظم حق الزوج أن امرأة جاءت إلى رسول الله صلى الله عليه وسلم فقالت: يا رسول الله، أنا فلانة بنت فلان، قال: قد عرفتك، فما حاجتك، قالت: حاجتي إلى ابن عمي فلان العابد، قال رسول الله صلى الله عليه وسلم: قد عرفته، قالت: يخطبني فأخبرني ما حق الزوج على الزوجة، فإن كان شيئاً أطيقه تزوجته وإن لم أطق لا أتزوجه، قال: من حق الزوج على الزوجة أن لو سالت منخراه دماً وقيحاً فلحسته بلسانها ما أدت حقه، لو كان ينبغي لبشر أن يسجد لبشر لأمرت المرأة أن تسجد لزوجها إذا دخل عليها لما فضله الله عليها قالت: والذي بعثك بالحق لا أتزوج ما بقيت في الدنيا.
والمقصود من الحديث تعظيم حق الزوج والمبالغة في طاعته بالمعرروف كما في رواية: من عظم حقه عليها.
وفي رواية: ولا تؤدي المرأة حق الله عز وجل عليها كله حتى تؤدي حق زوجها عليها كله... الحديث.

اظن هالاحاديث تخليك تتنازلين شوي

وبيني محبته دامك ما تكرهينه

هو اللي يسويه ردة فعل من طريقتك معاه من حقه انك تحسسينه باحتياجك له

اعذريني اختي

والله ما كتبت الامحبة لك

واتمنى لو فكرتي شوي قبل تردين بأي رد بطريقتك في التعامل

فكري لو زوجة اخوك بتعامله بطريقتك

صدقيني راح تعرفين الصواب

[ذيـــــ نجد ـــــب]

الف الف شكر لك اختي اغاااااااااااانيج بيض الله وجهك وجزاااااااك الله خير كفيتي ووفيتي

اختي جودي كنت برد بصفتي رجل وتعاااملت معي زوجتي بئسلوبك ولاكن ماااخلت شي اغااانيج
ردت عن الرجل والمرأه