الكل يدخل والله يسامح اللي يطنش؛,,؛

[جويل بنت أبوها]

السلام عليكم ورحمة الله وبركاته



بقولكم قصتي ويمكن تضحكوني علي بس والله تعقدت من خطيبي والسبب أسمة <<ايه اسمة صرت مسخرة عند صديقاتي واقاربي..

اسمه فادي

مدري من جايبين اهله هالاسم

طبعا هو خطيبي وشفت وأعجبني نفس الموصفات اللي ابيها طويل وابيض ومملوح مو شرط يكون ملك جمال ..

بس زي ماقلتلكم مليت من تعليق الناس على اسمة واذا جابوا سيرتي قعدوا يحشون وانواع التعليق

مرتوا لفادي ..
فادي عم يحشي كوسة
فادي راعي الشاورما
فادي عم يشطف ارض ديار
فادي عم يحشي كبه
اذا جاكم ولد وش بتسمونة جورج مثلا
وفوق هذا كله واحد من اخواني مطوع ويقول لأبوي اسم فادي اسم مسيحي لازم يغير اسمة !!!!!!!!!!


وربي ملييييييييييييييييييييييييييييييييت طفشت من التعليقات وانا دوبي مخطوبة وشلون اذا تزوجنا بكرة :150:


شوفوا يابنات ابي اكلمه يغير اسمة وش رايكم؟؟بس خايفة يزعل مني :msn-2857f63144:

[ج ـــلــنار]

عليكم السلام ورحمة الله وبركاته
هلا فيك حبيبتي
شوفي غلاي رضا الناس غايه لاتدرك ولو بتجلسين العمر كله تجتهدين عشان تعجبينهم ماراح تعجبينهم أبد
يعني اذا انتي مقتنعه بخطيبك والرجال مافيه عيب فماعليك من كلام الناس
وبعدين ياعسل وبكل صراحه انتي مكبره السالفه وهي ماتستاهل ..!!!
الناس تمزح وتعلق على المخطوبه دائما وياما وقعنا في مثل هالاشياء
يعني الدعوى كلها مزح في مزح المهم انتي ماتكوني حساسه

ونصييييحه ياغلاي لاتجيبي طاري هالسالفه لخطيبك أبد لأنو ممكن يزعل منك ويكره أقاربك واهلك ...
اسم خطيبك عادي ومافيه شيء لكن احنا مشكلتنا تعودنا على الاسماء اللي مدري كيف شكلها ..!!
و اللي يقولك شيء عن اسمه طنشي وابتسمي في وجهه ولاتردين عليه أو جاريه .. بمعنى يوم يقولون بتسمون ولدكم جورج قولي لأ .. بنسميه طوني واضحكي ولا كأنو همك وبكذا راح يملون ويسكتون لأن هذي كلها حركات استفزازيه من باب المزح وراح تختفي مع الوقت وكمان راح يتعودون على اسمه

ربي يوفقك ويسعدك ويسخر لك خطيبك

ينقل لقسم المقبلين على الزواج

[وحشتني الذكريات]

اهلا وسهلا
انا مع كلام اميره
صح لسانهاا وعساها ع القوه دوووم يارب

الاسم عادي جدا :: تعالي شوفي اسماء اهلي وائل وسام وليد لؤي << ولعلمك كلهم ذولا رجال ومتزوجين وبعضهم عندهم احفاد ...<< ولا فرقت معاهم الاسماااء
وعادي جداااااااا << رغم اننا بدووووو << بس متحضرين خخخخ
مادري وين المشكله .. بالعكس انا اشوفه رحمه عند بعض الاسماااء
تخيلي لو فادي اسمو مصلح ولا سعيدان ولا عتيق << وش بتسوين << راح يقولون لك .... وااااااااااااع اسمه مره قديم وغبار خليه يغيره
يعني راح تتعبي في رضاء الناس
<< صحيح كلنا بدو وقبايل ... ومايعجبنا هذي الاسمااء
بس اتوقع الجيل اللي الحين متفهم وواعي احسسسسسسسسن من اللي قبل


ارضي بالاسم والحال وقولي الحمدلله
اذا رجعوو علقو على الاسم قولي لهم بالفم المليان مالكم شغل فيني الاسم وعاجبني ولا يهمني رايكم .


والله يسعدك

[ميمي التميمي]

الف الف مبروووك والله يسعدك ويهنيك ياقلبي
فديت جلنار ما قصرت وورد

ياحبي لك .بس الأسم وضااايق صدرك اجل لو اسمه مثل الأسامي اللي صدق تخلي

الواحد يضحك نجر محماس اسماء البنت تستحي تقووول اسم ابوها ارحمهم بجد

احمدي ربك يا عمري اهم شي دينه واخلاقه

[الرايس]

أختي الفاضلة ألف مبروك:
ولايهمك كلام الناس أنا التفق مع خواتي الفاضلات التي سبقني في الإجابة على موضوعك سم فادي رائع جداً ومعناه في اللغة الاسم : فادي. معنى الاسم : من يفدى غيره بنفسه أو بماله ويخلصه وينقذه مما هو فيه والفداء جميل فهو لون من التضحية والايثار أما الفدائي فهو المجاهد فى سبيل الله أو الوطن ...
أسأل الله لكِ السعادة في الدارين