يبه لايجي...!!

[حنان العسيري]

السلام عليكم ورحمة الله وبركااته
يبه هذه قصيده لك والغربه خلتني اكتب وسامحني والله يخليك لي ولا يحرمني منك يارب .
يبه لايجي في خاطرك من زمانك ضيق
اذا جيت افرج كل مافيك مـن ضيقـه

اناخادمك عبدك انا الصـادق الصديـق
معك لاغدر بعض العرب في مواثيقـه

انا اللي ليامن شاحب الهم يمـك سيـق
نطحته بنفسي عنك لو كنت مـا طيقـه

علي اليمين ان الله اعطانـي التوفيـق
وحبـل المنايـا ماشبكتنـي معاليـقـه

لخلي صديقي يحرق ايديـه بالتصفيـق
وأخلي عدوي يبلـع الهـم مـع ريقـه

يبه والشعر فيك يتباهـى وفيـك يليـق
وانا شاعر جاب الذهب في صناديقـه

ومدامك كبير في عيوني بكبر طويـق
انا ليه مملـي دلـة القـاف وابريقـه

يقولون شعـرا مايهـز الحشـا تلفيـق
وانا اقول ياشعري حشا ماانت تلفيقـه

انا ماكتبت الشعـر بالقـص والتلزيـق
انـا ذبـت فيـه وجننتنـي طواريقـه

كتبته وخليـت القلـوب النيـام تفيـق
وقامت تزامح في عيونـي عشاشيقـه

ولا ليت بعض الناس بين الضلوع يويق
عسـاه يعذرنـي لاتماديـت بالضيقـه

ولا يا عسى عفن تعود علـى التدنيـق
يزوره رسول الموت في كـل تدنيقـه

ولا يا عسى قرم خذا الطيب فكة ريـق
يجي دربه اخضر زاهيـات زماليقـه

يبه لايجي في خاطرك من زمانك ضيق
اذا جيت افرج كل مافيك مـن ضيقـه

تحياتي/حنان العسيري

[الزوجة الناجحة]

يقولون شعـرا مايهـز الحشـا تلفيـق
وانا اقول ياشعري حشا ماانت تلفيقـه

انا ماكتبت الشعـر بالقـص والتلزيـق
انـا ذبـت فيـه وجننتنـي طواريقـه



يسلواااااااااااا
صح لسانك حنو

[رولاف]

أبدعتي..:clap2:

الى الأمام وننتظر المزيد غاليتي..

[قلب حاير]

تسلمييييييييييييييييين ياحنوووووووووووووو المبدعه ...

وفيتي وكفيتي الله يعطيك العافيه

[ريحة عطر]