مآتوقعت , , آكرهك وآحبك . .

[اتعبني الجرح]

أكرهك وأحبك ولا أبيـك وأبي



لخبطت فكري ماعرفت الحقيقـه



ماتوقعت أعشقك في يوم وأغليك




لين ماحبك أشعل بقلبي حريقـه




تاهت بحوري وأنا أدور مواني



والروح بغيابك وبعـدك غريقـه



والقلب يتبع بالمشاعر خطاويـك



ودروب غيـرك تشكـي الظيقـه



راضي بتعبك وأتحمـل بلاويـك



وماطيق غيرك ولا حتى دقيقـه



انسى اني أكون بيـوم ناسيـك



محد(ن) بعد المحبه ينسى عشيقه




يفز قلبي لاجابو الناس طاريـك



حبك قدر عمري ونورك طريقـه



أهديك كلي وانا وكلـي لمعاليـك




وأهديك كل الورد واحلى رحيقـه



من قال ماحبك ولاأبيـك وأبيـك



هذي خرابيط شاعر بحكم السليقه



ولا الحقيقه تراني مبتلـي فيـك


مثل ظامي يحتري من يبل ريقـه



واخرها تذكرني ليا هلت لياليـك



انت حبيب القلب وانت صديقـه

[طيب الفال]

شكرا لك
اتعبني الجرح
ابيات رائعة وطرح مميز
يعطيك العافية
ولك تقديري واحترامي

[سحابة ود]

صباح الورد
يسلمووو على ابداع طرحك يالغلا
تاهت بحوري وانا ادور مواني
يعطيك العافيه

[أم حمد]

أهديك كلي وأنا كلي لمعاليك
صح الله لسانك... كلمات قمه في الروعه....
تقبلي مروري..........