نخيتكم لا تخلوني حيران

[فتى زهران]

بسم الله الرحمن الرحيم



السلام عليكم ورحمة الله وبركاته


إخواني / أخواتي الأعزاء

أسعد الله جميع أوقاتكم بكل خير ومحبة

لعل الكل باقي يتذكر وش اللي صار لي في سابق الزمان :111:

والآن أخوكم في الله في حيرة من أمره


زوجتي رجعت بعدما صار اللي صار ولكن الآن المشكله في أهلي

الوالد قال لي أول مارجعت الحرمه ( بيتي يحرم عليها ماتدخله )

بصراحه أنا ما أشره عليه وخاصة بعد اللي صار واللي قالوه عنه

لكن أنا أسكن في الشرقية وأهلي في الرياض يعني مشوار ( 500 ) كيلو

بصراحه صعبه أخلي زوجتي وعيالي في الشرقيه وأروح خميس وجمعه

الرياض بدون أن يكون لديهم من يهتم بهم وخاصة لو صار شيء لا سمح الله

والإيجارات ( 200 ) ريال وفوق وبصراحه شي ما أقدر عليه

غير هذا وذاك الأهل بيسافرون مكه في نص رمضان وبيعيدون هناك

وبصراحه أنا ما أدخل بيت عمي ولو وديت الحرمه بصراحه أخاف ماعاد يرجعونها

ولا يرجعون عيالي ومشوااااار أروح من الشرقية للجنوب ومن ثم إلى مكه

في يوم واحد

ثم أعود للجنوب بعد العيد وأمسك الخط للشرقيه

فماذا ترون أنني أفعل

هذا الموضوع الأول


-----------------------------------------------------------------------------------------------


موضوعي الآخر

أنا عندي زوجه عنديه بكل ما تعنيه هذه الكلمه

يوم الخميس تصوم وإذا صامت صومتني معاها لا فطور ولا غدا زي الخلق

الفطور والله ثم والله إني أقوم أسوي لي فطور بنفسي

والغدا الله يديم النعمه


وإذا صحيت أقول لها يعني أقوم ولا أحصل لي لقمه أفطر بها

تقول لي مانمت الا الساعه 6 ونص ، وأيضا تقول وش صار لو سويت لك اي شي


بالله هذا رد زوجه ؟؟؟؟؟؟؟؟؟؟؟؟


هذا غير اللي صاير والله تعب قلبي منها





تكفوووون ساعدوني وش اسوي والله خلاص تعبت من جد

[ج ـــلــنار]

عليكم السلام ورحمة الله وبركاته

هلا فيك فتى زهران

بالنسبه للشق الاول من السؤال .. اذا كانت روحتك للرياض بس خميس وجمعه

فماله داعي تآخذ زوجتك معاك .. لأن كلها يومين وان شاء الله مابيصير فيهم الا الخير

انت وفر لهم احتياجاتهم وأكيد عندك جيران والا أصحاب طيبين وصهم عليهم لو صار ظرف لاقدر الله وخلاص انتهت المشكله ..
بالنسبه للعيد فمادام والدك محرم عليها تدخل بيته وانت خايف من اهلها فماله داعي تروحون لاعند أهلك و لاعند اهلها عيدوا هالمره ببيتكم ورزقكم على الله مو لازم هالعذاب دام فيها مشاكل وتعب
وانت انتظر فتره لين النفوس تهدأ والمشاكل تنسي شوي وبعدها كلم والدك واشرح له ظروفك وحاول تستعطفه واطلب منه انه يكفر عن يمينه أو انك انت تكفر عنه وكلها 100 ريال وارتاح من هالهم .

بالنسبه للشق الثاني :
انا مستغربه ليه تصوم الخميس وهي مو قايمه بواجباتها .!! الله يهديها ياارب
أخوي انت لازم تفهم زوجتك انو اذا كان صيامها تنفل وانت مو راضي فهو لايجوزانا ما أقولك امنعها عن الخير لأ .. حاشالله لكن اذا كانت بتهمل زوجها وبيتها وواجباتها فماله داعي تصوم لانها
بتأثم في تقصيرها والله سبحانه وتعالى يعطي على النيات مثل مايعطي على
العمل .

الله يصلح حالكم ويعينك ياااب

[ذيـــــ نجد ـــــب]

اخوي الشق الثاني انت تقصد زوجتك الاولى ولا الثانيه

[وحشتني الذكريات]

انا مع كلام اختي اميره الله يسعدهااا وصح لسانهاااااا

يا اخي انا والله العظيم من كثر ما اشوف مشاكلك بالمنتدى واشوف معاناتك... وربي انو قلبي يوجعني ....... << شلون اصحاب المشكله ...
ياخي خلاص تنازل وضحي وعيش سعيد باللي تقدر عليه ..<< ولا تدقق ولا تتعب نفسك ومشي حياتكم ..
وزوجتك اذا شدت الحبل من جهه انت هووون من جهه ثانيه علشان لا ينقطع الحبل وتخسرون حياتكم وحياة اطفالكم ...

