ودي أرحـل / ما يناسبني الزحـام !

[السفير ماااجد]

غاب ضوّ الشمس و إزداد الظلام
و كل شمعه بالشوارع .. طافيه ..

إستعرت الصمت من فم الكلام
الحروف أحيان : ماهي كافيه ..

خطوتي صارت على حد الحُسام
من غدت كل الأماني : حافيه

طفلة الما .. ذبلت أوراق الغرام
بعد ما كانت علينا .. ضافيه ..

الجفا ما كان لي برد و سلام
حيييل مشتاق المطر يا جافيه ..

ألف مرّه قلت لك : بُعدك حرام
كيف أدفا بلا كفوفٍ دافيه !

في غيابك كانت الفرحه حطام
و كانت إيدين المواجع وافيه ..

ردي لـ صبحي تغاريد الحمام
حاولي بشتّى الدروب الخافيه

و رتّبي لي دمعتين ..بلا ملام
ودي أبكيك بـ ليالي لافيه ..

أو خذيني للبعيييييد من الغمام
الرحيل أحيان : ديره شافيه !

ودّي أرحل ما يناسبني الزحام
و أسكن أنفاس الغيوم الصافيه ..

عمر هذا الحزن فيني ما ينام
و فرحتي نامت منام العافيه ..

طفلة الما / مالت غصون الكلام
و الحروف حلول : ماهي كافيه !

ما يموت الشعر في صدري مدام
غيبتك وزن و حضورك قافيه ..

م/ن

[احــــسآآس مرهف]

اى والله ودى ارحل .....
تحياتى مجودى تسلم

[السفير ماااجد]

نورتي مسجونة القصيدة

[3hd]

كلماااااات ولا أروووع ..
ذووووق ورقي وجمااااااااال ..
يعجز اللساان عن وصف روووعة ورقي بووحك ..
كلمااااات عذبة ترق لها الأحااسيس ..
حروووف تغلفت بالابدااااع والجماااال ..
أبدعت في رسم لوحتك الفااخرة والجمييلة..
انحنى قلمي توااضعا أماااام روووعة قلمك البااهر..
دمت بهذا الرقي والشمووخ و العطاااء..
تقبل مروووري البسيط لأرضك الخلاابة ..
أجمل وأعذب التحااايا لروووحك النقية..

[انثى حالمة]

رائع غاليي السفير بانتقااائك الملامس لاحاسيسنا الفياااضة دوما
لتلك المشاعر الراقية الجشية ..
غلااي ..
صح اللسانك وفاه من اشعر الابيات ..
لاهنتم ..
ودمت كما انت رائع ..