ياجاهلن باالحب هذي سواياه

[النـــايـف]

القلب جيش الحب الاعمى توطاه=والحب دلى بين الاضلاع دلّـوه


والجفن جمر البعد فالليل يصـلاه=يطرد لذيذ النوم من حر صلّـوه

والفكر مثل القدر والغيب غطّـاه=وان زاد جمر الحب يزداد غلّـوه


وان جاع سهم الهجر حنا ضحاياه=ماهويـذوق الا فـوادٍ وكـلّـوه


ياجاهلين الحـب هـذى خفايـاه=اشجع حصان تهزه عيون فلـوه


ندري طريقه صعب لكن مشينـاه=الحـب سلوانـا ولا فيـه سَلّـوه


من ذاق طعم الحب ماعاد ينسـاه=مع ان طعم الحب ما فيه حلـوه


هم ونحيـب وذكرياتـه وفرقـاه=تطري علينا كلهـا كـل خلّـوه


ياقلب انا بوصيك لا ترخص الجاه=والى اعتلا حبك عليـك فتعلّـوه


والوقت لامن حد سيفـه وشلفـاه=قدام لا يلوي لك ذراعـك الّـوه


اثنين ماتو كلهـم عنـدي اشبـاه=والكل منهم طايـح ٍوسـط بلّـوه


العاشق الـي راح خلـه وخـلاه=والضامي الي طاح فالبير دلّـوه

[عذوبي]

من ذاق طعم الحب ماعاد ينسـاه=مع ان طعم الحب ما فيه حلـوه
يعطيك العافيه اخوي وسلمت يمناك

[النـــايـف]

يسلمووو عذووبي ع المررورر الغالي ,,

[البااارونه]

سَلِمَتْ يُمْنآكــْ عَ آلطَرْحْ آلجَميلْ
يَعْطيكــْ آلعآفيَة النايف..
دَآمَ لَنآ جَمآلَ طَرْحكــْ..
آرْقَ آلتَحآيآ
/

</B></I>

[طيب الفال]

ابيات جميلة اشكرك النايف على طرحك الرائع
ولك تقديري واحترامي