اسوفه واتعذب؟وش السواة؟

[سجينة احزاني]

السلام عليكم ورحمة الله وبركاته اخواتي اتمنى انه فيكم وبينكم من لديها الخبرة وتجاوبني وتريحني انا ولدت طفلي وهو الاول بقيصرية وجلست يومين ماشفته وثالث يوم جابوه لي وحاولت ارضعه وماقدرت لان الحلمه عندي مسطحه فكان يبكي بشكل مو طبيعي ورافض صدري ويوميا على هذا الحال فاستعملت جهاز الشفط وسحبت له ويخلونه في رضاعه ويرضعه لغاية ماطلعت من المستشفى وهو رافض صدري ومع التدليك وتكرار الشفط الحمدلله برزت شوي حلمة الصدر ورضع مني و بعدت عنه الصناعي .المشكلة اني توفرت لي وظيفه بعد شهرين وكنت محتاجتها جدا لظروف زوجي الصعبة وحاولت اعطي ولدي صناعي وهو رافض تماما المهم داومت وتركته عند جدته من ابوه فعلمته على السكاته (المصاصه او اللهاية)لانه رافض الرضعه فصارت تخلي اللهاية في فمه على طول وينام فيها ولما ينام تعطيه الرضعه استمر على هذا الوضع 4 شهور وكنت لما ارجع للبيت ارضعه طبيعي .الان انا الحليب عندي قليل جدا جدا وهو رافض الصناعي ووزنه ضعيف ومايزيد الان له شهرين ونصف زاد فيها اقل من نصف كيلو عمرة 7 شهور ووزنه 6 كيلو حاولت اعوضه بالاكل ومافيه فايدة ياكل شوي بس وزنه مايزيد والان له يومين رافض حتى الاكل وبس يبغى طبيعي ولما خبرت الدكتورة قالت انه سبب ضعف وزنه انه مفتقدني .وش اسوي وكيف احببه في الصناعي والله من احط الرضعه في فمه يبكي بشكل مو طبيعي .:crying:

[ريحة عطر]

عليكم السلام ورحمة الله

الله يخليه لك

حاولي تعوضينه بالاكل مع الرضاعة سوء طبيعي ولا صناعي

وان شاء الله يستفيد

[mkmm]

اختي الغاليه الله يكون بعونك حاولي تعطينه سيريلاك لانه مغذي وايضا عطيه بسكويت الاطفال فهو يفتح الشهيه بس انتبهى وهو ياكل لا يشرق وعطيه عصير البرتقال تر ممتاز جدا ولا تخافين بيسير طبيعي بعد فتره انا طفلي عمره 11 شهر ولا انقلب وهذا شي طبيعي بس يحتاج شويت حنان واتمنى لك التوفيق

[انوثهـ مجروحهـ]

حبيبتي لا تخافين عادي يسمن ان شاء الله
جيبي 3 حبات تمر واغسليهم وانقعيهم في مويه وبعدين امرسيهم بالملعقه واشخلي المويه
وحطيها باالرضاعه ورضعيه ومره مفيده كل ديرتي يسونها تقوي عظامته وتنقع الدم باذن الله
الله يخليه لك ويفرحك بصلاحه ...

[سجينة احزاني]

اشكر ردودكم وان شاء الله آخذ بآرائكم وفقكن الله