ما عـاد فيهـا حيـا وانعدمـت ( الخـوّه )

[السفير ماااجد]

ما عـاد فيهـا حيـا وانعدمـت ( الخـوّه )

البـارح الليـل ( غيـر ) ومختلـف جـوّه
لحظة قضا .( الدّين ) يـا ديانهـا . حانـت



يا ( بو مشاري ) بعد جعلـك علـى القـوّه
بعض الوجيـه ( انتبـه ) منهـا ليـا مانـت


مشكور . يالبـارق اللـي مـا صـدق نـوّه
صحيح ما العن من الهقـوه .. ليـا خانـت


ما عـاد فيهـا حيـا وانعدمـت ( الخـوّه )
النـاس جاهـا بـلا . ونفوسـهـا شـانـت


وانـا علـى فطرتـي . وان جيـت بمـوّه
( ملامـح الوجـه ) لـو اخفيتهـا بـانـت


والكلمـه اللـي بصـدري باقـيـه جــوّه
اقول هانـت .. وهـي والله .. مـا هانـت


دون الخـوي مـا ذخـرت لوقتـي وسـوّه
شف وشكثر .. شالـت متونـي ولا لآنـت


ارفا الخمـل .. لا ظهـر . واجيـه وانـوّه
و ادفع ثمـن ( غلطتـه ) مـا كنّهـا كانـت


واحطب له ظلوع صدري . لا طفت ضـوّه
واجمّله .. وامـدح علومـه .. ليـا زانـت


ما كنت ابي شي .. كـان الدافـع . مـروّه
وعهود عاهـدت فيهـا نفسـي . وصانـت


مانيب ندمان .. ميـر الجـرح يـا ( قـوّه )
عزاي ياكم ارجـال مـن ( الوفـا ) عانـت


يا صاحبي .. كان باقي لي طلـب .. سـوّه
اللي حصل شي عـادي !! هقـوه و خانـت


لا جيت ( بير ) الصداقه ( دمّه ) او ( طوّه )
هانت لك اشياء بس ( النفـس ) مـا هانـت


الشاعر / سالم بن حمد

[3hd]

كلمات في قمة الروووعة

يعطيك العاافية

لاحرمتنا من جديدك المبدع

لك ودي وردي

عــــــهد

[السفير ماااجد]

نورتي الصفحة اختي

[عبق وشذا المدينة]

رائع دائما في الطرح يامجود

[السفير ماااجد]

مرحبا بك في صفحتي