اهديك قلب

[بنك الحب]

اهديك قلب ٍ ماكذب يوم يغليك
يضخ حبك والغلا في وريده

كل ماذكرتك فز قلبي يناديك
وعجزت لا اكتب فيك جمله مفيده

لاجيت ابكتب فيك شي ٍ يساويك
احتار في كل المعاني الفريده

ماشوف في عيني حروف ٍ تحليك
وماعاد باقي حرف لاجلك اعيده

استصعب التعبير لا اقصر هقاويك
اصعب سهل واسهل صعب في قصيده !

حكمتني حكم الملك للمماليك
وعرش الفكر زكاك واصبحت سيده

ساكن بقلبي يالغلا بعقد تمليك
وكيفك تعمر فيه والا تبيده

وانا رضاي انكان قلبي سكن فيك
عشة رضى ولا قصور ٍ جديده

يافز قلبي حين يطرون طاريك
فزة سجين ٍ وإحكموا فك قيده

عيني تبي شوفك , وقلبي يناجيك
وبنك الغلا يزيدلك في رصيده

لو تنكشف قصة هوا قلب مغليك
اسبوع كامل تنكتب بالجريده

[ج ـــلــنار]

راااااااااائعه

سلمت اناملك بنك الحب على نقلك الرائع والمميز

دمت ودام بداعك

[ورده فواحه]

يسلموو ع طرحك الراائع

[طيب الفال]

يعطيك العافية بنك الحب على الابيات الرائعة

وشكرا لك على تميزك وابداعك المتواصل

[روح تعبت من الجروح]

مبدع بكل ماتحملة الكلمة من معاني