السلام عليكم ورحمة الله وبركاته
ثلاث سنين وانا اخطط لهذا اليوم يابو سعود.....
تيسر حالي وجاهز اوفي وعدي بوقته........
وفجائه جتني تتعذر وتقول تاخرت الوعود....
وانا مستغرب واسمع وكان وعدي له خنته.......
حسبت انها تمازحني وتتصنع جفى وصدود....
ضحكت بوجهها من قلب مع انها بايخه النكته ......
وقالت ارضى بالواقع قلبي ماهو المعهود......
تغير كل شي صوبي نصيبي ماظن انته ......
كنت بيوم محبوبي ولكن ماظن نعود.....
وصل من قبل توصل وانا ذاك الصبر عفته.....
ولكن تكفى صدقني ويشهد ربي المعبود...
ترى ماخنتك بغفله ولا كلمته وشفته...
صراحه اهلي قالولي بانه ولد اصل وجود....
وجتني امه بالصوره وكلمات المدح اخته.....
وسكت وقلت هي فرصه دام الجود بالموجود.....
وقالو كل من حولي علامات الرضا سكته......
وانا فكرت دام امه واخته ماعليهم زود.....
اكيد اني براضيهم اذا وافقت واخترته....
وارضي اهلي واخواني دام ان الفرح بقصود.....
عطيت الناس انا كلمه وقتي معهم حددته......
ولا اقدر اغيرها ترى عند العرب منقود....
اوافق واعتذر باكر واقول الراي غيرته....
تبي تشرحلي المنقود تصدق عاد يابو سعود.....
تبي اقتنع وارضى بحال عمري ماعشته.....
انا موقايلها عسى ينثر وراها ورود.....
بعد ماحطمت قلبي وحد الموت تجرعته.....
عسى في فستانها اشواك وفي ثوبها عقارب سود......
ونار تحرق الكوشه وتحرق بيتهم حتى.....
وموت في ليلة الدخله يبرد حرتي ياكود......
ولااحس انها بحضنه تلامس خد لامسته.....
علي اهون اذا ماتوا ولابنفس السرير ارقود.......
ترى صعب علي اتخيل اللي ماتخيلته......
عسى قاع الثرى يقسى ويتحول صخر جلمود.......
وحفار القبر يرفض يسوي فوق مقدرته......
ترى دفنت عديم الذات تلوع حتى كبد الدود.....
من خان العهود ومات تعافه حتى مقبرته.....
عسى ربي يجازيهم بحبل من مسد ممدود....
يعلقهم من اطرافه وفوقه نار ومن تحته......
انا ماني حقود وشين ولاني من نسل نمرود........
ومن حط نفسه بوضعي بيقول اللي انا قلته.......
دام الفعل له ردت فعل والله ابشري بردود.....
بد عي دامني حي وبغرس لدعاء نبته.....
واسقيها نزيف القلب ودمع مارحم الخدود....
تكبر والثمر ثاري من اللي خانني وصنته....
انا نذر علي اكتب وافجر القصيد ارعود....
واسمع كل بشر صوتي عجبته ولا زعلته.....
واردد للي يسمعني اذا حبيت حط احدود.....
انا حبيت دون احدود وشوف اللي تكبدته......
ثلاث سنين وانا ابني وجات صورة بكل برود....
خذت مني شقى عمري وحلم قلت حققته......
ثلاث سنين وانا اخطط لهذا اليوم يابو سعود......
وتوافق من كلام اخته وصورة 4في 6......
........اتمنى يعجبكم وابي اشوف الردود الزينه...........
05-09-2009, 02:36 AM
رد: ...خائنه ...دعى ..عليهااااا....عشيقهااااا....
المواضيع المتشابهه
العرض العادي
