حـــواربيـــن عـــزوبـــي ومتـــــزوج ......

[العلياني]

السلام عليكم ورحمة الله وبركاته

قال العزوبي:

شف العزوبي مايعـرف الهواجيـس *** ولا يـودي حرمتـه كـل يـومـي

يا عنك ماحاش الفخـر والنواميـس *** الا عزوبـيٍ يـعـرف السلـومـي

اذا اعرس المعرس غدا عندنا هيس *** ونزيل اسمه مـن سجـل القرومـي

والى بغيـت البهذلـة والدحاويـس *** فأعرس وخلك من عـداد الرخومـي

وش صابكم من عرسكم يا المفاليس *** وش استفدتوا غيـر دق الخشومـي

اللي تزوج أشهد انـه غـدا تعيـس *** والرابح اللـي ماخـذٍ لـه..........

ترى عناق العام نطت على التيـس *** والحرعقب العـرس يصيـر بومـي

قال المتزوج:

قال العريس أنا الذي في سـعاده *** ماني عــزوبــي ضايق الصدر مهموم

مبسوط من مثلي قعـد عنــد غاده *** مهوب مثـل اللي لحاله تقل بـــوم

في كل لــيله حاضنٍ لـه وسـاده *** وانا مـع المـزيون في غـرفة النوم

أنا اشهد انه عايـشٍ في قــراده *** يروح عــمــره مـا تهنى ولايوم

الى دخــل للبيت يبلش بــزاده *** يقعد يقــطّـع له طمــاطٍ معه ثوم

ولا قضى عقب العصـر من عداده *** والـحوض من كثر المواعين مزحوم

والى غسلهن ثم فـك الســـداده *** دلى يغســل له سـراويل وهــدوم

وان ماطــبخ روّح لمطعـم حمـاده *** والا قـعد في منزله واعـلن الصوم

وان جاه ضيفٍ باغيٍ لـه رفـاده *** يـروح يشــري رز وايـدام ولحوم

ما يعرف الشمبو وراسـه عــراده *** وشــمغه من الكواي ملـيانه رقوم

ما يكنس الفرشــه ويلقط بــداده *** اما بقـايا رز او خــبز معــروم

عنده صراصيرٍ بحـاجه ابــاده *** تسـرح وتمرح في الغرف دايم الدوم








اخــوكــم/الـعـليـانــي ...

[ظبي العين]

شكله كل واحد مقتنع بوجهة نظرة ...

ترا كل مرحلة لها مميزاتها..تسلم يا الغلا وحوار ممتع

[العلياني]

ظــبـــي الــعــيــــن .....



الله يســـلمك ....


اشــكـــرك عــلى مـــرورك الـعــطــــر .........

[القلم الجنوبي]

السلام عليكم ورحمة الله وبركاته

مشكور على المشاركه الجميله والرااااائعه

[ألج ــــرح أرح ــــــم ..!!]

العلياني هههههههه تحياتي لك

موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية .