مشكلتي مع خطيبي ماذا افعل له .؟

[ريمال فوق السطوح]

خطيبي امرضني هو يحبني حييل بس مشكله يحب يتكلم عن الجنس شهواني وناانحرج من كلامه

وكل ماغير الموضوع او حاول اسايسه بيصر بعد الزواج يزعل ويقلب السالفه على راسي واصير انا

اغلط وهو صح..! وانه ماسوا شي,,؟

ويزعل ويرسل لي رساله بعدها انه يحبني وارجع ارضيه ويرجع لسوالفه واسايسه عشان مايزعل بس كثر السوالف

فيه يسبب اثاره بنسبه له لدرجه يطلب مني امارس معه بصوت وانا رفض ومايصيررررر وانا ملتزمه وابتعد عن شي مايرضي الله

وكل مره اقوله كل شي بوقته

وكالعاده يزعل ويعاتب وفاتحته

بلموضوع يقول انا مشتاق لك ..!!


يعني يلي يحب يعبر عن حبه بلجنس.؟؟



والدرجه كنت متضايقه من مشاكل بلبيت وشكيت له ..


انصدمت برده فعله انا مورايق لك بذ السوالف خليها بعدين مثل الغير مهتم

انا مشتاق وبدى يتكلم بلجنس

انا بذي الحركه صديت وعصبت وتكلمت

ان ماهمه الا جنس ماهمه انا ...وزعل وجلس يهدد واني بندم

انا سويت شي غلط هذاالانسان كيف اتعامل معه .؟ عصبي مايصبر يبي كل شي بسرعه .؟ واذا قلت

مايصير يقول انا عنيده وماحبه ولازم اسمع كلامه وتقلب تصرفاته تصرفات اطفال موب رجال ب30....؟ معقوله يلي يحب

ينصب تفكيره بلجنس.؟

وين التفاهم

ارجوكم انصحوني افكر اتركه طفشني سبب لي حاله نفسيه

[فيصل الروقي]

هــلا اختـي ..بداية ادعوا من الله ان يتمم عليك ويسعد قلبك
من كلامك اشعر ان الخطوبه لها فتره ليست بالقصيره .. ماسبب الملل من جهته وجهتك ..
عاده انا ضد مكالمات الخطوبه او بعد الملكه لانها كثير ماسببت سوء تفاهم بين الطرفين وانا هنا لااعمم لان بعض الحالات تنجح ولكن تعتمد على شخصية الطرفين وثقافتهم وخلفيتهم الاجتماعيه
ولكن بما انه صار وتكلمتوا مع بعض اللي اتمناه وارجوه منك الثبات على موقفك اولا, وثانيا .. قللي من هالمكالمات حتى ولو كان بالشهر مره وتكون محور هالمكالمه عن الاستعداد للزواج يعني اشغليه بهالكلام .... اما اذا زي ماهوباين من كلامك انه مصر على كلامه مايمنع ان تكوني رومانسيه معه ولكن بحدود الاخلاق والدين وعيشيه احلام الايام الجميله والرومانسيه اللي بتعيشونها سويه بعد ماتكونون ببيت الزوجيه ومع الاستمرار بيقبل ويجاريك وتلقينه يستعجل الزواج...
الله يهديه ويسخره لك ااااااامين
اتمنى نسمع اخبار سعيده عنك

[استغفر اللهـ]

هلا اختي اولا الله يتمم لنا ولك على خير
نصيحتي لك اذا بدا في مثل هالكلام التزمي الصمت اذا سال ليه ماتردين قولي منحرجه ومومتعوده اسمع هالكلام
وخليه يقول كل اللي عنده وانتي ساكته الله يعينك وش تسوين لازم تصبرين ^_^
وصدقيني رح يمل من هالكلام ويرجع لعقله لان شكلكم توكم في البدايه عشان كذا يبي يفرغ الكبت اللي جوته بعدين يرجع لطبيعته <<< اسالي مجربه
اهم شئ خليك انتي مصدر الحنان لاتقسين عليه خليه يقول كل اللي عنده لان انتوا خلاص كتبتوا العقد وصرتي حلاله مثل مافهمت فاحسن من انه يطالع لغيرك خليه يتكلم معاك دام انتي حلاله ومثل ماقلت خليك صامته لاتتهورين وتجارينه في الكلام هو بيفهم انك منحرجه
والله يوفقك يالغلا اتمنى اني افدتك ببعض ماجربت

[ريمال فوق السطوح]

مشكورين على النصيحه الله يصبرني

[مون فايس]

فعلا المكالمات الكثيرة في فترة الخطوبة والملكة تطمع للجنس

وفي هذي الفترة تصير الوحدة كل همها رضاه وما تبي تخسره

بس تتوقعي انك لو رفضتي تمارسي الجنس بالصوت معاه وتركك

انه يستاهلك

صدقيني بتكوني انتي الكسبانة انك عرفتيه على حقيقته وانتي لسة بالبر

حاولي انتي تقللي المكالمات تدريجيا

تخلي غيرك يرد عليه ويقوله مشغولة

عند اهلها ،،، امها مانعتها تتكلم بالتلفون ،، ابوها هاوشها ما تتكلم بالتلفون مع احد

وبعد طلعة روحه ،،،، تقولي له بسرعة كيفك ايش اخبارك قبل ييجوا اهلي

بتتكلموا بالمفيد وتقفلوا

بس كثر السوالف والوقت الطويل بيدخلك بمتاهات ما تبينها

الله يعينك يالغلا ويتمم لك بالخير لو فيه خير لكي

ويبعده عنك لو فيه شر لكي

اتمنى مااكون ضايقتك او ثقلت عليكي بس اعتبرتك وحدة من اخواتي

سامحيني غلاتي