قــــالــو تـتـوب

[.فيصل.]

قالو تتوب وقلت بالطـرف مصيـوب = والله ماتـوب وصافـي الخـد ماتـاب
قالـوا تحملـت المواثيـم وذنــوب = قلت الذنوب لهـا موازيـن وحسـاب
قالوا تـرى مايفعـل العبـد مكتـوب = قلت افهم الـي تذكرونـه يالاصحـاب
قالوا جهلت وعقلـك اليـوم منهـوب = وكشفت سرك بين ربعـك والاجنـاب
قلت الهوى لقلوب الاحبـاب مرغـوب = ايات حـبٍ صـورت وسـط الالبـاب
قالوا بعقلـك ضايـع الفكـر منكـوب = قلـت المـوده ماتداويهـا الاطـبـاب
عقلي معي ماني من العقـل مسلـوب = انا الغريـق وكـل شـيٍ لـه اسبـاب
كان انكم تدرون بالـي شفـى ايـوب = وجدٍ سطـى بالقلـب والحـب غـلاب
انا غريقٍ مـع هـل الحـب منسـوب = في زمرة العشـاق بالحـب منصـاب
ماطـف لـي زادٍ ولا اريـد مشـروب = الي صفا لي صاحبي عسـل الانيـاب
يغضى بعينـه وافهـم العلـم مقلـوب = واسري عليـه بليلـةٍ نورهـا غـاب
ويرخص لي الغالي الى حـل ماجـوب = وعن القرايب حط لي ستـر وحجـاب
وابعدعن الشكه ولا انوش لـه ثـوب = الا الحديـث وقرعـة النـاب بالنـاب
اخاف يصبح زين الاوصـاف معيـوب = وهو عليه من الشـرف كـل جلبـاب
وعرضه نضيف ابيض ولا فيه عذروب = ولا حكـوا فيـه البعيديـن واقــراب
عليـه وجـدي فايـقٍ وجـد يعقـوب = وقلبي من اسبابه بوسـط الحشـا ذاب
يلومني مـن لاشكـى حـب نبنـوب = طفـلٍ قرونـه ماتغطيـه الاســلاب
طفلٍ نهب عقلي بضحكـات وعجـوب = فتـان لقلـوب العشاشيـق نـهـاب
اصبح هو الغالب وانـا منـه مغلـوب = غـدا بعقلـي بيـن شـاري وجـلاب
ان كان شفته صفق القلـب مرعـوب = بالصـدر كنـه بيـن لاوي وجــذاب
والدمع من موق النظيريـن مسكـوب = يخضر ديارٍ ممحلـه عقـب الاجـداب

"منقول" قصيدة غزلية من الدرجة الاولى.... ولكم مني خالص المحبة والتقدير

[*سندس*2008]

فيصل من جد شي راقي وابداع وكلمات مؤثرة ومعبرة وتصل الى القلب

وما اقول الا حظها اللى انت تكتب لها .............. انت مبدع ومميز فعلا

وننتظر جديدك,,,,,,,,,,

[.فيصل.]

سندس.... اشكرك ع مرورك وعلى كلماتك الجميلة ... عزيزتي انا اكتب للأعضاء هاذى المنتدى ...
دمتي بخير...

[احتظار المشاعر]

كلام في قمة الرووعهـ

وربي جونــأآأآأآأن


صح لسانك وعساك على القوهـ

ولا تحرمنا جديدك

(أحتظار)

[عبدالعزيز عابد]

فيصل ... ابداع وذووووق مممميز ننتظر جديدك . تقبل احترامي . وسلامتك