البدائل في الطبخ مهههههههههم....

[رومانسيه حيل**]

السلام عليكم ورحمة الله وبركاته

جبت لكم موضوع مهم واتمنى الكل يستفيد ,,,(( ارجو التثبيت :thumbs-up2:


بديتي تطبخين .. لكن تفاجأتي .. مقاديرك ناقصة...شاركي لتوفير البديل
========

كثير منا إذا فكرت تطبخ وإذا جتها الهمة .. وحددت الطبخة الي تبيها تتفاجئ إن بعض المقادير ناقصة
فمالحل؟؟؟
هناك بعض البدائل:
سأبدأ بحليب النستلة ..
فكرتي بحلا وكل المقادير توفرت إلا حليب النستلة أو الحليب المركز ماكان متوفر عندك
البديل
كأس حليب جاف + كأس سكر بودرة + بيالة ماء(قد تحتاجي لإضافتها )
ضعيهم بالخلاط لتكتشفي أنك صنعت حليب مركز بكل سرعة وسهولة ومقاديره غالبا تكون متوفرة
======

اذا البسكويت
خلص وبتسوين حلى استخدمي الكون فلكس اطحنيه
اذا القشطه
خلصت استخدمي 3اكواب ماء+2كوب حليب بودره+شوي سكر+3ملاعق دقيق+ملعقه ماء زهر +ملعقه ماء ورد
الطريقه
نذوب الحليب البودره في ماء ثم نظيف الدقيق+السكر نضع المزيج في قدر على النار متوسطه مع التحريك المستمر عندما يغلى المزيج نضيف ماء الورد والزهر مع التحريك حتى يشتد ثم نستخدمها في حشو القطايف والحلى عموما

=====
والنشاء اذا مافي استخدمي الدقيق العادي مثلا تبغي تعملي حشوة الكنافه واكتشفتي ان مافيه
نشاء استخدمي الدقيق
====

كثيرا ما نحتاج مخلل بوقت سريع .. وتصنيعه يحتاج فترة طويلة تستغرق أياما
اكتشفت طريقة تجعلك تصنعين المخلل بأقل من ربع ساعة
وهي تجيبي خيار وتقطعيه بالطول 4 قطع .. وتحطيه بقدر وتضيفي له فصوص ثوم وكأس خل ونصف الكأس ماء وشوي ملح .. وأشعلي النار عليه ربع ساعة ويتكون عندك مخلل لذيذ
جربوه مع غير الخيار ينفع أيضا ..
===
اذا كان عندك حساسيه من البيض
في الكيك والمعجنات استخدمي بداله زبادي
كل ملعقه كبيره من الزبادي عن بيضه
====
ويتي مرق وطلع الماء كثير ..لا تحتارين بس زيدي ملعقة دقيق على الطبخه بتقل لك الصوص.

===
أيضا اللبن يكون بديل في بعض الأحيان عن الزبادي .. خاصة في التتبيل و بعض أنواع الحلى
===
أنا الحليب المركز المحلى إذا ماعندي ,,, مو مشكله أبدا
أي حليب مركز وأحط سكر ,,, وأغليه شوي على النار ,,, ويا سلام
===
بديل الكاتشاب لنقع لحوم المشاوي او حتى للاكل مع البطاطا: كوب صلصة بندورة و نصف كوب سكر و ملعقتين خل
الكريما : زبدة مخفوقة مع حليب كامل الدسم
الزبادي: حليب دافيء مضاف لكل كوب ملعقة خل او عصير ليمون
لا يتم تحريك هذا المزيج لمدة 10 دقائق
===
خلص البقسماط
وتحتاجينه ضروري
أنا أدق الشابوره وأنخلها وأستخدمها
===
بدل الدريم ويب
علبة قشطة
ملعقتين سكر
ملعقتين زبدة
ويخلط على النار الى ان يذوب السكر
وينتج عندنا دريم ويب
====

بيضة واحدة + ثلاث ملاعق كبيره خل + ملح ملعقة صغيرة + ثوم حسب الرغبه ..
توضع بالخلاط إلى أن تتجانس ثم يصب الزيت بالتدريج ملعقة ملعقة إلى أن يثقل قوامها وتصبح كقوام المايونيز تماما ..
====
بديل للبيكنج باودر: كل ملعقة صغيرة منه تستبدل ب ربع ملعقة بيكربونات الصودا مخلوطة مع نصف كوب من اللبن .. و طبعا يتم استبعاد نصف كوب من الماء او السائل المذكور في المقادير لاننا وضعنا اللبن بدلا منه
===
إذا خلص البرتقال والحلى أو الكيك في مقاديره برتقاله ممكن تحطين ملعقة عصير تانج ببرتقال وسلامتكم
====
خلص الطماطم عندك وبjسوين كبسه او مكرونه اوايدامات بس استخدمي معجون الطماطم والسر زيدي عليه شوي سكر
(بالنسبه للسكر الهدف منه تعديل النكهه وليس التحليه ..ولأن الكميه بسيطه مايحلي بس يعدل النكهه ويقضي على حمضة الطماطم)

