قصــيده عن الابــل ... للمدلل اريــش العينــ ...

[كوله مو معقوله]

طلــب المدلل اريش العينــ ... راعي الابــل :132:
وللامــانه مافهمت ولاكلمه من القصيده :hul:

العين متعة نظر والقلب مفتاحه ............. أدنات ما حرك الأشواق وأحياها
لاشفت لى من خيار الذود طفاحه ......... ملحاً طفوح تموح الأرض بخطاها
من طيب ابوها رقاق الزين تجتاحه ....... تشعف هل الصنف والهقوه تعداها
عسماء الأيادى لجرد البيد مياحه ........... وطفا تدك الوطا من كبر ماطاها
فرعاً سناد من الذرعان منزاحه ........... سودا على بنتها تعـرف تهاياها
فجحاً من الساق للوبال لواحه ............. غريبة اللـون تفرقها بسمراها
ملحاً تسربل بزين المشى مرتاحه .......... يسبح ذهنك بصورتها وممشاها
لاحذفت راهى الأشناق شواحه ............ هزعا العرقوب غاية من تمناها
خفقاء اللواحي عريضة خد مطواحه ...... أمشرهفة الأذن والزين يتغرشاها
واسع نحر لأوحت الهوبال فداحه ......... للحوض تدحم بيسراها ويمناها
يا زينها وسط قفرٍ غـاديٍ واحه ........... فيه أم سالم تجر الصوت بغناها
في نقرةٍ من خليط العشب فواحه .......... وليا روّحت من راس مفلاها
تشرب زلال الغدير وترشح ضحاحه ..... تشعا المولع بحب البل ويشعاها
يقدر لها التاجر اللي يرصد أرباحه ....... وإلا مقل العرب ما هوب وياها
لا شافها يشغل الناس بتلحلاحه .......... ويجنب لغيرها لو كان يبغاها
ما هيب دناء تقاصرها بدوباحه ......... ولا هيب زقما تسد النفس برغاها
هذيك تطلق عليها الناس جوباحه ........ مستبرمٍ وجهها كنه مقفاها
تكسر شنار الهشاش وتدمر مراحه ...... ياعزتي للعديم ليا تضواها
والزين يعشق بعد شقحا ومضياحه ...... وضحا تردد على الأسماع طرياها
وصفراً تصاغي دقاق الشول ولقاحه ..... يازين طرخمة الصفـرا يا محلاها
وشعلٍ ليا شاشها المطنوخ بصياحه ...... كن السباع الضواري تنهش أتلاها
البل سفاين ظهور البيـد شلاحه .......... يا بعـد مصباحها يا بعـد ممساها
والمراجل من قديم فالبـل وفلاحه ....... وإنا هل المجد والثنتيـن أخذناها
دايم زمام المكارم نلبـس وشاحه ........ وأهل الوفاء تنعرف لو ما مدحناها
كل القبايل ببحر الطيب سباحه ......... والمرجلة غبة ما يلحق أقصاها
والطيب قفلٍ يحوش الفذ مفتاحه ....... والطايلة ما تجي له كان ما جاها
الشاعر دسمان بن مناحي السبيعي




هذي هديه .. اطلب قصيده واحصل على فيديو مجاناً:212:


http://www.youtube.com/watch?v=as6q5...eature=related

اتمنى تنال اعجاب المدلل ,, وكل محب للابل :hul:

[طيب الفال]

قصيدة جميلة وطرح رائع

اشكرك كولة مو معقولة على اختيارك المميز

[ميمي التميمي]

ههههههههههه

يسلم قلبك يالغلا

[ادوي قلبي المجروح]

ههههههههههههههههههههههههاي كوله اليوم صايره بدويه

بدويه مو معقوله

تسلمين ياحلوه وخليك كذا على طووول

ههههههه

[كوله مو معقوله]

ههههههههههههههههههه

القحطاني ,,,,,,,,, ميمي ,,,,,,, تعبت من الجرووح

يسعدلي قلوبكم دووووووووووووم