وتذكر انه كل مشكله بتكبرهااااا بتكبر .... ولو صغرتهاااا بتصغر بعد


فكر زين .... واستخير الله ..
واحنى للحين من عام 2008 من بدايه طرحك لمشاكلك ....
ماسمعنااااا الطرف الثاني علشان نحكم عليهااا مثل ماااتقول انت ....
ممكن حتى هي عندهااا مشاكل منك وتتضايق منك ....
<< الا اكيد .. بعد لانو مافي حرمه تسوي كذا شبعه بطره ....



الله يصلح الحال ويسعدكم ...
انتبه لبيتك .. وخليك محافظ عليه ....


وتحياتي /
ورد الحربي

[♡ sαяσиα]

مرااحب فيك اخووي..
وكل عاام وانت بخيير..
والحمد لله ع رجعت زوجتك..

بسم الله الرحمن الرحيم

السلام عليكم ورحمة الله وبركاته

إخواني / أخواتي الأعزاء

أسعد الله جميع أوقاتكم بكل خير ومحبة

لعل الكل باقي يتذكر وش اللي صار لي في سابق الزمان :111:

والآن أخوكم في الله في حيرة من أمره

زوجتي رجعت بعدما صار اللي صار
رجوعها عن قناعه..ولا مغصووبه..؟؟
وعندي فضول اعرف وش صاار..اذا ممكن..
ولكن الآن المشكله في أهلي

الوالد قال لي أول مارجعت الحرمه ( بيتي يحرم عليها ماتدخله )

بصراحه أنا ما أشره عليه وخاصة بعد اللي صار واللي قالوه عنه

لكن أنا أسكن في الشرقية وأهلي في الرياض يعني مشوار ( 500 ) كيلو

بصراحه صعبه أخلي زوجتي وعيالي في الشرقيه وأروح خميس وجمعه

الرياض بدون أن يكون لديهم من يهتم بهم وخاصة لو صار شيء لا سمح الله

لا ما عليها خلااف ان شاااء الله..
ومو لازم تروح كل خميس وجمعه,,اذا مره خاايف عليهم..
يعني كل شهر شهرين..معقوول..

والإيجارات ( 200 ) ريال وفوق وبصراحه شي ما أقدر عليه

غير هذا وذاك الأهل بيسافرون مكه في نص رمضان وبيعيدون هناك

وبصراحه أنا ما أدخل بيت عمي ولو وديت الحرمه بصراحه أخاف ماعاد يرجعونها

ولا يرجعون عيالي ومشوااااار أروح من الشرقية للجنوب ومن ثم إلى مكه

في يوم واحد

ثم أعود للجنوب بعد العيد وأمسك الخط للشرقيه

فماذا ترون أنني أفعل

هذا الموضوع الأول

اخووي...معليش بس ليش تخااف ما يرجعونها؟؟
وهي توها رااجعه؟؟!!!
والله ياا بن الحلال حيرتني معااك..
عيشتك بهذا الشكل..مو صح ابد..
لازم تكون لك كلمة ببيتك وعلى اهلك....
خيير يعني تهددك انها بترجع مثلا او بياخذونها..؟؟
سلامات عايشه بالاسر هي ولا مع زوجها..
وش ذا الاعماام وذا العااايله.....؟؟
وانت قبل ما ترجع كنت تدعي انها ترجع لك..؟؟
والحين تشتكي منها....!!!

معليش اخووي تحملني شووي بس بجد صرت احس
العيب فيك مو بزوجتك..

-----------------------------------------------------------------------------------------------

موضوعي الآخر

أنا عندي زوجه عنديه بكل ما تعنيه هذه الكلمه

يوم الخميس تصوم وإذا صامت صومتني معاها لا فطور ولا غدا زي الخلق

الفطور والله ثم والله إني أقوم أسوي لي فطور بنفسي

والغدا الله يديم النعمه

وإذا صحيت أقول لها يعني أقوم ولا أحصل لي لقمه أفطر بها

تقول لي مانمت الا الساعه 6 ونص ، وأيضا تقول وش صار لو سويت لك اي شي

بالله هذا رد زوجه ؟؟؟؟؟؟؟؟؟؟؟؟

هذا غير اللي صاير والله تعب قلبي منها

تكفوووون ساعدوني وش اسوي والله خلاص تعبت من جد

هذا اكبر دليل انها مو عاملة لك حساااب ابد..؟؟
يعني هي الحين ما تبي بيتها ..
ولا هي.. واثقه انك ما تقدر تستغني عنها ..
اذا كان كلامك صحيح ولا افتريت عليها..
او بهرت بالكلام شوووي..
ما ادري زوجتك وش يعقلها بس انت اخبر..
لكن اشوووف انك تجلس معاها وتفهم منها وش فيها بالضبط..
وليش تتصرف معااك بهذا الشكل..
لازم تخلي لك هيبة..واحتراام..
هذا الحل معااه بس..
مو بالصيااح..ولا بالضرب ولا بالخصاام..ولا بالتكسير..
ولا بالشكوى لاهلها واهلك..
اسرار بيتك ببيتكم..
اتفقوا على هذا الشي....
واحتراااااااااااااااااام..
ما بينكم احترام هذا اللي اشووفه..

والله ييسرلك امرك يااارب..