بضٍم صـًدرك لـّـّين تصـًـِبح عـًِـلى خـِير‎

**أنتظرتك** · 12-13-2009, 09:07 AM

أفتح شبابيك الهوى جيتك اليوم
بإحساس من زود الوله عده يطير

جيتك مثل طفلن له أيام محروم
عن حضن أمه أبعدته المقادير

وجيتك مثل عودن له أيام مهموم
وده يلاقي بأخر الوقت تقديــر

وجيتك حضن عاشق وهايم ومغروم
وده يضمك لين تصبح على خير

متى تحس إن الهوى شي مقسوم
من قسمة الخالق على خلقه يصير

ومتى تحس إني لك أطيح وأقوم
وأتعب على شانك وأقدرك وآغير

لي في هواك أحلام وأمال وعلوم
وأحزاب وأصحاب وقصيد وجماهير

وهموم وأفكار وهواجيس وحلوم
ودروب وأخطار وعذاب ومشاوير

وحب وغلا وإخلاص ومعاند ولوم
وإحساس وإلهام وشعور وتفاكير

وصحبة سهر ومقاطعة لذة النوم
وأشواق جياشه وعشق وتعابير

في ذمتك مابان لك شي مكتوم
من بعد ماصورت الأوضاع تصوير

لاتحسب إنك شي عابر ومعدوم
وتاريخ حبك فاق كل الأساطير

في كل شي أتخيلك وأسمعك دوم
وأتأملك في الوقت الأول والآخير

من ماضي الأيام لايومك اليوم
وغلاك عندي ماحصل فيه تغيير

وأنا لك الله ماأقبل البيع والسوم
ولا أرضى علي ولاعليك المخاسير

لاْني الوحيد إللي على بحرك يعوم
وإللي عرف مرساه في رحلة السير

لحظه حبيبي قبل يسبقني النوم
بضم صدرك لين تصبح على خير

وسلامتكم

**حبي انت** · 12-13-2009, 12:00 PM

الله يسلمك .. فديتك والله على هالقصيده الرائعه بروعة صاحبها ..
الله لايحرمنا .. دمت بخير .. :air_kiss:

**دلوعة عبود** · 12-13-2009, 04:25 PM

ابيااااات رااااااائعه وجميله
رااااقت لي كثيرااا
تسلم انتظرتك ،،،،،وباانتظاار ابداااعك

**مسافر77** · 12-13-2009, 09:31 PM

تسلم اخوي انتظرتك

بجد قصيدة معبرة ورائعه

**أنتظرتك** · 12-14-2009, 12:19 AM

أشكركم حبايبي من الأعماق على مروركم وتفاعلكم الجميل والمميز دائماً
دمتم بالف خيرررررررررررر

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري