ملكنا وزوجي يبي ياخد حقوقة كاملة وش اسوي

[محيا]

ملكنا وزوجي يبي حقوقه كاملة
يقول مافي فرق الحين ولابعدين
وانا خايفة ..
اسمحلة بالقليل وهو يبيها كاملة وش اسوي
وباقي علي زواجنا 4 اشهر .؟؟؟
تهربت وجربت كل الحيل والحين هو يقولي تري ذي اخر فرصة لك .

[ج ـــلــنار]

هلا فيك حبيبتي

أولآ ألف ألف مبروووووووك الله يوفقك ويسخره لك يآآآرب

شوفي ياغلاي هو زوجك صحيح لكن لسى مادخل بك يعني واضحه الكلمه مادخل بك يعني عرفا لاشرعا

انتي مالك أي اثبات لو حصل لك حمل لاقدر الله قبل الدخله أو انك فقدتي عذريتك وهو تركك وانسحب

انتي ممكن تقولين لو حملت فيه تحليل الحمض واثبات النسب ... طيب وبعدين وين راحت سمعتك ؟؟!!

بصراحه ياأختي الغاليه الرجال كل ماشاف منك حرص على نفسك حبك وتمسك فيك أكثر

اتمنى ماتزعلين من كلامي لكن والله ما اتمنى لك الا اللي اتمناه لنفسي أو أختي أو بنتي

واذا هو يحبك فعلا وصادق في حبه لك ماراح يتركك لو رفضتي طلبه ....


وياليت تشوفين هالموضوع وتفكرين بدل المره مليون مره قبل لاتندمين

http://0o1o0.com/vb/showthread.php?t=19951


والله يوفقك ويسعدك ويستر عليك دنيا وآخره ياااارب

[مآلي بدآلك]

الف الف الف مبروك والله يوفقكم ويتمم عليكم بكل خير يارب .وعلى موضوع انه يبي حقوقه كامله منك قبل ما يدخل عليك رسمي قدام الله وعباده << وهذا شي معروف في عاداتنا وتقاليدنا >> مااتوقع ان الشي الي طلبه منك بيوقف زواجكم بكلمته هذي اخر فرصه ؟؟؟
<< الكلمه هذي لها معنى!! >> ماابي اخوفك بس يعني الاحتياط واجب وانا اخوك انك تاخذين الحذر حتى لو كان قريب لك . _ الشيطان ما مات _ وياما صارت سوالف يشيب راسك منها بسبه اخذ الحقوق وقت الملكه .وما اتوقع اذا كانه يبيك ومتمسك فيك انه بيتركك علشان يبي حقوقه كلها وقت الملكه بالعكس احس انه بيعجب بشخصيتك وبحرصك وبخوفك على نفسك من اي شي غير مقصود بينكم .البنت حلاتها بثقلها ورزانتهاا فديتك.
والواحد مايدري وش يصير له بين يوم وليله لو صار شي لاقدر الله بينكم ولا خلاف بسيط وسسبب هالشي انفاصلكم عن بعض وش بيكون موقفك من اهلك ومن اقرب الناس لك ؟
{{ اعتبري كلامي نصيحه اذا ماعجبتك قطيها بحر }}

[بلودان]

الى الاخت العزيزه -- الف الف مبروك وبالرفاه والبنين -- والرد على موضوعك -- اقولك انتبهى لاتجعليه ياخذ اللى يبيه منك حاليا -- يمكن يقول انتى زوجته جدام الله ورسوله واهلك واهله --هذا صحيح - ولاكن العرف اللى مشينا عليه -- انه اساسا مايشوفك الا القليل من الوقت -- واذا طلب منك ان تخرجى معاه لااختيار العفش مثلا -- لاتطلعين معاه بروحج --اخذى اى واحد من اخوانج الصغار او اخواتج الصغار اللى يفهموو الكلام -- وبعد الدخله الرسميه اعطيه اللى يبى ---- الله يستر عليج

[همس العواطف]

,,في البداية أختي ألف مبروك الله يوفقك,,
,,و أنا من رأيي يالغالية إنك ماتعطينه إللي يبيه لأن ماحد يدري بالغيب,,
,,و هو مو ضامن عمره و لاعارف وش ممكن يصير في الأيام الجاية,,
,,4 شهور مو سهلة تسمحين له فيها إنه يقربك و يعاشرك,,
,,إنتبهي حبيبتي و إحنا ياما سمعنا من قصص حدثت في أيام الملكة,,
,,صحيح إنه زوجك شرعا لكن على حسب عرفنا و تقاليدنا,,
,,مايدخل عليك إلا بعد العرس و تهديده لك لايهزك أبدا,,
,,هو تعمد يهدد عشان تخافين و تلينين و لو هو شاريك ماراح يترك,,
,,بالعكس ممكن يتمسك فيك أكثر لو أصريتي على الرفض و تكبرين
في عينه أكثر لأن الرجال يحب البنت الثقيلة الحريصة على نفسها,,
,,و أنا ما أقصد أجرحك بشي يا قلبي بس مجرد نصيحة,,
,,و إذا أصر عليك أكثر إنقطعي عنه و لا تقابلينه إلا مع أحد من
أهلك و لاتقابلينه لوحدك,,
,,و الله يسعدك يارب و آسفة إذا زعلتك بكلامي,,