بعد ماتذكرني طلعولي اهلي؟؟؟

[رمانة فيصل]

مرحبا حبايبي انا طرحت قبل فتره مشكلتي مع زوجي وطبعآ مثل مانتو عارفين لي ثلاثه شهور عند اهلي
المهم ..
المشكله ان اهلي اذا الوحده مننا زعلت مع زوحها خلاص يعتبرونه غريب ويصير حظر عليك لا تكلمينه ولا تشوفينه
ولما تذكرني زوحي وجاء يعتذر كانو مسوين حالة استنفار ماتقعدين معه لحالك وبغو يستعينون برجال المارينزالمهم اخوي اقنعهم انه فيه امور خاصه ومفروض محد يسمعهاطبعآ سمحولنا ومن كثر ماحسسوني انه رحال غريب احترت اطلع كذا ولا البس عبايه ونقاب طبعآ انا متأكده انهم كانو عند الباب مو يتسمعون لا فدينهم لا كانو يحرسوني لا يسرقني المهم جلسنا وبدا يتعذر ويتأسف ويتعهد ويحلف ويقول سم وآمري طبعآ انا سامحت ورضيت بس مانسيت تطنيشه لي وشرطت شروط ووافق عليها وتكلمنا عن اشياء كثيره ووعدني انه يتغير
جاء اليوم الثاني بعد ماتراضينا وقال بكره بمرك نطلع نتعشى برا ونكمل كلامنا طبعآ اهلي بغى يجيهم جلطه لا ماتطعين قلت ليش قالو لين يجيب رضاوتك بعدهاجاني عشان يقولي بغير البيت وش تبين بلاط للحمامات (تكرمون)وفرش وغيره كان ودي اطلع اختار بس مو راضين
ابي اعرف ليش هالتصرفات من الاهل؟
الشي الثاني وش اطلب رضاوتي حقت التطنيش ثلاثة شهور وهل لي حق بطلبها؟
الشي الثالث كيف اتعامل معاه ؟رسمي عشان يحس بغلطته او انسى وافتح صفحه جديده؟

[اميره بكلمتي]

هلابك رمانه ///
الحين اهلك اكيد حريصين عليك وعلى مصلحتك ....ولا تطلعين عن شورهم ورايهم ....

واذا زوجك اقنعك بكلامه .....وفعلا الله اصلح بينكم ...
فلا تهمك رضاوة الدنيا كلها ....
اهلك يتفاهمون معه في ذا الجانب ....
واذا فيه شئ معين ببالك ....اطلبيه ...
اهم شئ الاحترام والتفاهم ....مو الفلوس والهدايا
....
بالنسبه لكيف تتعاملين معه ....فخلاص هو اعتذر وقالك اللي بقلبه ...وشهو له الرسميه ....دامه جاك حاسس بغلطه وطالب رضاك ....

خلاص ابدي صفحه جديده .....كانك عروس جديده واسمعي كلام اهلك ...
واذا على التغييرات اذا رجعتي بيتك غيري براحتك ...اللي تبغين
وربي يتمم عليك ويسعدك يارب

[عبق وشذا المدينة]

رمانه الله يوفقك يارب وابدئي صفحه بيضاء

وادعيلي معاكي ان ربي ييسر اموري

يارب

[فراشه فوشيا]

كلام اختنا اميره ع صواااب...لكن اهلك ع صواااب ..والوحده لما منا تزعل وقت الغضب تطلع للاهل ع كل شي ..وبعد ماايروح الغضب تنسين اصلا مااقلتي ..لكن الاهل تبقى كل كلمه قلتيها في قلوبهم ..تبغين اهلك ينسووون مااحصل مستحيل ..حتى مهما ارضاءك ورجعت اموركم زي اول ...

[Ahmed Rasheed]

والله يارمانة أهللك صحيح خايفين عليك لكم مزودينها شوي ،، أما عن الرضاوه فهي من حقك لكن لاتكلفي عليو كثير ،،، واتعاملي بالبداية رسمي معاه وتدرجي إلى ان يصير تعاملك معة طبيعي ،،
والله يوفقك واتمنالك التوفيق