زوجي متغير علي

[كميليا]

شكرا نجمه على الرد

وينك اخوي اخصائي

[هيمانه في عشقه]

أختي لاتكثرين شك بزوجك وصدقيه من كلامك عنه وأن مايعطي الشغاله وجه
خلاص صدقيه ولاتهدمين بيتك بنفسك وساعديه بمشكلته وخففي عليه لاتزيدين عليه
هذا بيسبب حاجز بينك وبينه ...
أماعن ولدت أختك لا.... فيه خوف عليه مستقبلاً
حاولو تنتبهوا عليه اكثر وأكثر
ونبهوا وقولوا له أنت اللي سويته مو بس غلط حرااام

ماأتوقع هو طفل 4 سنوات مثلا هو يعي اللي تقولون له واحد بلغ من العمر 15 سنه
يفهم
ثانيا المرحله اللي فيها مرحلة مراهقه خطررره جداً
أرجو تسجيله في أماكن توعويه دينيه
للمحافظه عليه مستقبلا

موفقه إن شاء الله

[اخصائي اجتماعي]

المشاركة الأصلية كتبت بواسطة كميليا

شاكره لجميع من رد علي

المستجدات الي حصلت

اني تركت زوج على راحته وماعاد سالته عن شي خليت نفسي طبيعيه

اسولف امزح اضحك عادي ولا فتحت معاه موضوع تغييره

من كم يوم كنا سهرانين وكنت اساعده في بحث للدراسه بعد ماخلصنا رحنا ننام

انا حطيت راسي ونمت كنت تعبانه وهو جلس على السرير ومعاه الجوال بعد شوي الا اصحى من النوم على لمسات ايديه

عرفت انه يبي علاقه قلت له من زمان عني توك تفكر فيني قال والله تعبان (( احنا ساكنين في دور مع اهله )) قال ابوي يقولي لك اسبوع وتطلع من البيت دبر نفسك اشتر لك بيت

اعتمد على نفسك من كم سنه وانت ساكن معنا وانا شايل همك وهم عيالي وين اروح وعلي ديون وعندي مليون شغله ابي اخلص الديون وارتاح بعدين ادور عرض من البنوك عشان اخذ بيت بالتقسيط
وكل هذا غير الدراسه كلها مجتمعه علي

المهم فجئه وحنا نسولف حسيت بتعب ودوخه وحسيت الدنيا تدوووووور وجلست اصرخ وتنكدنا انا وزوجي وجلست الى اليوم الثاني وانا تعبانه

ورحت للمستشفى وعطوني علاجات والان لي كم يوم احس بدوخه بس الحمد الله خفيفه ومستمره على العلاج

الان انا تطمنت انو زوجي كان شايل حمل ثقيل عشان كذا صاير بعيد عني حتى لما قلت له لنا اكثر من شهر ونص ماصدق قال يمكن بالكثير ثلاث اسابيع مانمت معك مستحيل شهر ونص

وعرفت انه من جد مو معنا وشايل هم

بس صارت مصيبه كبيره وماني عارفه احس كل شي تلخبط ورجعت اوسوس من جديد

كنت عند اهلي نهايه الاسبوع وراحت اختي لغرفه الشغاله على الساعه 2 ونص الليل تبي تاخذ اغراض من الغرفه الشغاله شغالتي انا

لقتها مع ولدها الي عمره 15 سنه

اختي تجننت بغت تنهبل وانا جلدت الشغاله لانها لعبت على بزر صغير عمره 15 سنه

وشكلها مو اول مره لانه مره كانت اختي عندي ودورت ولدها مالقيناها وكانت جزمته موجوده بس هو مو في البيت والشغاله تنام في غرفه في السطح

وجلسنا ندوره اكثر من نص ساعه وكان باب الشارع مفتوح ندوره مالقيناه فجئه نزل من السطح قلت له وش مطلعك فوق عند الشغاله قال مارحت عندها كنت اكلم في السطح مابي ازعاج

قلت له نتصل عليك ماترد كان طلع انتظار والا مشغول قال جوالي خربان

وبصراحه صدقناه ولا فكرنا انه رايح للشغاله لانه صغير ولا خطر على بالنا انه راح للشغاله

