وقالت بدو
صدت وقالتها بقرف
بنت الاكابر والترف
متكبره متعاليه يعني بدوي يقعد طرف
قالت بدو
والمعنى دون المستوى
ماحنا وياها سوى
حنا بنظرها من نكون
ريشه يطيرها الهوى
بمفهومها حنا عدد
رقم ولا اكثر بعد
يعني مجرد تكمله والا في هي اصل البلد
قالت بدو
تعني صفر على الشمال
هذا على احسن احتمال
تصدر حكم ماتلتفت تحكم ولاتترك مجال
قالت بدو
متصورتني بستحي وأترك مكاني وانتحي
تفاجئت تغيرت تلعثمت
ماتدري إني بفتخر لي الفخر
حنــــــــــــــــــا بــــــــــــــدو
أنـــــــــــــــــــــــا بــــــــدوي
حنا عمى عين العدو حنا البداوة وضعنا
وأهل الوفا هم ربعنا حنا نتفاخر بأصلنا يابنت هذا طبعنا
ماهي بداوة تلفزيون والا مسلسل اردني
بس بدوي بالمكريفون ولاهد سيفه ينثني
والا بدو بيت السدو
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل لي جيل انتقل
حنا معاني ساميه
نروي السيوف الضاميه
نلد المنايا مانهاب لو هي سعاير حاميه
حناالبدو
حنا البداوة عيدنا
ماناكل الا صيدنا
مانعيش عاله مجتمع نموت مانمد ايدنا
حنا البدو
حنا البداوة بدمنا
مانسمي احد عمنا
حتى و لو هو منهو يكون
لوهو زعل ماهمنا
حنا البدو
حنا البداوة عمرنا
محد بيصبر صبرنا
لانها مصنع رجال
نمشي وتمشي بامرنا
حنا البدو
حنا البداوة اصلنا
وحنا البداوة فصلنا حنا بدو متماسكين
وهذي نتيجه وصلنا
يابنت ياللي تضحكين
قلتي بدوي تستهزئين
غرك لباسك الاجنبي
والمشكله ماتعرفين ان البدو
اصل العرب
تبغين هالكلمه طرب
صارت نشب
ياانسه
ياعانسه
ياضايعه ومستانسه
يامالية وجهك صبغ يامالية عينك شدو
حنا البدو
ولو كان قلتيها بقرف
لنا الشرف
انا البدو
حنا بداوتنا شيم
دين وقيم
طيب وظفر
معنى كبير مااظن مثلك يعرفه
لو تدعين المعرفه
شي عسير مااظن مثلك ياصله
صعبه ولاهي حاصله
كلمه بدو
تعني التمسك بالجذور ماهو التخلف والجهل
والا بعد حب الظهور والا التنكر للأهل
كلمه بدو
تعني شمم
فعل وكرم
مبدا حضارات الامم
حنا القمم
نار على راس العلم
يشهد لنا سيف وقلم
وإن كان ماعندك خبر
لنا الفخر
لو عشنا ببيوت شعر عيشه الم
عيشه فقر
عيشه تعلمنا الصبر
مانقترض لاجل السفر
ونحسب ايام الشهر
مانفترض ونعيش واقعنا بحذر
وبالضيق نرخص بالعمر
نشرب من الماء الهماج ونكحل نواظرنا بعجاج
وغسيلنا حفنه رمل
هي الدواء وهي العلاج
عيشة رضا
ماهي نكد
مافيها تعقيد ابد
ساعات مانلقى ذرى يكفي نتلحف بالنجوم وفراشنا رمل الثرى
وسراجنا نور القمر لامن ظهر
ونام من عقب العشاء ونصحى قبل وقت الفجر
نؤمن بقضانا والقدر
ماهو كسل
والا نعيش بلا امل
نملك طموح
علم وامل ونرعى الابل
ونرعى الغنم
ونعزف من الونه نغم
ونتابع اخبار المطر وندور الروض الخضر
ونسري ورى برق سرى
ولانتراجع للورى
ونبحث عن المرعى العشيب
ومن شعيب الى شعيب
مانستقر
عنوانا كل الديار تجوالنا ليل ونهار
نعيش عيشه هاديه
وهذي حياه الباديه
سنة الربيع سنة دهر
ورغم الفقر
نخاف من قولة افا
ونتعب على قوله نعم
ونعيش عالين الهمم
من فضل ربي مانخون
نرعى الذمم ونركض ونتعب مانمل
ماحنا مثلك لا شغل ولا عمل
ماغير بس اكل ونوم
ومن الشحم ضاقت عباتك والهدوم
يااسمن انواع الحريم ياعايشه على الريجيم
ياانسه ياعانسه ياضايعه ومستانسه
ياللي تقولين بدوي
أنا بدوي ولي الفخر إني بدوي
عزمي قوي مااخون مااسرق الخوي
أبدي نهاري بالصلاة
واصارع امواج الحياة
ماضاقت الدنيا ابد
ولاني من اصحاب الحسد
ارفع ايديني للسماء
واطلب من الله واستخير
مااقول يمكن ربما
والا يصير او مايصير
محافظ على الخمس الفروض واضح ولا احب الغموض
ولا اتلون والتوي لاني بدوي
متمسك بأصالتي ولااغير لهجتي
انا بدوي
في فزعتي وفي قومتي وبقعدتي وفي مشيتي وبجلستي و في كلمتي وبنخوتي
حتى عقالي ولبستي
لوقلتي عني فوضوي
ماضرني بالحيل يابنت بدوي
ويسرني
اعرف من أنتي
ومن أنــــــــــــــــــــــا
والفرق واضح بينا
تدرين وادري من اكون ويكفينا نعرف بعضنا
انتي مثل عمر الزهور مالك عمر مالك سنين
شهرين ويجيك الجفاف وتذبلين وتصبح الوانك باهته
وأنــــــا جذوري ثابته ماخذ من الصحراء الهدو
وإن كان هذا يسعدك
حطي على راسك يدك
لاقلتي بدو
ياماليه وجههك صبغ
ياماليه عينك شدو
********************************
حنا البدو
حنا بداوتنا الاصل
بالقمه حنا مو اقل
حنا بداوتنا تراث
من جيل لي جيل انتقل
حنا معاني ساميه
-----------------------------------
[rainbow]BoooV4Live[/rainbow]:gentleman::gentleman::gentleman:
04-21-2010, 11:42 AM
رد: أنـــــــــــ بـدوي ــــــــــــــــا
العرض العادي
