وشو طابخه لك زوجتك

[ابـونواف]

[align=center]



السلام عليكم جميعا
اسمعو هالسالفه وانتو احكمو وقولو رايكم
الخميس الماضي نطبخ بالاستراحه وجا ابومهند
السلام عليكم شباب
ها وش ذي الريحه الزينه ما شاء الله وش طابخين؟
رد عليه ابو سعد
اقول ابومهند ابلع العافيه تراك منت في بيتك تسال وتتشرط
ضحك هنا ابو مهند وقال :
تصدقون شباب اول سنه زواج وقبل لا يجي مهند حتى وهي حامل تتصل علي بالدوام وتقولي ها وش تبي غداك اليوم
يقول وبعد الولاده الله يخلف ان ذاك اليوم مسفهله ومن شهر لشهر اتصلت وقالت وش تبي غداك اليوم وان قلت ودي بكبسة لحم قالت ما عندنا لحم خلص !!!طيب ورا ما تكلمتي ..... نسيت
تدرون وش رد عليه ابوسعد
قاله عندنا وعندك خير
ـــــــــــــــــــــــــــــــــــــــــــــ ـــــ ــــــ
تصدقون يا خواتي
ترا لما تكلم الزوجه على زوجها وتقول وشو تبي غداك اليوم تراه نوع من انواع التدليع للرجل
ادري بعضكم بيقول يحمد ربه خله يدلعني وانا ادلعه
لكن ليه انتي ما تبادرين بالتدليع وتدعين له كود ربي يغير من طبعه ويحس ويحترمك
تصدقين وانا اخوك
حتى لو تطبخ الخادمه وتقولين له انا اللي طابخه بينبسط
دلعو رجاجيلكم لا هنتو لو كل اسبوع مره تتصلين عليه وتقولين له يا ابوفلان وشو مشتهي غداك بكره
بارك الله فيكم
نتمنى لكم حياة زوجيه سعيده
اخوكم - ابونواف
[/align]

الرجاء عدم نسب او تحريف او نقل اياً من مواضيعي دون إذن مني..أو كتابة منقول وكتابة اسم المنتدى وأسم معرفي على الموضوع

[الغاليه سمر]

يعطيك العافيه ابو نوااف
الحمدلله انا اسأل زوجي بين فتره واخرى عشااان مايمل من كثر السؤال المكرر
وزوجي لو اشتهى شي معين دايم يكلم ويطلب
لازم الواحد يهتم في كل تفاصيل حياته وينتبه لشي الي مقصر فيه حتى لو كان تافه اوصغير
وبااااااااااارك الله فيك

[ابـونواف]

الاقتباس غير متاح حاليا


[align=center]
فعلا كلامك صحيح

الله يخلي لك زوجك

شاكر مرورك

وفقك ربي
[/align]

[براري]

تدري انك فطنتني على شغله كنت ناسيتها الله يعطيك العافية ابو نواااف

[الايناس]

يعطيك العافيه اخي الكري
انا دايما بسأله
وكمان دايما بلاقي نفس الجواب
اعملي اللي بدك اياه هاد اكتر سؤال بكرهه بحياتي
تحيتي