|×|×| تكفون يابنات المنتدى ساعدوني |×|×|

[ذيـــــ نجد ـــــب]

السلام عليكم ورحمه الله وبركاته

اخوي انت طليت رئي البنااات
ولاكن انا بعطيك رئي في الموضوع


لو كنت انت ماااستخدمت معها اي اسلوب من محااوله تعديل الوضوع كنت اقولك امقصر
وقعت اعطيك حلول في تعديل الوضع

ولاكن يبدولي ان حرمت يبيلهااااا وحده ثااانيه عليهاااااااا وتمشي صح
صدقني بعض الحريم والله مااااتمسك الطريق الصحيح الا بعد الزوااااااااج عليهاااااااا
ياااخي من حقك تعيش وتنبسط مع وحده اتريحك
الا اذاا انت ذكرت ماااسوئهاا وماااذكرت مااااسوئك ؟؟؟ هنا اقولك يمكن انت مخطي معهاااا
بس على كلامك انك مااااااااااااقصرت

[ج ـــلــنار]

عليكم السلام ورحمة الله وبركاته

هلا وغلا فيك اخوي

أولآ أسأل الله الكريم رب العرش العظيم ان يهديها ويسخرها لك وأن يصلح حالكم يآآرب

أخوي بصراحه اذا هذي معاملتك مع زوجتك وهذا ردها للجميل فما أقول الا بيض الله وجهك على صبرك

والله اللي مثلك قليل ماشاء الله تبارك الله

بكل بساطه مشكلتك يبغالها شوية صبر انا ما أقول اصبر عليها لا انا أقول اصبر على الوقت انت مالك الا

توديها لبيت أهلها وتتركها هناك شهر شهرين ان شاء الله سنه حتى لو كان الأمر هذا صعب عليك تحمل

واصبر لأن فيه بعض الحريم سبحان الله ماتحمدالنعمه اللي هي فيها لكن اذا جالها درس تصحى

وهذا أفضل حل دامك باقي على

العشره .... لأن بصراحه باين عليك طيب وزوجتك تدلعت عليك وهذا الشيء مو في صالحك أبد ومهما

صبرت وقلت بتتعدل دام هذا طبعها ماراح تتغير الا اذا انت فصلت الموضوع وبحزم بدون تجريح وبدون غلط

انت ماقصرت بيض الله وجهك خلها فتره ولا تكلمها وهي راح تحس حتى لو اهلها أقاموا الدنيا ولا اقعدوها

انت رجال ماقصرت ومن حقك ترتاح وبعد فتره طلع اشاعه انك خطبت هذا اذا انت ماتبغى تتزوج مره ثانيه

وبعدها راح تجيك ردود أفعال وعليها انت تتصرف ..

الله يوفقك وييسر أمورك ويرد لك زوجتك ردا جميلا ياااارب

[فتى زهران]

أشكركم جميعا على ردودكم

أخوي عبدالمحسن

أخواتي أميره بكلمتي و أميرة الأحلام

دعوني أعطيكم بعض العيوب التي بي أنا وهذا ما أعرفه عن نفسي

- مدخن

- متهور بالقياده ( أحيانا )

- عصبي ( بسبب مرض السكري )

- غامض ( أحيانا )

ومن المؤكد يوجد ماهو أكثر من ذلك لكن الإنسان لايرى عيوبه

ولعل هذه التي ذكرتها كانت مهداه لي من بعض الزملاء

( رحم الله امرء أهدى إلي عيوبي )

