ّّالحزن في قلبي ّّّ

[.♥ عـلـمتـنـي الـحـيـاة ♥.]

[frame="13 95"]

الحزن في قلبي وكل همٍ يسوقـه .. و انا أقاسي في حياتي معانـاة
قامت تجدد كل يومٍ فتوقـه .. و الوقت ما جالي على كل مشهاة
حتى عيوني للمدامع شفوقـه .. والليل كله بين هـمٍ وآهـات
لا أقبل عليّه نومها ما تذوقـه .. ينام من حولي وأنا دوم ما بـات
يا ما انتظرت الصبح وارجي شروقه .. كـن الدقايق فوق قلبـي ثقيلات
ويـن السـحاب اللي فقدنا بروقـه .. لـين الفقر غطّى جميع المساحات
الارض عـطشى والنفوس امحروقـه .. على الذبول اللي غشاها بلحـظـات
ما للمطر طاري وقفت سبوقـه .. مع الذي راح وتركني بمتاهــات
الشايب اللي غاب عنّا شـروقـه .. وش به تركني في ظروفٍ صعيبات
الضيـم اشـوفه كل ساعة واذوقه .. و ذقت الألم من يوم ما عودنا مات
ودي بشوفه مير صعبٍ طروقـه .. من راح .. راح وكل شيٍ وقد فات
نفسي على اللي راح دايم شفوقه .. أحـتاج لك ياابوي هالوقت بالــذات
مـا دام قلبي كل هـمٍ يطوقـه .. و حـنّا بقينا دايم الدوم بأشتات
ليت الذي تحت الثرى صار فوقـه .. حتى يشوف إش صابني بعد ما مات
والموت حق وكل نفسٍ تذوقـه .. مير البلا من ذاق موته ولا مـات

[/frame]

[@لين@]

رااااائع ماكتبتي اختي العزيزة ....ابيات جدا جمييييله وراقت لي ...فهذا خط الحياة ...والكل سوف يمر على الطريق ...فالموت هو نهايه الحياة والكل ليس مخلد في هذة الدنيا...سعدت جدا بقرائتها ...وتقبلي تحياتي

[ورده فواحه]

ابيات رائعه

يسلموو ع الطرح

[بكتني الفرقى]

[دلوعة عبود]

المـــــــوت حق وكل نفس تذوقه ..مير البلا من ذاق موته ولا مات

سلمت يدااااك علمتني الحيــــــــــــــــــــاة
على القصيـــــــــــدة الراااائعــــــــــــــــــــــــــــة ،،،مبدعه كعاادتك ،،