علمتني كيف (أحبك )لاتوهقني

[القلم الجنوبي]

بعد المحبه , علامك مانت طايقنـي ؟
وانا على خبرك أشواقي هي أشواقي



اسلوبـك اليـوم يقتلنـي ويحرقنـي
سؤال ؟ ابسألك وين اسلوبك الراقي !



حتى كلامـك معـي بلحيـل مقلقنـي
والشك في داخلـي ماعـاد ينطاقـي



ان كان قصدك تقول إرحل وفارقني !
برحل ولكن مصيـر الحـي متلاقـي



وان كان قصدك تغلا وانت عاشقني ؟
ابشـرك ماتغيـر شــي بعمـاقـي



وان كنت تمزح ؟ أمانه معك روقنـي
تراي مكسور خاطر وانكسـر ساقـي



بس بصراحه , من الآخر وصدقنـي
صدمتني واستراحت . هقوة الهاقـي



ياليتك تحـس بحسـاس ٍ مضايقنـي
وياليت تقرى كلام ٍ داخـل احداقـي



حلمك منول ! في هالدنيـا تحققنـي
واليوم في بحر غدرك ناوي اغراقي !



والحظ الاقشر يوم إنه فيـك علقنـي
خلاني دايم علـى شوفتـك مشتاقـي



علمتني كيف ( أحبـك ) لاتوهقنـي
علمني ( أنسى ) ولا تستكثر الباقـي



كنت احسب إنك اذا جيتـك تعانقنـي
أثريك لا طايق ٍ شوفـي ولا إعناقـي






/




\




/







مـمـآإ رآإق لــي ...

[دلوعـــ قلب روروـــــه]

السلام عليكم ورحمة الله وبركاته

شـكــ وبارك الله فيك ـــرا لك ... لك مني أجمل تحية .

[سيــــدة الغيــــد]

علمتني كيف احبك لا توهقني ...علمني انسى ولا تستكثر الباقي

تسلم اختيار رائع قصيده في قمه الروعه والجمال راااااقت لي كثيرا لك مني كل التقدير...انتظر منك الجديد

[فارس11]

ما شاءالله عليك مبدع...

موفق بإذن الله ... لك مني أجمل تحية .

[الغلا فطيم]

لقد كنت رائع في صدق مشاعرك و راقي بإحساس الحب
وإلا لما نقلت لنا هذه البوح الرائع كروعة إحساسك به
ماأجمل الأنسان عندما يحب وما أروع عندما يتغني بهذا الحب
لك منى كل المحبة والوفاء
دمت بسعادة وهناء