يا أخوان وأخوات

بالنسبة للدخان أنا دائما لا أدخن الا بالمجلس من المستحيل أدخن في غير المجلس

والله ثم والله ثم والله أنني لا أخرج من البيت للسهر مع الأصدقاء نهائيا

إلا مع الزملاء المتزوجين حيث أنني آخذها لزوجة زميلي الذي أنا ذاهب لزيارته

أنا الآن لي قرابة ( 3 ) سنوات متزوج يمكن الأبام اللي طلعت فيها مع أصحابي

وخليتها هي في البيت لا تتجاوز ( 2 ) أو ( 3 ) مرات

دائما أكون موجودا في المنزل لا أخرج منه

حتى أغراض البقاله أخلي العامل يطلعها لحد بيتي عشان لا أتركهم لحالهم بالبيت

والله يابعض الأحيان تسوي لي زحمه عشان أروح المجلس كل خميس وأجلس على النت

كم ساعه أسولف مع الشباب في المسن ومع أخواني واختي

وأجلس على المنتديات المشارك بها لأطرح مشاركاتي

بحيث لا تتجاوز ( 3 ) ساعات في الأسبوع إلى ( 4 ) ساعات

يعني أجلس على النت بس السويعات البسيطه هذي

بس أرجع للصاله أو غرفة النوم أحصل بوزها قدامها شبرين

انت ماتبينا أنت ماهمك الا النت أنت ، أنت ، أنت ............ الخ

يا أخوان وأخوات

هذا وأنا ما قد خنتها أجل لو صار فيه خيانه زوجيه وش بتسوي فيني ؟

الحمد لله والشكر على النعمه بس

البارح والله من كثر الطفش اللي فيني طلعت برا البيت

ومن كثر التفكير والهوجاس حسيت وربي إني أكلم روحي كأني بستخف

شوي الا ذا الصووووت ( طببببع ) <<< أخوكم في الله صدم بالسياره

رجعت البيت على الساعه 3 الفجر بعد ماخلصنا مع المرور والزحمه

نمت << تتوقعون صحتني عشان الدوام ؟

لا والله بالعكس خلتني الى الساعه 7 الصباح << بداية دوامي

قالت قوم الدوام

قلت لها ليش ماصحيتيني بدري قالت وش دراني انك راقد ماهو امس طلعت ؟

يا أخوان ويا أخوات

بالله عليكم وخاصة أنتم يا بنات

لو زوجك طلع من عندك حتى لو بينكم مشاكل الليل وتأخر ماتقلقين عليه ؟

أقسم بالله حتى دقه وقفله بالجوال ماسوتها ، حتى رساله لو كووول مي ماسوتها

أنا تعبت وربي

والله تعبت

قسم بالله ودي أوديها عند أهلها وأرتاااااااح خلاص طفح الكيل

وصل السيل الزباء

إحترامي لكم جميعا

[فراشة برونزية]

أخي الكريم أولآ الحمدلله على سلامتك وماتشوف شر إن شاءالله

وأكيد هذا من قلة راحت البال

بس سؤالي لك ليه إنت رجعتها البيت لأن أنا اللي فهمتة منك إنها عند أهلها

وإنك تبي تصالحها

والشي الثاني كل اللي ذكرتة من عيوب ماهي عيوب ياخوي

إلا هذي زوجتك ماعندها مخ ومتدلعة عليك ع الأخر

وشايفة حالها يبيلها قرصة خشم حتى تصحى على حالها

والله يريح بالك ويزيل همك إن شاءالله

[فتى زهران]

ياهلا وغلا فيك أختي فراشه



دعيني أبين لك وبإختصار شديد


قبل سنتين الوالد كان مسافر الديره وقال خلها تجي معانا وبنرجعها معانا


قلت له تم لو تطلب العين يا يبه عطيتك هي


راحت ويوم وصلت لبيتهم إتصلت الوالده على أمها بحكم أنهم كانوا أصدقاء من زماااان


من قبل ولادتنا نحن الشباب


وقالت لها يا أم فلانه انا بقول لك شي وياليت ماتزعلين قالت وش فيه قالت السالفه


كيت وكيت وكيت يعني علميها على الأقل تهتم في بيتها وزوجها ومن ذا الكلام

يعني الوالد إتصلت ناصحه لا أكثر زي اللي خايفه على خراب بيت البنت بحكم إنها زي بنتها


صارت مشاكل الليل والقضا ذيك السنه


المهم رجعت بعد فتره لي ويادار مادخلك شر


الحين كل شوي مشكله كل شوي مصيبه كل شوي إستهبال كل شوي إستفزاز


لحد ما وصل السيل الزبا

عاد البارح صار ماصار والله من حادث من مشاكل مع المرور ولا سألت فيني خير شر


واليوم ماصحتني للدوام الا على وقت الدوام الساعه 7 الصباح


يا أخوان ويا أخوات هذا وأنا أتكلم فقط تعاملها معي ومع والدتي

لم أتكلم لكم عن تعاملها مع زوجة والدي الثانيه

والتي لا أسميها الا والدتي الثانيه حفظها الله وحفظ لها أبنائها وبناتها آآآآمين





برأيك أنتي وبكل أمانه ممن يقرأ كلامي رجلا كان أو إمرأه




ماهو الحل ؟


إحترامي