عاد يوم لقته اختي مع الشغاله في بيت اهلي انا انهبلت عرفت ان الشغاله تبي رجال ووصخه كذبت على زوجي وارسلت له رساله

ان الشغاله مدخله رجال في بيت اهلي ولما مسكتها وضربتها قالت حتى زوج انتي ينام معي انا طبعا كذبت عليه هي ماقالت شي

بس انا رجعت اشك خاصه انه ماتغير علي الا لما جبت الشغاله وقلت دام انها لعبت على البزر اكيد ماراح توفر زوجي

لما ارسلت لزوجي الرساله وقلت له الحين عرفت ليه متغير علي عشانك شبعان من الشغاله

اتصل علي ولا رديت قال وش السالفه وش ذا الخرابيط انتي وش تقولين

قلت له ان الشغاله قالت لي جلس يدعي على نفسه ويدعي على الشغاله ويحلف انه ماعمره حتى لمسها لو لمسه عاديه

وقال انا علمتك عن ضروفي وليه انا بعيد عنك الفتره هذي لاني مهموم

وصار كل شوي يرسل ويتصل وانا مطنشته

الشغاله هذي جايبتها بالشهر مو تقدريم ضربتها اختي وبغت تقطعها ماتلام اجل لعبت على طفل عمره 15 سنه

الحين انا مشكلتي مشكلتين اول شي زوجي الي حلف لي وحاسه انه صادق بس احيانا يوسوس لي الشيطان واقول اجل ليه يوم جت الشغاله الوصخه هذي تغير علي

هو حلف لي وقالي ادعي علي ليل نهار اذا انا خنتك ادعي علي بالموت وبكل الامراض وامنتك امانه انك تدعين علي عشان ربي يدلك وهو الحكم بينا وشغالات انسي اجيب بعد اليوم

ماعندي استعداد تخرب حياتنا ويدخل في قلبك الشك عشان شغاله انا بوفر لك جميع سبل الراحه بس شغالات خلاص مابي

طبعا انا طردت الشغاله بعد ما اخذت منها كل الاغراض وبعد ما بردت اختي قلبها فيها وضربتها واخذناها رميناها في الشارع الفجر والله كان ودي نوديها للشرطه

بس لانها مو على كفالاتنا قلنا بندخل في سين وجيم ومشاكل ويمكن تورط الولد ويدخلونه الاحداث



انا مهمومه من موضوع الشغاله وخايفه ان زوجي كان له علاقه معها مع انه بعد ماحلف لي حسيت انه صادق من كلامه بس مابينت له اني مصدقته قلت له الايام تثبت

ومهمومه اكثر على ولد اختي 15 سنه نام مع الشغاله وانا متاكده انه اكثر من مره لاني تذكرت سالفه السطح وكم مره يجيني وفجئه ما الاقيه واذا سالت وينه يقولون راح

والشغاله من المغرب اخليها تطلع غرفتها ماتنزل الا اذا ناديتها وولد اختي بيته قريب مني عشان كذا اي وقت يدخل بيتي عادي

ومره عند اهلي قال بينام في الصاله قلنا المكيف خربان قال عادي ابي انام في الحر انا استغربت بس قلت يمكن يبغى امه تنام ويروح يطلع الشارع

بس شكله كان يروح لها

ومره فتشت جوال الشغاله لقيت رقم جوال اختي من المكالمات المستلمه واستغربت لان اختي ماعندها رقم شغالتي وجوال اختي دايم ولدها هذا ياخذه يقول بيكلم اصحابه

وفي نفس اليوم الي مسكناها معه لقيت الرقم في جوالها

اختي الحين محتاره وش تسوي تقول ولدي حلف انه اول مره وانه ماسوا شي

وانا متاكده انها اكثر من مره خاصه بعد المواقف الي تذكرتها ووجود رقم اختي في جوالها

والله اني ما انام زين عقب السالفه

طفل يعاشر شغاله وهو اخلاقه كويسه وماعمرنا شكينا فيه انصدمنا وخايفين عليه انه مر بالتجربه هذي في العمر هذا