====
ممكن تضعين ملعقة صغيرة خل بدل الفانيلا لتقطع رائحة البيض .. وأنا جربته بالكيك
====
اذا طبختي جريش وطلعت الماء زياده حطي شوربة كويكر بودره و يتخن
وكذالك الايدام (الخضار)اذا تبغيها تكثف حطي حسب الحاجه كويكر بودره

=====
اذا خلص البقسماط وكلنا نعرف اهميتة نطحن كورن فلكس يطلع الذ
=====
وبشر الليمون بدل الفانيليا

=====
واذا فيه حلا يحتاج جيلي فراوله مثلا وماعندك
استخدمي عصير فمتو زايد ملعقتين نشاء .....ممكن تحطي سكر او لاحسب الرغبه
وحركيه عالنار لما يثقل ......وكملي حلاك بكل ثقه

=====

اذا ماعندك بسكوت للحلا ممكن تستخدمي التوست او الصامولي بعد ازالة القشره الخارجيه شرط تبليله بحليب محلا عشان يعطي طعم حلو
ممكن ايضا استخدام الكيك بدل البسكوت

=====
بالنسبة للشوكلاتة لو بتعملي حلا وماعندك شوكلاتة جالكسي او هيرشي
دوبي مقدار زبدة على النار واضيفي بودرة شوكلاته نسكويك او اللي موجود لحد ماتغلظ وزيني فيها دوناتك او كيكاتك او حلوياتك

=====
اذا بغيتي تصلحين كيك وكتشفتي انك ماعندك دقيق او حتى بسبوسه ولا عندك سميد حطي شوفان الي انصلح فيها الشوربه عرفتوها اكيد عرفتوها مافيه احد مايعرفها وتطلع حلوه وفكره جديده
=====
بعد اذا اشتهيتي اندومي ولاعندك اندومي حطي شعيريه وبعد ماتستوي حطي مكعب ماجي وفلفل اسود وكاري وممكن زبده وبس وعليك بالعافيه
=====
اذا اشتهيتي كنافه ولا عندك شعيريه اطحني خبز توست او صامولي وصلحي فيها كنافه كذابه

=====
السليق بعد عندنا له حل اذا خلص الرز المصري عادي وبكل سهوله حطي رز عادي ويطلع تمام التمام
بس النوع يكون بيشاور (اللي يشرب موية كثيير ).ونزيد في كمية الماء .

=====
صلحتي شوربه شوفان ويم جيتي تحطين الشوفان لقيتيه مخلص او مايكفي حطي دقيق بر في شوي مويه وكملي طريقتك وراح تذوقين احلى شوربه
=====
ذاك اليوم صلحتي تبوله بس البقدونس مايكفي عادي جيبي جرجير وقطعيه صغار وحطيه معه يطلع روعه ولااحد يدري انه جرجير وتصير طعمها يجنن
======
صلحتي قهوه ولما جيتي تقهوين لقيتيها خفيفه بكل بساطه ذري عليها شوية نسكافيه داخل الترمس او الدله ولا كن شي صار.

=====
ممكن تستبدلين القشطة اللي في البسبوسة بالزبادي (دايم أسويها عشان تكون أقل دهون ) ..ويمشي الحال .
=====
كوني ذكية وأوجدي البديل _ لاتتوقفي ... بل ستبدعي.


سلااااااااااااااااام :bye:

[ورقه شجر]

يسلمووووو
والله فعلا بيحصل معايا اوقات كتير وتخرب الطبخه علي شي ناقص عندي

[خبلة بس عاقلة]

تمام معلومات مفيدة ومهمة للزنقات ربي يسعدك

بس فيه كم حاجة حسيتها ما تنفع بدائل.. مثلآ

الرز السليق ما يضبط على البيشاور ممكن على ابو بنت كمان افضل من الرز المصري,,

والدقيق ماينفع على قشطة الكنافة راح تطلع زي صوص البشميل " دقيق وحليب" ؟؟؟

الف شكر ماقصرتي ,, يعافيكي ربي ..

[القلب المرح]

يعطيك العااافيه
مشكووره عالأفكاااااار اروعه
تقبلي مرووووري

[ورده فواحه]

يسلموو

يعطيك الف عافيه ع الطرح