هل تروني غلطان أم لا ؟؟؟

[فتى زهران]

الحمد لله إنكم جيتم يا أخواتي


البارح جايتني رساله من زوجتي نصها الآتي


( بعد مكالمتك لأبوي وتهديدك له بالإزعاج تأكدنا فعلا إنك تغيرت لكن للأسوأ )


بصراحه كنت نايم يوم جايتني الرساله


يوم صحيت وقريت الرساله أرسلت لها رساله نصها :


( الله يسامحك يا أم أحمد والله والذي لا يحلف بغيره ماهددته

ولا شي والتغيير الله أعلم إني كيف تغيرت لكن ما أقول إلا الله يصلح الشأن

ويهديك )



طبعا أنا الصبر فاض من حركاتهم هذي

زوجة الوالد تقول إصبر لين يوم الإثنين ونشوف وش يشترطون

وبعدها نقدر نقرر



والله يكتب مافيه الخير

[دمعة صمت]

خلاص دام جاك منها مسج دق عليها وعطها العلم الأخير قل تبين ترخعين يا هلا وزين على زين واذا عيت ماتبي قلها جهزي عيالي أنا جاي آخذهم وبأدور لي على مرة جديدة حبيبة لي ولعيالي وشف إذا ماانفجرت بكاء عاد وقتها يبدى شغل الحب عندك بس لا تلين بسرعة وأنا مدري بس عشت الدور وتخيلتكم أخاف مايصير نفس اللي ودي انه يصير

[الفارس 11]

اخوى الغالي .. خذ اجــــــــازة ورح لهم وقابل زوجتك وقلهااااااااا اذا ودك ترجعين انا اللحين عندك اذا مالك

رغبه انا ابي عيــــــــالي واذا حصل ان زوجتك رفضت تزوج ياخي حرام اللي تساويه في نفسك

وانا مع الاخت قائده العين الحمراء لاتتراجهم ابدااااااااا وهي الخسرانه..

أســـــــــــــأل الله ان يسهل امرك

[فتى زهران]

حياك الله يا الفارس


المشكله مو في الروحه

المشكله في إني إذا روحت أنا متأكد وجازم مليووون بالميه إن الحرمه مي طالعه لي

ولا هم بيطلعون العيال لي لأني قد قلت لهم إني باخذ العيال



فأنا والله ماودي أطق مشوااااار على الفااااااااضي


فخلني أشوف الين بكره وش بيصير وبعد كذا بعرف وش أسوي




الله يسعدك

[أغ ـــانيج]

لاحول ياربي

اخوي فتى زهران آخر نصيحه لك

ابيك تستخير هالمره قبل اي تصرف

وانا اشوف كلام القائده صحيح ميه بالميه

الحرمه بدت تتحرك بعد الكلام اللي وصلها

خلها تخاف وتبدا تتحرك لك

مو تترك كل المشوار عليك انت

خلاص قلها برساله انا تعبت من كثر ما سويت وشكلك بعتي خلاص ما راح اجبرك بس عيالي باخذهم والله

يوفقك مع غيري وخلي اللي سعى بيننا بالتخريب يضحك علينا

ويوفقني باللي تفهمني وتقدر حبي

خلاص اليوم الفلاني انا جاي بتجين هلا وسهلا

ما انتي جايه جهزي لي عيالي وما ابغى اي تدخل من اي بشر

باخذهم وانتهى

اخوي زوجتك عارفه عنك انك شخص سهل منت حازم وتقدر تاخذ موقف صح

عشان كذا العايله كلها قاعدين يلعبون باعصابك

سو كلام قدو والله يوفقك