|×|×| تكفون يابنات المنتدى ساعدوني |×|×|

[فتى زهران]

حياك الله أختي الكريمه

يعلم الله اني من أول ماشفتك موجوده احاول اني اكلمك عشان تزورين موضوعي

لكن دون جدوى

والحمد لله انك دخلتي على موضوعي


أختي الغاليه

أنا أتقف معك قلبا وقالبا فيما ذكرتيه ولا يختلف عليه إثنان


لكن أختي الغاليه دعيني أقف معك في بعض النقاط




اخووي انت ما يبيلك تهجر..ولا تسكت..ولا تصبر..

زوجتك واثقه ما راح تتزوج..واثقه من حبك..واثقه فيك..


وهذي هي المشكله عندي وأسميها طيبه زايده عن اللزوم


تدري لفتني انك بـ 3 سنين ما طلعت الا مرتين ثلاث؟؟؟

وهذي سبب المشكله اشوف..



والله يا أختي أنا أخاف أتركهم ويصير شي وأيضا ماودي أكدر خاطرها بكثرة خروجي من البيت


طبيعي تنخلق مشاكل دامك بوجهها 24\24

والله ما أدري يا أختي الغاليه


اللي فهمته من وجهة نظرك عن زوجتك انسانه مهمله..

تسوي من الحبه قبه..

مفتريه..!!

شكاكه..


وهذا هو الواقع


طيب زوجتك مافيها شي زين تذكره؟؟

ذكرت يا اختي قلت لكم إنها ملتزمه ولكن تفكيرها غيييييييير


الحين انت ببداية موضوعك الاشياء اللي ذكرتها اشوفها عاديه جدا..
واذا زوجتك قالتلك اترك التدخين..
مو معناته انكم اتفقتوا انك مدخن انها خلاص تستسلم للامر الوااقع؟؟
ليش ما تعطيها فرصه تغيرك..للاحسن
ليش ما تسمعها..!!
ليش تتسرع بالحكم عليهاا..

التدخين يعلم الله إني حاولت كذا مره تركه وعزّمت على تركه لكن لم أستطع فهو ليس من السهل تركه وخاصة أن لي فتره طويله وأنا أدخن


ما اشوف مشكله لو قالتلك..حرام عليك شوي شوي بالسرعه..

أنا معاك بالنسبه لهذه النقطه وأعترف بها ولكن لا يعلج الخطأ بخطأ آخر فلو أنها أتتني من باب النصيحه لقبلتها ولكن ليس بتلك الطريقه
وهي دائماً تعرف بأني في الطريق أسرع فترات بسيطه وذلك لقطع المسافه لا أكثر


من حقها تخاف على روحها وروح عيالهاا!!

الله الحافظ يا أختي وكما ذكرت الخطأ لا يعالج بخطأ


رجوعك للبيت..ونومك..وكان شي لم يكن..هذا غلطك..

وش تبغيني اسوي طيب !!!؟؟؟؟؟؟؟؟؟؟؟


من وين تعلم الغيب هي عشان تقول سلامتك وما تشوف شر..

السؤال يجيه جواب لو سألت لأجبتها أم أنا غلطان ؟؟؟


هي تفكر انك طلعت تسهر..!!

أسهر للفجر مو معقووووله نهائياً وخاصة وأني لم أفعلها من قبل وخاصة عندي دوااااام اليوم اللي بعده

تفكيرها على قدها...!!

لماذا لا نقول لا مبالاه متى مارجع رجع والا عساه مارجع ؟؟؟

ليش ما تمسكها وتقولها يا فلانه انا صار فيني وصار..

وليش هي ماتسأل عن سبب تأخر زوجها والا مي زي الحريم الباقيات ؟؟؟؟

والسبه تفكيري فيكم..

بتقول ايه واعرف وش تخبي بقلبها وخاصه بعد ماقريت الرسايل

ليش ما تخلي لكم يوم مصارحه..وتقولها كل اللي بقلبك..وفهمها بحزم وقت الحزم..

جيتها بحزم وقلت لها يابنت الناس صار منك كذا وكذا ولكن دائما العيب فيني وفي أمي هذا ردها دااااائماً

انك تعبت من عيشتك..

قلت لها ولكن لا حياة لمن تنادي

وبلين وقت الحاجه للين انك تبي ترتاح ..

وقت اللين ما فيه أحسن منها في الطلبات اللامنتهيه


ياخي اعذرني والله بس مثل ما قالت اميره احس في شي غلط ..

حتى انا حاس فيه لكن وشو ما ادري ؟؟؟؟؟؟؟

وانت تتكلم من وجهة نظرك..