كيف نتصرف معاه وهل يحتاج علاج لانه ممكن تاثر العلاقه هذي على حياته في المستقبل

الي يعرف رقم مستشار اسري او يقدر يعطيني حل للمشكله هذي وكيف نقدر نتعامل مع الولد يساعدني وكيف العقاب الي ممكن يتلاقاه بدون ما ياثر على نفسيته

انتظر ردودكم خاصه اخوي اخصائي
شاكره لكم

الحمدلله على كل حال والحمدلله انها وصلت لكذا



اختي العزيزه الي حصل فعلا حاجه مؤسفه ونتمنى ان الله يصبر ام الولد



الان لازم نفصل المشكلتين ونحل كل مشكله ، مشكلة الولد والخدامه ومشكلة زوجك والخدامه



واتمنى انك تفصلي المشكلتين ولا تخلطي المشكله



واول شيئ نبدأ في مشكلة الولد

طبعا الي صار بيحصل في معظم البيوت وانتي قلتي ان الولد توه بالغ عمره 15 يعني بيتجاوب مع الخدامه وحصل مالا يحمد عقباه الحل الصريحه لهذي المشكله انك تكتمي على الموضوع لان الي حصل حصل ولا ترجعي تفتحي المشكله هذي وياليت تطردو الخدامه واتنتهي المشكله وصدقيني اكثر الشباب بيقعو في مثل هذي المشاكل ونقول الحمدلله والولد يضرب من امه ويتم افهامه انه الذي فعله غلط وعليه الا يفعل مثل هذه الفعله مره اخرى لان ليس له ذنب الخدامه هي السبب ،والحمدلله على كل حال واقفلو الموضوع هذا بتاتاً عشان ماياثر على نفسيت الولد وعلى نفسيت اهله وقبل لا ينتشر الخبر بين الاسر المحيطه بينكم ومافي داعي للشرطه الستر طيب مو مهم الخدامه الاهم الولد .






نجي لمشكلة زوجك والخدامه !

انتي الان قلتي انه زوجك شرح لكي ظروفه في لحظة صفاء بينكم وسبحان الله كأن ارد ان يخبرك زوجك قبل حصول المشكله الي انتي بتقوليها وطبعاً لا تقولي لي انه زوجك كان يدري بأنكم سوف تصطادو الخدامه مع الولد !


يعني مو شرط انه يكون عمل علاقه مع الشغاله!



وممكن يكون عمل صح معاكي حق لكن لو درستي الموضوع من كل الجوانب لو مثلاً زوجك عمل فعلاً الي في بالك مع الخدامه طيب انتي تشوفي الحل في اعتقادك انك تتخاصمي مع زوجك وهل في اعتقادك انك ممكن تثبتي انه زوجك عمل الشيئ هذا لا اريد ان ادخلك في مشاكل او اوسوس بك لكن انظري للموضوع من كل الجوانب ستجدي ان السبب كله يقع في الخدامه ولا اعتقد انه الخدامه تستطيع ان تخرب بيتك بكل سهوله





فعلا الموقف صعب ويبيله انك تهدي نفسك وتتعاملي بعقلانيه واول حاجه عملتيها صح انك طردتي الخدامه زوجك لاتناقشيه في هذا الموضوع لانك لم تثبتي عليه شيئ وبالذات انه حلف لكي !



ثانياً : اجلسي في بيتك واهدأي وزوجك واضح من كلامك انه طيب وقلبه ابيض لا أبرء ساحته واقولك انه لا لم يفعل هذا شيئ ،رغم اني حاس انه مالمس الخدامه


لكن حبيت اقول لكي شيئ الوسواس يصنع لكي المستحيل ويزين لكي اي شيئ لدرجة انه يشكك في اقرب الناس لكي لكن صدقيني مشكلتك والله العظيم حلها انك تقفلي الموضوع هذا نهائياً وتنتبهي لزوجك وعيالك ولا تكبري الموضوع اكبر من كذا لان الموضوع متشعب وفيه اكثر من طرف زوجك والولد الصغير واختك والخدامه ، في هذي الحاله الكتمان هو الحل الافضل عشان الموضوع لا ياثر على جميع الاطراف





