°o.O (مدونـــــــ ღ صدى صوتي ღ ـــــتي) O.o°

[♡ sαяσиα]

عشرة أسباب خلتني [ أحبك ]
..............تسعة منها [ مدري لًيشَ ]
والعآًشٍرُ [ نسًيتْه مَعًليْش ]

:26-7:

[♡ sαяσиα]

من غير ليه ..!


ليه شاعر.. ؟
وانت ، وش مزعلـْك منـّه ؟!

خلي هالانسان يعزف..
خله ينزف..
وينثر أوجاعه وفـنـّه.

وش عليك من احتراقه..
ومن مذاقه.؟!
ومن تناهيد الوجع واللي يكنـّه ؟!

ليه يكسر.. ؟
ليه يسرف بالحداثة ؟
ليه مايوزن همومه.. ؟
وليه يكتب فوق سِنـّه ؟

ليه ينثر.. ؟
ليه ماكمّـل (حراثة ) ؟
ليه جددها (هدومه ).. ؟
وسن في (التعبير ) سُنـّة ؟

يا أخي : من غير ليه ..!
إنت بس اكفيه شرّك..
وحِل عنـّه ! .



ليه شاعر ؟
ماعجبـْك إسكت ..
ترى غيرك يحِس وله مشاعر.

والبشر كومة مشاعر ..
من جنوب الأرض لأقصى ماخلق ربك مشاعر .

والقصيدة ..
زفرة احساس فريدة ..
تبتدي قبل الكلام ..
وتنتهي لكن .. دواير .

والقوافي
زخرفة موج ومرافي
والبحر انسان صافي ..
لا يهين ولا يعاير .

والضماير
كل هالدنيا ضماير
من شواهيد القبر لين المناير.

ومن كتب بالطرس ونـّه
أو أمانيه اخذلنه..
ولا قِدر يرضي جنابك !
لاتخيب فيك ظنه..
وحِل عنـّه.

[♡ sαяσиα]

تِذكـّر..وش حصل(لآدم أبوك)،وذنبه العاري!
وتِذكـّـر (نوح) وعقوق القريب،وفزعة الطوفان

وتذكر( يوسف الصديق)،ونجدة محمل ٍساري
وتذكروش حصل(لايوب)،وصبرأذهل الشيطان

وتذكر( يونس) وبحرالظلام ،وحوته الضاري
وتذكر ســـــالفة (موسى) كليـم الله ، والطغيان

وتذكر (صالح )المرسل مع اللي مالهـــم طاري
وتذكرطيب (عيسى)، واليهود، وقسوة الخذلان

على سنة (محمد )،وكـــّـل الله دوم ياجـــاري
(ولن تشقى)،(ولن تبقى )على حالك كذا زعلان

وإذا تنسى ..تِذكـّرني ، تراها تسـّـرك أخباري
طلبت الله .. ولاخيّب رجــاي ، وزادني إيمان

وصارالكون من حولي بفضلـــه يشبه غباري
صغيـر وتــــافه وهيّن ،ولو فكرت به غلطان.

تعدا الهم (يابو قيس ) وخذ شوري ومخباري
وسامح من جفاك ، ولا تهمك عثــرة العميان


مساكين وغلابا ، هالخلايــــق بـايع وشاري
وفيهم بــــايع نفسه ، وفيهم شـــاري الحقران

وفيهم من تعلاّ .. لين طــــــاح وذرّه الذاري
وفيهم من سجن روحه ،بلا سجـن ولا سجان

وفيهم من عرف ربه ، وربي بالخفـــا داري
وفيهم ناس مثلك يشبهون الشمس (يا..... )

[♡ sαяσиα]

أبفهم مين إللي يأخذ حبوب هلوسة
خخخخخخخخخخخخخخخخخخخ

[♡ sαяσиα]

تعال أعلمك ..
كيف الحبايب ، لا غدو ( كُفَّار) !!
يصرُّون الوفا / ملح ..
وعلى جرحك : ..
- يذرُّونه -