ممكن ليش لا عشان كذا جيت أشاوركم

تفاهم مع زوجتك..وشوف وجهة نظرها فيك..

مايحتااااج انا عارف وجهة نظرها فيني بالماريه كان اسمي عندها بالجوال ( حبيبي ) وغيرته وكتبت أسمي ياسلاااااام

فهمها انك خلاص تبي توصل لنهاية..وحل للموضوع..

على الله كل شي على الله


احنا اخوان..من حقك علينا ننورك اذا كان غايب عنك شي..

عشان كذا جيتكم ورميت كل شي عندكم حتى شماغي اليوم داومت من دونه شكله عندكم بالبيت ( ههههههه ) موزحه

ومن حقنا عليك تسمعنا..

وها أنا ذا أستمع لكم


شوف انت الحق وينه..ومع من..

سيظهر الحق عما قريب إن شاء الله عز وجل

وليش زوجتك صارت بهالشكل..!!!

اللهم لا علم لي إلا ماعلمتني



بانتظارك اكيييييييد

وها أنا قد أتيت



يعافيك ربي


ويعافيكم جميع يااااارب

[♡ sαяσиα]

والله يا بو احمد..

اشوفك مره شايل عليهاا
تقول انه ملتزمه..وهذا شي يخصها هي..مع ربها..
انا اتكلم معاملتها معاك كزوج مافيها شي زين تذكره..
موقف تشكرها عليه..



جوالها فيه ادعيه عليك؟؟
ياخي اكيد في شي كبير..
مستحيل زوجتك تكون كذا من لاشي..!!
وهذا كمان وتقول ملتزمه؟؟

طيب اللي ملتزمه تعرف جنتها ونارها زوجها..
ورضاه عليها اهم شي..
منت خسران اذا مسكتها اليوم وقلتلها ابغاك تقولين لي..وش اللي مضايقك مني..
واسمع...بدون ما تعلق..
وبدون ما ترد او تعصب..

يمكن عصبيتك لها دور ويمكن كلامك معها او عدم احترامك لها سبب
يمكن تجرحها بالكلام..

وبعد ما تخلص..من كلامها...
اسألها وش الشي الزين فيك...


وبأنتظر ردك بعد ما تكلمها..

الله يصلحها لك ويهديهاا

[أغ ـــانيج]

اخوي فتى زهران

اول ما قريت اسمك ذكرت ان لك موضوع سابق

لم يسعفني الحظ اني ارد عليه

عموما اخوي

الاخوان ما قصروا عطوك بعض الحلول وانت مقفلها تقول ما فيه حل

ذكرتني بنظرية الدجاجه في الزجاجه كيف تطلعها بدون ما تكسر الزجاجه

ما ودي ااخرج من الموضوع

لكن راح اجاوبك كيف اقدر اطلعها

الدجاجه يطلعا اللي دخلها للزجاجه

بمعنى انك حاط في بالك ان زوجتك نكديه وغثيثه وما فيها حيله

طيب سؤال صريح

على ايش حبيتها ومتمسك فيها

لا تقول الاطفال

وربي لو مالها بقلبك شي ما تمسكها لحظه وحده

انا معاااااك انها غلطانه باغلب هالامور

لكن وش يحدها لتصييق حياتك عليك

ممكن انت السبب

انت بعيد عن عالمها كليا

حتى وان كنت متواجد تواجدك كزوج يبغى احتياجته الشخصيه فقط

هل تسألها عن حالها وتهتم له

هل تشاركها اهتماماتها

هل تمزح معاها وتضحك من قلب وكأنها واحد من اصدقائك المقربين

هل تسمعها بعض الرومانسيات وتتغزل فيها لو بالاشاره اذا تواجدت امك وابوك

اخوي اللي اعرفه من واقع اشوفه

الشخص اذا صار في بيت اهله يكون رسمي مع زوجته ويلغي وجودها من حبه

وما يجمعهم غي فراشهم

هذا غلط وستين غلط

الحرمه تحتاج اللي يراعها ويحس بها وبمشاعرها حتى لو مره باليوم

لو تصرف عليها دم قلبك وما حست انها موجوده بقلبك ماراح تحس بالراحه

فاقد الشيء لا يعطيه

وهي مو حاسه بالاستقلاليه والاستقرار

هل وجودها في بيت اهلك رغما عنها وهل هالشي ضروري بمعنى ان اهلك ما عندهم غيرك

سؤال واعذرني عليه

امك من نوعية الامهات اللي يتدخلون بحياة اولادهم وطريقة تعامل زوجتك لك ولطريقة تربيتها

