|×|×| تكفون يابنات المنتدى ساعدوني |×|×|

[ذيـــــ نجد ـــــب]

يااااااخوي ارجع وقولك توكل على الله وتزوج وشف حيااااااتك من حقك
وفي نفس الوقت لاتخليها وتهجرها بعد الزوااااج ولا تقصر عليهااا اذا استمرت على ماهي عليه

ونا متئكد انهااا بتتغير 180 درجه
ومن قد ياااااعم عندك ثنتين يدلعونك

[اميره بكلمتي]

مثل ما قلنا لك اخوي الكريم ...احنا ما نبغى ...نسبب مشاكل بينكم ....احنا هدفنا الاصلاح ...
وانسب حل ...
تتركون بعض فتره راحه ....تراجعون انفسكم ....
وقبل ان توديها بيت اهلها ....بين لها الامور اللي ذكرتها من اهمالها لك وعدم اهتمامها فيك ...
يجب ان تفرض عليها شخصيتك واحترامك ....
احترامي وتقديري

[فراشة برونزية]

شف أخوي الله يسلمك أول شي سوي اللي قالتلك عليه أختي

أميرة بكلمتي العزيزة

وثانيآ أعمل اللي قالك عليه أخوي عبد المحسن

هذي مايعقلها غير حرررررررمة وإن ماعقلت منت خسران شي

بالعكس تشتري راحة راسك

بس دير بالك على عيالك لأنهم أهم شي

وربي يوفقك إن شاءالله ويكتبلك اللي فيه الخير

وصلي صلاة الأستخارة وتوكل على الواحد الأحد

تقبل مروري أخي المحترم

[فتى زهران]

الله يحرم وجيهكم عن النار

والله يا اخوان وأخوات أنا ما ادري وش أقول لكم

بصراحه تعبتكم معاي الله يسعدكم جميع يارب


بالنسبه لك أخوي عبدالمحسن

على أني أتزوج وحده ثانيه والله العين بصيره واليد قصيره

الحال مايعلم فيه الا رب العالمين أنا الحين عجزان اني اصلح السياره بعد الحادث

فكيف إني أتزوج ثلثين الراتب يروح ديون ولا يبقى الا اليسير والله يعين

أقسم بجلال الله عز وجل إني شريت سياره موديل 2009 وحطيت فيها دم قلبي

كلها عشان لا أحد يعيرها بأن سيارتنا قديمه وبكس << سياره عايليه

وحنا باقي في أول زواجنا

والآن يعلم الله اني أبكي من الندم أقول ياليتني مابعتها وشريت سياره

عشان أرفه عنها وأخليها أحسن من غيرها


أختي أميره حكاية إني أوديها لبيت أهلها هذا شيء وارد لكن أنا إنسان خفيف قلب

يعني أولادي إذا ماشفتهم قدامي والله أجلس أبكي

والله العلي القدير إني الحين اكلمكم وأتخيل إنهم مو عندي شوي وتنزل الدمعه



إختي فراشه ممكن إجمع بين ردي للأخ عبدالمحسن والأخت أميره

وأقول صعب علي الزواج للضروف الماديه التي أنا فيها وأيضا ما أقدر أفارق أولادي




يا شباب والله امس بغيت اروح ابيع واحد من الجوالات اللي ما أحد يستخدمها بالبيت

بس جيت أحط بطاريته في جهاز زوجتي عشان اشوف البطاريه شغاله والا لا

تمام طلع العيب في الجهاز نفسه

المهم فتحت جهاز زوجتي وروحت على الرسائل قلت يمكن احد جالس يلعب في مخها

حصلت رسالتين في المسودات كاتبتها أدعيه علي


بصراحه أنا خلاص كلمة جوال للحرمه ما عاد أبيه وش رايكم تأيدوني في الفكره والا لا ؟




إحترامي

[♡ sαяσиα]

فتى زهران..

حياك الله ..

قريت مواضيعك..وردودك..
وبصراحه..اشياء كثيييير كنت ناويه اقولها
لكن مع كل رد لك اغير رأيي..!!

اخووي انت ما يبيلك تهجر..ولا تسكت..ولا تصبر..
زوجتك واثقه ما راح تتزوج..واثقه من حبك..واثقه فيك..

تدري لفتني انك بـ 3 سنين ما طلعت الا مرتين ثلاث؟؟؟
وهذي سبب المشكله اشوف..
طبيعي تنخلق مشاكل دامك بوجهها 24\24

اللي فهمته من وجهة نظرك عن زوجتك انسانه مهمله..
تسوي من الحبه قبه..
مفتريه..!!
شكاكه..

طيب زوجتك مافيها شي زين تذكره؟؟

الحين انت ببداية موضوعك الاشياء اللي ذكرتها اشوفها عاديه جدا..
واذا زوجتك قالتلك اترك التدخين..
مو معناته انكم اتفقتوا انك مدخن انها خلاص تستسلم للامر الوااقع؟؟
ليش ما تعطيها فرصه تغيرك..للاحسن
ليش ما تسمعها..!!
ليش تتسرع بالحكم عليهاا..

ما اشوف مشكله لو قالتلك..حرام عليك شوي شوي بالسرعه..
من حقها تخاف على روحها وروح عيالهاا!!

رجوعك للبيت..ونومك..وكان شي لم يكن..هذا غلطك..
من وين تعلم الغيب هي عشان تقول سلامتك وما تشوف شر..
هي تفكر انك طلعت تسهر..!!
تفكيرها على قدها...!!
ليش ما تمسكها وتقولها يا فلانه انا صار فيني وصار..
والسبه تفكيري فيكم..
ليش ما تخلي لكم يوم مصارحه..وتقولها كل اللي بقلبك..وفهمها بحزم وقت الحزم..
انك تعبت من عيشتك..
وبلين وقت الحاجه للين انك تبي ترتاح ..


ياخي اعذرني والله بس مثل ما قالت اميره احس في شي غلط ..
وانت تتكلم من وجهة نظرك..
تفاهم مع زوجتك..وشوف وجهة نظرها فيك..
فهمها انك خلاص تبي توصل لنهاية..وحل للموضوع..

احنا اخوان..من حقك علينا ننورك اذا كان غايب عنك شي..
ومن حقنا عليك تسمعنا..

شوف انت الحق وينه..ومع من..
وليش زوجتك صارت بهالشكل..!!!


بانتظارك اكيييييييد

يعافيك ربي