يحكى أن مع [................] ؟

[ريحة عطر]

الله يعطيكم العافية على دعوتكم الجميلة لي
والموضوع الحلو ا
آآآآآآآسفة على التاخير بس ظروووووووف
المهم اليوم ببدأ وأن شاء الله قصتي تحوز على اعجابكم
طبعا راح احط الروابط اللي فيها
القصة في بداية الموضوع
.



.


.

بسم الله نبدا

.

.

يوم كنت طفلة كنت متعلقة بابوي الى حد الجنون

كل مكان يروح لازم اكون معاه

حتى انه لازم يغفلني ويطلع بدون ماادري عشان ماالحقه

خخخخخخ

بصراحه اي احد يدخل بيتنا لازم الحقه >>> لزقة عنزروت

من كذا العيال دوووووم يعيبون علي ويسموني اللحاقه

الموووووهم ..

يوم من الايام طلع ابوي مستعجل عشان يجيب ثيابه من المغسلة

قبل ماتسكر لانها تسكر مبكر
عاد انا ماتشوفوني

الا عند الباب وماسكه جزمتي الله يعزكم

وين ؟؟؟
وراك وراك ماتقدر تهرب وانا فيه

ابوي لما شافني قال لامي تجيب اختي معاي

عشان توسع صدرها وماينكسر خاطرها اني رحت وهي لااااا ...

طلعنا بالسيااااااااارة

نزل ابوي ودخل المغسلة ومن عاداته الله يرحمه اذا دخل مكان ينسى عمره ولا يهمه الوقت

المهم ان الوقت عدا

ماشفت الا الهندي طلع وسكر باب المحل

كان فيه باب ثاني من الجهه الثانية بس انا مادريت عنه
طلعت عيوني من الرعب

ناديت على اختي ...ابوي داخل وسكرو عليه

طول ابوي مدري هو طول ولا الوقت واقف

بديت ابكي واختي خااااااايفة

اللي صار ان مخي بدا يستوعب ان ابوي

داخل والعمال سكرو عليه الباب

ترجمة اللي صار بمخ طفلة خايفة ومرعوبه لحد الموت

انه سكرو عليه الباب وبيذبحونه ويطبخونه

لاااااااااااااااااااا مااقدر اتخيل كل ذا

وكيف بنرجع البيت

وكيف بنقول لامي الخبر ؟؟

نزلت من السيارة

وبديت اضرب بأكبر قوة بيديني ورجولي
وانطح الباب كاني ثور وانا ابكي

واصارخ افتحو الباب ابوي داخل

الموفق كان يضحك ويبكي في نفس الوقت

شفت ابوي طلع من الباب الثاني لان المحل ركني
وله فتحتين كان
ابوي ماسك ملابسه النظيفة

ويطالعني بستغراب من حاللتي ويطالع السيارة مرة ويطالعني ثانيه

اخيرا شفته

استوعبت اللي صار وركضت له ومسكت ارجوله وانا ابكي ....

جاني صوته الحنون
علامك يابوك ايش اللي صار

ركبنا السيارة وعلمته باللي صار

وماااااااااااات من الضحك علي وعلى تفكيري

عطاني ريال انا واختي ههههههه عشان بكيت كثير
بس اختي المفروض مايعطيها عشانها مابكت مثلي
وهذا كان تفكيري ذاك الوقت

للمعلومة

الخوف مايجي من عبث

الخوف ثمرة يزرعها الكباااااااار في قلوب الصغاااااااار

دايما اسمع امي تقول لي لاتطلعين الشارع يبوقك الهندي ويسويك هريس

اسمع قصص مخيفة عن السرقات اللي تحصل للاطفال

كلها تسبب لي الرعب والخووووووف من المجهول

عشان كذا حصل لي الموقف هذا

الله يرحم ابوي ويسكنه فسيح جناته

اتنمى اني مااكون ممله وان قصتي تعجبكم

الى اللقاء ان شاء الله

مع حكاااااااااااية جديدة

[ســــارهـ]

هههههههههه فعلا قصه تضحك وتبكي في نفس الوقت

قسما بالله دخلو الخوف في قلووبنا من يوم كنا صغاار <<هذولا أمهاااات>>^_^

يعطيك العاااافيه وبانتظار القصه الثاانيه,,

[ميمي التميمي]

ههههههههههههههههههههههههه.

يعطيك العافيه ويرحم ابوك ويغفر له يااااارب ..

روووعه عطوره من جد استمتعت فيها وسرح خياااااااالي كثير في الموقف .

[حكمتي بسكاتــي]

ههههههههههههههههه

الله يرحم والدااك ويسكنه الجنه

رووعه استمتعت فيهاا

يعطيك الف عااافيه يالغاليه

[كتكوتة حمود]

يالله حي عطوووره


قصه جدا رائعه ومضحكه يالبى الصغار بس عليهم تفكير يذبح