كل ماتصل فيك صبح وليل تشكي لي
من عوج الأوضاع والدنيا ومتاعبها؛؛
مليت ياصـــاحبي مابيك تحكـــي لي
هالأســــطوانه انا مليت مـــطربها؛؛
حتى خيـــالك بتـــال الليل ياتي لي
جروح وعيون معقوده حــواجبهــا؛؛
عيشـــتني بعالم ماهو على جيلــي
زهرة شبابــــي حرام إنك تخربهــا؛؛
ياما هجرتك ولا كمـــلت ترحيـلي
حبـــايب ماتعـــبر عن حبايبــــها؛؛
حبيبـــــتك ماتحمــل هالبهاذيــلي
اضحك معاها ولاطفـــها ولاعبها؛؛
(هيا تغـــــزل وغن وزيد تدليلــي)
(البنـــت ياحبـها للــي يداعبـها؛؛)
قلـي شرايك بفستـــاني ومنديـلي
ألوانها تعجبـــك اوماأنت راغبها؛؛
وقلي شرايك بعقدي مع خلاخيلي
وشف قذلتي يوم قصينا ذوايبهـا؛؛
وقلي شرايك بأطباعي وأقاويلي
لاحــظ عليها وغيرها وشطبــها؛؛
خل بيننا نقاش وعلوم وتعاليلي
وآمر على البنت وإن حبيت طالبها؛؛
يامدمن الهم كافي دمع بالليلـــي
بكره تشبع من الدنيا ومصايبها؛؛
دنياك والله ماتسوى التزاعيلي
حتى ولاهيب كفو اللي يعاتبها؛؛
هذه القصيدة للراحلة: عابرة سبيل رحمها الله....
06-13-2010, 06:52 PM
كل مااتصل فيك
العرض العادي