اذا كانت من هالنوع حاول تخفف الضغط على زوجتك

فيه كثير حريم يضيقون من هالتدخل

حتى لو كان من امها من حقها تعيش تجربتها الشخصيه وتتعلم من اخطائها بدون ما احد يحاول يعلمه او ينتقدها

وانت اذا ما تقدر توصل لأمك هالمعلومه خل احد من اخواتك يفهمها هالشي بهدوء

وقل لزوجتك بحزم هذي امي واللي ترضينه لامك اتمناك فضلا وليس امرا تعاملين فيه امي

هذي امي ولو عاملتها بقسوه لا تضمنين حياتك معي

اللي ماله خير باهله ماله خير بزوجته

انا احبك بس ابيك تعرفين قيمة هالحب قبل تخسرينه

وصدقيني لو استمريتي قريب راح تخسرين

وترى المسيار على قفى مين يشيل

انا بدور راحة بالي

اذا مو معك اكيد مع غيرك

طلباتك بحدود المعقول ابشري

صياح ورفعة صوت ما ابي

ترى بلحظه بتنتهي حياتنا وراح تتحملين مسؤلية خسارتك لعيالك

تخويف على شوية حنيه راح تنفع

انت الرجال وضروري تكون قدها

لا باللين ولا بالشده

خير الامور الوسط

الله يعينك ويفرج همك

وشيل من بالك القصر اللي صار فيه الزواج

ما اظن له دخل

ولا التدخين زوجتك تتعلل بحجج عشان توصل لك انها مو مرتاحه بس خايفه من عصبيتك لو قالت لك الصدق

بناء على ردة فعلك الاولى

طمنها وخلها تففض

[فتى زهران]

آسف جدا على الإنقطاع وذلك بسبب سفري لمدينة الرياض


أنا سافرت الرياض وكلمت الوالد في الموضوع كله وهي موجوده معانا

قلت له الموضوع ومافيه كذا وكذا وكذا وكذا ... الخ

إنما هو أنا ماجيت اشتكي على أني لم اجد حلاً ولكن إنما لأني أردك تكون على علم

عشان بكره أنا مسافر الديره بوديها بيت أهلها

والله الوالد أرتسم على محياه ألف وألف علامة إستفهام

المهم طلع شوي من عندنا وراح وجاب الوالده الله يخليها لي

وقال الموضوع بتسمعيه من ولدك ولكن الرجال جاي يبي حل وبالأمانه دون تعصبيه لأنه ولدك

قال تكلم وقلت لهم من جديد الموضوع كذا وكذا وكذا ... الخ

قالت لها طيب يا أم أحمد وش عندك تكلمي قولي اللي بخاطرك الحين وقت جد مو مزح

والله ثم والله ماقالت شي عني يعني قامت بس تشتكي عن العصبيه اللي فيني وبس

المهم الوالد قال شوفوا انتم بس تلعبون لعب عيال الهرجه مو مستاهله الزعل ذا والعصبيه

أنا عرفت أن الوالد الحين بيقلب علي وكله عشان خاطر أولادي عشان ما نفترق انا وزوجتي

وقام ينصحها بأن مريض السكر يعصب من أدنى حاجه ومن ذا الكلام وان مشاكل الدوام مهما

كان حريص على أنه مايجيبها البيت فهي تأثر في نفسيته وبحكم خبرته عاد مع السكر قام يعطي

بعض النصايح ومن ذا الكلام وفي الأخير قال تعال ابيك اقرب مني وقال لها اقربي مني

انا عاد شكيت في الموضوع بصراحه المهم والله يحط راسي بيد وراسها بيد وطععععععععععععع

والله ياهو كان صادق في الطقه ضرب روسنا ببعض

والوالده قالت برضايه عليك ياولدي تعوذ من ابليس والوالد كمان قال برضايه عليكم الإثنين تعوذوا من ابليس

والله ثم والله لو مو حشمه وكرامه لأمي وأبوي ماكنت ناوي انام يوم الأربعاء الا في بيت أهلها

أوديها وأرجع لأن بصراحه وصل السيل الزبى


الوالده قالت والله ثم والله ثم والله اليوم ويوم الخميس غرفتي لكم :spying:




الوالد والوالده لهم الفضل بعد الله عز وجل في الإصلاح بيني وبين زوجتي




ولكن هل ترون أنني مخطيء فيما فعلت من حيث أنني أخبرت والدي بما كان بيني وبين زوجتي ؟


هل أنني عندما قبلت الإصلاح أنني مخطيء ؟

[أغ ـــانيج]

اخوي فتى زهران

مو غلطان انك قبلت الاصلاح

الغلطه انك فرحان به بدون ما تحاول تعدلون الاخطاء اللي فيكم

ابيك تشوف ردي عليك الاول وقول رايك بصدق