اقسم بالله العظيم اقسم بالله العظيم هذي مشكله حصلت لي انا شخصياً

انا كنت في الشارع وفجأه في الطريق انا ماشي في طريقي شاهداني بعض الفتيات البائعات هذولي الي يبيعون الاقمشه في البيوت للحريم الكبار اذا كنتي تعرفيهم ، المهم الاثنين هذولي راحو للوالده الله يرحمه وقالو لها انه ولدك حاول يغتصبنا وحاول وعمل كذا وكذا وكذا



الوالده رحمة الله عليها عرفت الاشكال هذي وقالت لهم خلاص روحو في حالكم واعطتهم كمان فلوس في ايدهم وقالت لهم انا اضربه واتفاهم معاه لان عمري كان 20 تقريباً



بس تصدقي وتأمني بالله انه اخواتي البنات كانو حاضرين المشكله هذي وانا ماكنت موجود سمعت الحكايه من اخت لي الوالده قالت لكل الاخوات انهم لا يفتحو السيره هذي نهائياً ولا لي اي شخص وكأنه مافي شيئ حصل وقفلت على الموضوع .

حتى انا ماقالت لي اي شيئ نهائياً !





لو جيتي حللتي الموضوع اساسا مافي شيئ يثبت المشكله ولو حصل نقاش واخذنا في الكلام راح تحصل مشكله وماراح نعرف مين الصادق لكن تحفظ المشكله افضل حل في تفكير الوالده انه ولدها اهم من اي مشكله





انتي افعلي كذا زوجك اهم شيئ واحفظي عياليك وبيتك وقفلي الموضوع وابداي صفحه جديده لان الفضيحه مو في صالحك انتي اولا بين النساء حتى لو لم تكن المشكله حصلت من الاساس




لي عوده اختي العزيزه

[الرايس]

أختي الفاضلة:
من قرأءة الموضوع أرى أن زوجك يمكن عنده ظغوط نفسية ولكن تحملي التغير ات وتقبليها بصدر رحب
وأهتمي في نفسك من لبس ومكياج ونظافة عامة وهيي الجو المناسب لزوجك وخليك دائماً مبتسمة في وجهه
وأحذري وساوس الشيطان ترى الشيطان حريص على تفريق الزوجين وأكثري من الأستغفار
أسأل الله الله لكِ السعادة

[كميليا]

شاكره ردودكم

انا الحمد الله طردت الشغاله على طول وحتى زوجي جلس يدعي عليها وانقهر ويحلف انها متبليه عليه وظالمته

انا قلت لزوجي اني راح اعدي الموضوع لان مافي اي دليل

بس انا شكيت لما شفتك متغير علي

بس فعلا عليك ضغوط وهي المبرر الوخيد للحاله الي مرينا فيها

بس من جواتي مصدقه ومو مصدقه

لما اسمع كلامك اصدق بس احيانا تجيني وساوس وافكار واجلس ابكي

علاقتنا الان عاديه نسولف وعادي بس هو حاس ان فيني شي متغير

دايما يسالني كيفك الحين خلاص اقتنعتي ولا الى الان توسوسين

ويقولي اذا جتك الافكار هذي اتوضي وصلي وادعي علي كاني مسوي شي

المشكله الان اني كرهت بيتي وحتى مابي انام مع زوجي

وهو يدور بيت بس على مهله وانا ابي اغير حياتي ابي اغير البيت وانسى كل شي

وابداء حياه جديده في بيت جديد هو لازم يطلع من البيت لان ابوه بيزوج ولده الصغير ويسكن في بيتنا

عشان كذا ابوه يقوله يطلع من البيت في اقرب وقت بس زوجي مو متحمس لان اخو زوجي لسى ما خطبو له يقول اذا خطبو له بعدين دورت بيت

وانا مو طايقه البيت ابي اطلع ابي انسى كل شي وافتح صفحه جديده في حياتي