ابي حل يا اهل الخير

[مزوح تجي وتروح]

بسم الله الرحمن الرحيم
السلام عليكم ورحمة الله وبركاته
انا حابه اطرح مشكلتي وابي الحل الي يريحني زوجي كم مره يطرح علي زواج المسيار با الرغم انو مالنا 3 سنين وعندنا بنت بس انا ماني مقصره معاه ولمن يفتح معاي هل الموضوع انا يجن جنوني ويقولي انا اسف وكرر الاسف في كل مره
انا بس الي نفسي اعرفه هو من جد يفكر او يبي ينرفزني والموضوع هدا وايد يجرحني وهو عارف انا خايفه ابي كل من يقراء موضوعي يقولي على حلول وراح ادعي لي كل من رد على الموضوع با التوفيق:196:

[ج ـــلــنار]

عليكم السلام ورحمة الله وبركاته


هلا فيك حبيبتي


شوفي ياغلاي معظم الرجال كلمة بتزوج سواء مسيار أو غيرها على لسانه بسبب وبدون سبب ومنهم

اللي يقولها وهو جاد ومنهم اللي يقولها بقصد المزح وفيه اللي يقولها بقصد ينرفز زوجته او يبغى يشوف ردة فعلها ومنهم ومنهم ....... إلخ

لكن يالغلا الشاطره اللي تعرف تتصرف مع هالكلمه ... يعني ماتتحديه ولاتقولي ماتقدر أو أتحداك تسويها أو تزعلي كل شوي وتبالغي في الزعل والدلال عليه لأن ممكن هو يبغى يعرف مدى حبك له لكن ماعرف اشلون يوصل لها الا بهالطريقه .... فإنتي ياعسل خليك هاديه وخذي الموضوع بهدوء وعقل وثقي انو الرجال اذا بغى يتزوج ماراح يستشيرك ولا راح يرده شيء لازعل ولا غيره


بالنسبه هل هو يفكر جد أو لأ فإنتي عارفه انا مابنعرف زوجك عشان نأكد لك هالشيء أو لأ

لكن انتي ادرى بزوجك وأدرى بحياتكم وكمان بطريقة عرضه للموضوع عليك فإذا كان بيكرر هالموضوع

عليك في وقت مزح فما ظنيت انو جاد لأن ممكن يكون اسلوبه في المزح استفزازي ويحب يستفزك

وإذا كان وقت زعل من شيء معين أو عدم رضاه عن شيء معين فهو يقصد تنبيهك عشان تعدلين وضعك


هذا رأيي يالغلا


والله يوفقكم ويسخركم لبعض يااارب

ينقل لقسم مشكلتي الزوجيه

[ميمي التميمي]

فديت قلبك أموره كلامك عين العقل وأنا رأيي مثلك .
الله يسخره لك ويهديكم لبعض آميين يااارب .

[♡ sαяσиα]

ما راح ازيد على كلام اميره
ما قصرت الله يسعدهااا

وبعدين جيبيلي رجال ما يقولهاا؟؟!!
اتحدى..
مزح ولا جد..

لكن خليك داايم ذكيه اذا فتح معاك السالفه..
خليه موضوع نقاش بينكم..
تطلعين انتي كسبانه فيه..
وخذي راحتك بالكلام والتعبير عن اللي بقلبك..
بدون ما يحس انك تضايقتي..

بالتوفيق لك

[اميره بكلمتي]

امممم زوجي ما يقولها؟؟!!
يمكن ازواجكم يمزحون وزوجي جاد ؟؟!!

ممكن الرجل اللي يتكلم كثير ما عنده سالفه بس يهدد وكلام فاضي
لكن خافي من اللي ساكت وما تدرين اش يفكر فيه ؟
هذي وجهة نظري
ودمتي بخير